Ko-Dabirɛnu 32:26 - ALLALA KUMƐ

²⁶ Kei wo ko, “N boloka kamasɔrɔn waan ra ye ka tinɛ le.” Kɔnɔ Yakoba ko, “N ti i boloka mumɛ, fɔ i wa duwa n ye.”

Ko-Dabirɛnu 32:26 ပူးပေါင်းရင်းမြစ်များ

Ko-Dabirɛnu 32:25

Kei wo ya a yen min kɛ, a ti ke Yakoba nɔla, a ya Yakoba gbesi a woro-kuri ma. Nyɔ purukuluta anu nyɔgɔn na.

Ko-Dabirɛnu 32:27

Kei wo ya Yakoba manyinika ko, “Ile tɔgɛ kama?” A ko, “N tɔgɛ le Yakoba.”

1 Ko-Kɔrɔta-Karan 4:10

Yebɛsi wo ya Isirɛlata Alla madiya, a ko, “E, Alla, ita duwɛ layigi n kuma ka do sa nta dugi kuma. To n fɛ ka n tanka ko-yogomɛ ma min si a ma, n ni dumɛ rayen.” A ya Alla matara fan minna ko ma, a ya wo nyinya a ye.

Yaburi 67:1

E, Alla, kinikini ma ma ka ita duwɛ layigi ma kuma. I ni ko-nyimɛnu kɛ ma ye.

Bɔ-Koe-Iyipiti 32:10

Woletɔ i kana n nakala. Nta diminyɛ si wara anu kuma ka anu ban sa! N si ile ma bɔnsɔn kurɛ dabirɛ la.”

Keninteya-Siginu 3:4

N bi n bɔla wo dafɛ nya min, n bi ale, n diyana-mɔgɛ yenna. N ya a bira sigbi, alako a kana ta. N bara ta a la fɔɔ n nala konko la.

Keninteya-Siginu 7:5

I kunyɛ ye san ma sodo, iko Kamɛli kɔnkɛ. I kun-sigi ye malan-malanna iko kura-namanɛ. I kun-sigi si mansɛ-buyi rabasan.

Aiseya 45:11

Isirɛlata Mari Alla-sɛnimɛ, yarɔ-koenu mabɛnnɛ ale min bolo, kɔni, wo ko yo sa wole bolo ka a manyinika ala dannuna ko ma. A bɛnnɛ a ni min ma, a ma bɛn wo ni wo fɔ a ye.

Aiseya 64:7

Mɔgɔ-wo-mɔgɔ sa min bi i batola. Hali ka ma dɛnbɛ, mɔgɔ-wo-mɔgɔ sa min si i manyinika. Ni i ya a yen, wo dama ye mala ma la bawo i wara i kan-kɔ sɔ ma la. Ma dama ara kasara ka a tɛgɛ ma hakɛnu ma.

Hoseya 12:4

bawo anubɛ melika ya turunɛ kɛ. A ya melika wo nɔ. Wo kɔma, a dira ka wo madiya alako wo ni duwa a ye. San-dande tenbinɛ, Alla ya ale Yakoba taran Bɛtɛli soe burɔ ka ala kumɛ mabalan nyɔ,

Romu 8:37

Kɔnɔ nɔlɛ ye ma bolo koe kɛ bɛɛ rɔ feu! Ale min bara ma keni, ma ara nɔ-ko sɔrɔn ale le baraka rɔ,

1 Kɔrɛnti 15:58

Woletɔ n na-kelen-nyɔgɛnu, wo ni wo sɔ gben! Wo ni to wɔlila Mari ye tuma-wo-tuma bawo wo ya a lɔn ko wo ye min kɛla Marita wɔlɛ rɔ, wo ti ma fuyi la mumɛ!

Tɔn-Fɔɛ-Fila-Nyɔgɛ 9:14

I kana n nakala de! N si mɔgɛ kɛnu faga kelenna! Mɔgɔ-wo-mɔgɔ ti anu miri anu ma tun! N si anu bara-koe lato yen!’ Wo kɔma, Mari ya a fɔ ko, ‘N si a ma, ile ni bɔnsɔn-kurɛ dabira fanka ye minnu na, ado wonu si siyaya kɛnu ko.’

Hiburunu 5:7

Yisa ye dugu-kole kɛ kuma tumɛ min, Alla min si ke a kisila sayɛ ma, a ya wo madiya a kulu-mayɛlɛnɛ anubɛ diyi la a bolo. Alla ya a wɔlɔ matɔlɔ Yisa la bawo a ya a famayigi ka madiyali kɛ, ado a telenta.