Ko-Dabirɛnu 32:16 - ALLALA KUMƐ

¹⁶ A ya wonu fara iko anu su ye nya min. A ya kolo-fen kurun kelen-kelan kɛ bɛɛ don ala wɔli-kɛla kelen-kelan bɛɛ bolo. A ya a fɔ anu ye ko, “Wo ta kɛnu na n kɔrɔ wara. Kɔnɔ wo tenbi tala, wo ni tɛtɛgɛ to kolo-fen-wɔrɛ kɛnu tɛma iko anu su ye nya min.”

Ko-Dabirɛnu 32:16 ပူးပေါင်းရင်းမြစ်များ

Ko-Dabirɛnu 32:17

Wɔli-kɛlɛ min bi tala ala kolo-fen-kurun fɔlɔtɛ wonu na, Yakoba ya a fɔ wo ye ko, “Ni i bɛnta n kɔrɔ Isɔ la, a ni i manyinika ko, ‘I tigi ye yon na? I ye tala mintɔ? Yontan ye kolo-fan kɛnu na?’

Ko-Dabirɛnu 32:20

“Wo dama ni a fɔ a ye ko ata wɔli-kɛla Yakoba ye nala wo kɔma.” Yakoba ya a miri ko, “Tumado n bara sanbɛ minnu nata n kɔrɔ ma n yarɔ, wonu si a ma, a yisi ni kimɛ.”

Yaburi 112:5

Mɔgɔ-sewanɛ le wo tigi la min si mɔgɛ dɔndɔ foninsereyɛ rɔ, ado a telennɛ ala yilayɛ rɔ.

Hɛnkilimaya-Kumɛnu 2:11

Ila ko-kɔrɔ-lɔn si i kandan hɛnkilimayɛ rɔ.

Aiseya 28:26

A kusan wɔlɛ kɛla bawo Alla le ya a karan wo la.

Matiyu 10:16

“Wo ni wo tole masɔ! N bi wo latala sulukinu tɛma iko sagɛnu. Wo ni halliya iko duguma-fannu. Wo ni ma kɛlɛ-tɛgɛbɛlɛ la iko kangbɔɛnu.

1 Samuwɛli 25:19

A ya a fɔ wɔli-kɛlɛ wonu ye ko, “Wo sɔ n yarɔ. N bi nala.” Kɔnɔ a ma kuma-wo-kuma fɔ ala kei ye.