Ko-Dabirɛnu 32:10 - ALLALA KUMƐ

¹⁰ I wara ko-latelennɛ anubɛ ko-nyimɛ min kɛ n ye, a ma bɛn defan nde ni wonu sɔrɔn. N bi bɔla n barɛ tumɛ min ka Yorodan bɛ tɛgɛ, mabɛ nna kɔrɔ-sɔ-sewuri le dɔrɔn ya bɛ tɛgɛ. Kɔnɔ tabarakala, kaka n bara na kurun filɛ kɛnu na n bolo.

Ko-Dabirɛnu 32:10 ပူးပေါင်းရင်းမြစ်များ

Ko-Dabirɛnu 18:27

Iburayima ya a fɔ a ye tun ko, “N bara kuma i ye yisi-latɛgɛ rɔ. Nde ma bɛn ka wo ma kamasɔrɔn fenfen ma nde la. N mani de iko gbangban i yala.

Ko-Dabirɛnu 24:12

A ya Alla madiya, a ko, “E, n Mari, n tigi Iburayimata Alla, n bi i madiyala ko i ni hɛrɛ kɛ n ye bi, ka ila lanyiri latɔnbagaya n tigi Iburayima ye.

Ko-Dabirɛnu 24:27

A ko, “Alla tanto, n tigi Iburayimata Mari min bara ata lanyiri latɔnbagaya n tigi ye, wo ara n telen n tigita mɔgɛnu na.”

Ko-Dabirɛnu 28:13

Yakoba ya Mari sɔnɛ yen a tɔnkɔn rɔ. Mari ya a fɔ ale Yakoba ye ko, “I fa anubɛ i benba Iburayimata Mari Alla le nde la. I sanɛ dugi min kuma kɛ la, n si wo di wobɛ i bɔnsɔn ma.

Ko-Dabirɛnu 28:15

I tara kan-bo-kan, n si to i fɛ ka i kandan. N si na i la fɔɔ nyamanɛ kɛ rɔ tun. N ti i boloka fɔ n ba n kuman-kan latɔnbagaya.”

Ko-Dabirɛnu 30:43

Wo le ya a ma, Yakoba mara nɔnfulu-tigi-wɛ la. Yɔɔn siyaman taranta a bolo anubɛ sagɛnu anubɛ baanu, hali nyomɛnu anubɛ sofɛlɛnu.

Ko-Dabirɛnu 31:3

Wo kɔma, Mari ya a fɔ Yakoba ye ko a ni sɛgi ala mɔgɛnu barɛ a fata nyamanɛ rɔ. Mari ko a si to a fɛ.

Ko-Dabirɛnu 32:5

A fɔ a ye fanan ko yɔɔn siyaman bi n bolo anubɛ kolo-fannu. Baa wo, saga wo, ninki wo, sofɛlɛ wo, wonu bi n bolo duk! N bi wole, nna kilayɛnu natala a ma alako n bara-koe ni diya a ye.”

Ko-Dabirɛnu 32:7

Hɔnyɛ sigira Yakoba kan la, woletɔ a ya a bolo-fannu tafara sigi tina fila la, mɔgɔni-gbu wo, kolo-fen wo, anubɛ nyomɛnu.

2 Samuwɛli 17:24

Abasalɔm anubɛ ata Isirɛla kɛlɛ-dannu bi Yorodan bɛ tɛgɛla tumɛ min, wo ya a taran, Mansa Dawuda anubɛ ala kɛlɛ-dannu bara ke Mahanayim soe burɔ.

2 Samuwɛli 7:18

Mansa Dawuda tara Marita-Fani-Bɔn la. A ya a mayigi dugi ma nyɔ Mari yala ka a madiya ko, “E, n Tigi Mari, i wara ko-nyimɛ min bɛɛ kɛ nde ye, a ma bɛn, malebɛ nna denbayɛ ni wo sɔrɔn.

Yobu 17:9

Telenbagɛ ti ata telenbagayɛ to. Fɛɛ sa mɔgɛ min na, wonuta si to gbɛlɛyala.

Yobu 8:7

Alla ye nala min dila i ma yarɔ, i foora min bɛɛ la, a si tenbi wo la pirr!

Yaburi 16:2

N ya a fɔ ile Mari ye ko, “N tigi le ile la. N ti ke fen-nyima sɔrɔnna n nyɛrɛ ma ni ile ma.”

Yaburi 18:35

E, Mari, i wara n nakanan. I wara n dɛnbɛ woletɔ n bara ma tɔgɔlamɛ la.

Yaburi 61:7

E, Alla, ila duwɛ ni taran ala mansayɛ rɔ burubukai! Ita hinɛ anubɛ ila lanayɛ ni a kandan.

Yaburi 8:5

I ban hadama-dan ladanna, i ya a ma, ile kelen pe le kolo a ko. I ya a ma, a ya gbiliya-belebele sɔrɔn.

Yaburi 84:7

Anu tenbi tagama wo kun na, anutɛ ye tola gbɛlɛyala le bawo a sɔgɛ ye anu na ka ta anu nyɛrɛ latenbi allanuta Alla ma Bato-Bɔn la.

Yaburi 85:10

Keninteyɛ anubɛ lanayɛ si bɛn ka anu nyɔgɔn kɔndɔn. Telenbagayɛ anubɛ yisi-kimɛ si anu nyɔgɔn tamɔnsɔn diyanayɛ bolo.

Hɛnkilimaya-Kumɛnu 4:18

Kɔnɔ mɔgɔ-telennɛnuna telenbagayɛ si to koloyala iko teleta waan si to koloyala nya min ka a bi sɔgɔma ha tele-latelan.

Aiseya 6:5

Nde, Aiseya ya a fɔ ko, “Gbalo ye n ma bawo n dɛ ma kin, ado n bi mɔgɛ minnu tɛma, wonu fanan dɛ ma kin. Ado nfan, n bara Mansa Alla yen n nyɛrɛ yɛ la, Mari Sɛnbɛ-Bɛɛ-Tigi, kɔni. Ka a tɛgɛ kɛ dama ma, yigi-wo-yigi sa n bolo tun.”

Aiseya 63:7

A di n ye, n ni Marita keninteya-dan-natɛgɛbɛlɛ wara-koe fɔ. N si a tanto ka a tɛgɛ a ara min bɛɛ kɛ ma ye. A ara fen-nyima-siyaman di ma ma. A ara Isirɛla mɔgɛnu bira a kin na! Mari ara ata kinikinɛ yira ma la. A nyimayanɛ ma ma dɔgɔma-ma-de!

Maika 7:20

I si ita lanayɛ anubɛ ila keninteyɛ yira Iburayima anubɛ Yakoba kegeyɛnu na, ita mɔgɛnu, kɔni, iko i ya lanyiri kiri anu ye nya min nun!

Luka 17:10

A ye wo nya na le wole fanan bolo. Min fɔra wo ye, wo wa wo bɛɛ ma tumɛ min, wo si a fɔ ko, ‘Wɔli-kɛlɛ le male la dɔrɔn. Ma ara mala wɔlɛ le dɔrɔn kɛ.’ ”

Luka 5:8

Koe min mara, Saimon Pita ya wo yen tumɛ min, a ya a nyɛnkin Yisa kɔrɔ. A ko, “N fa, i yandi, i masɛgi n na bawo hakɛ-tigi le nde la!”

2 Kɔrɛnti 12:11

Wole le wara a ma, n bara kun-takolonyɛ kɛ. A bɛnta wole ni n matɔgɔ nun. Hali fen ma nde la wo yala, wola kilaya-makawanɛ wonu fenfen ma tenbi nde la.

Tɔn-Fɔɛ-Fila-Nyɔgɛ 8:18

Wo ni wo miri yati, ko wota Mari Alla le ya fan wonu di wo ma. A ye wonu mala wo ye bawo a ya lanyiri min kiri wo benbanu ye, wo kanbali-sɔgɛ ye a la.

1 Pita 5:5

Fonikenu fanan ni sɔnnaya kɛmɔgɛnu ye wo nya na le. Wo dama ni famayigiya-duruki don wo kan na ka wɔlɛ kɛ wo nyɔgɔn ye, ado a sɛbɛnɛ Allala kitabu rɔ ko, “A mako sa mɔgɔ-wasinɛnu na kɔnɔ a si ata hinɛ yira mɔgɔ-famayiginɛnu na.”