Ko-Dabirɛnu 31:54 - ALLALA KUMƐ

⁵⁴ Yakoba ya sarakɛ bɔ kɔnkɛ kuma nyɔ ka a berin anubɛ a na-kelen-nyɔgɛnu kele fen dɔn tinɛ. Anu ya fen-dɔn-kɛ ka ki kɔnkɛ kuma nyɔ.

Ko-Dabirɛnu 31:54 ပူးပေါင်းရင်းမြစ်များ

Ko-Dabirɛnu 21:8

Isiyaka koloyara. Dennɛ wo da-ka tumɛ, Iburayima ya ladiyɛ kɛ a ye.

Ko-Dabirɛnu 26:30

Woletɔ Isiyaka ya ladiyɛ ladan anu ye. Anu ya fen-dɔn-kɛ ka anu min.

Ko-Dabirɛnu 37:25

Anu bi fen dɔnla tumɛ min, Sumanyila kegeyɛ minnu siginɛ Midiyan nyamanɛ rɔ, anu ya wonu yen nala wula-yan la ka bɔ Kaliyadi nyamanɛ rɔ. Anu nara kɛnɛ anubɛ se-tuli anubɛ isɛnti dunɛnu na. Wonu kirinɛ anuna nyomɛnu kɔ tɛma. Anu bi tala Iyipiti nyamanɛ rɔ.

Bɔ-Koe-Iyipiti 18:12

Musa biran-kei, Yɛtiro ya saraka-mintantɛ anubɛ sarakɛ donu bɔ Alla ye. Aruna anubɛ Isirɛla mɔgɔ-ba bɛɛsi tara ka fen-dɔn-kɛ Musa biran-kei fɛ Alla yala.

Isikiyɛli 44:3

Kɔnɔ dɛ latogonni kɔmɛ, n si mansɛ do sigi anu kun na min si dɔn-fen-sɛnimɛnu dɔn n yala nyɔ. A si don-ni-bɔ kila-kunna-konko la min bi tenbi-bolɔn wo burɔ.”

1 Samuwɛli 9:12

Sunkurunnɛ wonu ya a fɔ ko, “Ɔn, a ye nyɔ rɔ. A sa wula la. A ye wo yarɔ. Ni wo ya wo kian bi, wo si ke a rɔ. Wo ye donna soe burɔ nya min, wo ye a yenna le! A nara soe burɔ bi le bawo mɔgɛnu bi anuna sarakɛnu bɔla le bi saraka-mintan-tinɛ kɔnkɛ kuma. Mɔgɔ-wo-mɔgɔ ti fen-dɔn-kɛ fɔ ale wa ke nyɔ bawo ale le ye sarakɛ wonu duwala. Ni wo ya wo kian bi, tumado wo si a taran, yanni a ni yɛlɛ kɔnkɛ kuma fen dɔn tinɛ.”