Ko-Dabirɛnu 31:5 - ALLALA KUMƐ

⁵ A ya a fɔ anu ye ko, “N bara a yen ko nna yakɔrɔ sa wo fa kuma tun iko fɔlɔ. Kɔnɔ n fata Alla ara to n fɛ.

Ko-Dabirɛnu 31:5 ပူးပေါင်းရင်းမြစ်များ

Ko-Dabirɛnu 21:22

Wo wati rɔ, Kirari mansɛ anubɛ ata kɛlɛ-kurugbɛ Fikoli tara Iburayima wara. Mansɛ wo ya a fɔ Iburayima ye ko, “I ye koe min bɛɛsi mala, Alla ye i fɛ wonu tɔ.

Ko-Dabirɛnu 26:24

A ke nyɔ wo suyi rɔ, Mari bɔra a ye gbɛ rɔ. A ko, “I fa Iburayimata Alla le nde la. I kana kilan kamasɔrɔn n bi i fɛ. N si nta duwɛ layigi i kuma ka i bɔnsɔn lasiyaya nta wɔli-kɛlɛ Iburayimala ko la.”

Ko-Dabirɛnu 28:13

Yakoba ya Mari sɔnɛ yen a tɔnkɔn rɔ. Mari ya a fɔ ale Yakoba ye ko, “I fa anubɛ i benba Iburayimata Mari Alla le nde la. I sanɛ dugi min kuma kɛ la, n si wo di wobɛ i bɔnsɔn ma.

Ko-Dabirɛnu 28:15

I tara kan-bo-kan, n si to i fɛ ka i kandan. N si na i la fɔɔ nyamanɛ kɛ rɔ tun. N ti i boloka fɔ n ba n kuman-kan latɔnbagaya.”

Ko-Dabirɛnu 31:13

A ko n ya Alla min taran Bɛtɛli soe dafɛ, alele le ale la. N ya kuri latelen nyɔ ka tuli kɛ a ma a dantɛgɛ-koe ma. N ya n dato a ye nyɔ. A ko woletɔ n ni bɔ nyamanɛ kɛ rɔ ka ta n sigi n fata nyamanɛ rɔ n sɔrɔnta kan min.”

Ko-Dabirɛnu 31:29

Sɛnbɛ ye n bolo ka i tɔrɔ kɔnɔ kunu suyi rɔ i fata Alla kumara n ye kiyo rɔ ko n ni a ma n fɛrɛma ko n kana i ragbɛrɛn hali ka kuma-yogomɛ fɔ i ma.

Ko-Dabirɛnu 31:4

Yakoba ya kilayɛ lata ka Resɛli anubɛ Liya kele alako anu ni a taran ala sagɛnu dafɛ binyɛ rɔ.

Ko-Dabirɛnu 31:42

Ni n benba Iburayima anubɛ n fa Isiyakanuna Alla sa n fɛ nun, n bolo-kolɔn gbɛ le bɔla i warɛ nun. Kɔnɔ Alla ara nta tɔrɔyɛ anubɛ nta wɔlɛ yen n ya minnu kɛ i ye, woletɔ a ya i makuma suyi rɔ kiyo rɔ.”

Ko-Dabirɛnu 31:53

Alamɛ i benba Iburayima anubɛ n fa Nehorinuta Alla anubɛ wonu fanan fata Alla ya kiti tɛgɛ mabɛ ile tɛma.” Yakoba ya a keli a berin ye a fa Isiyakata Alla yala.

Ko-Dabirɛnu 32:9

Yakoba ya Alla madiya ko, “E, n benba Iburayimata Alla, n fa Isiyakata Alla, i wɔlɔ matɔlɔ nta madiyalɛ kɛ la. Mari, ile le ya a fɔ n ye ko n ni sɛgi nna mɔgɛnu barɛ nta nyamanɛ kɛ rɔ. Ile le ya a fɔ ko i si koe bɛɛ ma a kilɛ fɛ nde ye ka ko-nyimɛ kɛ n ye.

Ko-Dabirɛnu 48:15

Yakoba duwara Yusufula dannu ye ko, “Alamɛ n fa Isiyaka anubɛ n benba Iburayimata Alla ni ata duwɛ layigi den-kei filɛ kɛnu kuma. Ka a bi n dennɛ ma ha ka a sigi kaka la, Alla min ya n kandan ka n tanka masibɛnu ma, alamɛ wota duwɛ tora anu kuma.

Ko-Dabirɛnu 50:17

a ya a fɔ ma ye ko ma ni ale Yusufu madiya alako ma ya ko-yogomɛ minnu ma a la, a ni ma makoto wo la. Kaka, male min bi a fata Alla kɔrɔ, ma ye ale madiyala, a ni ma to nyɔ a fata Alla wola ko la.” Yusufu ya kilayɛ wo lamɔɛn tumɛ min, a dira biribiri!

Aiseya 41:10

Wo kana kilan bawo a ye wo fɛ. Bawo wota Alla le ale la, wo kana kilan fenfen na. A si wo ragbɛlɛya ka wo dɛnbɛ. A si wo latanka ka wo kisi.

Hiburunu 13:5

Wo ni wo matanka wodi-keni-koe ma. Min bi wo bolo, wo ni wo wasa bawo Alla ara a fɔ ko a ti ma to ka ma boloka ni!