Ko-Dabirɛnu 31:38 - ALLALA KUMƐ

³⁸ “N bara san mogan kɛ bɔ i fɛ. Ila saga-musi anubɛ ila baa-musi fenfen bu ma tinya. N ma ila saga-yigi fenfen dɔn.

Ko-Dabirɛnu 31:38 ပူးပေါင်းရင်းမြစ်များ

Tɔn-Fɔɛ-Fila-Nyɔgɛ 28:4

“Marita duwɛ si to wo ye ka a ma, wo ni yiri boi! Wola fui-fannu ni ma-a-la. Wola kolo-fannu ni siyaya.

Bɔ-Koe-Iyipiti 23:26

Wola musinu ba buyi bi, anu buyi wo fenfen ti tinya. Gbanda ti taran anu tɔ. Wo si taran wo diya wo siyi-tele-bɛɛ kɔrɔ.

Ko-Dabirɛnu 30:30

Kɔnɔ yanni n ni na yan, kolo-fen siyaman sa i bolo nun, ado kebi n nara, Allata duwɛ tora i kuma. Ila kolo-fannu tora sabatila. N bara n taya i ye nun kɔnɔ kaka, a fisa, n ni n taya n nyɛrɛ ma.”

Ko-Dabirɛnu 30:27

Kɔnɔ a berin Leban ya a fɔ a ye ko, “N bara fɔlɔla a lɔnna bolo-tafɛlan rɔ ko Mari ara duwa n ye ilela ko la, woletɔ ni i si sɔn, i yandi, i ni to n fɛ tele fila kɔrɔ.”

Ko-Dabirɛnu 31:10

Yakoba ya a fɔ ala musinu ye tun ko, “Kolo-fannu bu-bi-wati kenɛ, n kiyora baa-kɔrɔn-pusannu na anubɛ a manyɛgamɛnu anubɛ gbɛ kelen-kelan ye minnu ma, wonu bi yɛlɛla baa-musinu ma.

Ko-Dabirɛnu 31:37

I wara n bolo-fan damasi mafɛlɛn. I ya i bolo-fan nyamintan yen n bolo? Nba, ni i wara i bolo-fan minnu yen n bara yan, anu nabɔ gbɛ ma yan mala mɔgɛ kɛnu yakɔrɔ. Wonu ni kiti tɛgɛ ma tɛma.

Ko-Dabirɛnu 31:39

Sogo-feremɛnu bi minnu fagala, n ma wonu yira i la. Nde nyɛrɛ ya n munyu wonu ma ka wonu nyɔgɛnu nasɛgi i ma. Anu ya minnu kankan n bolo tele rɔ, i ya wonu nyɔgɔn makele n na. N ya wo nyɔgɛnu nasɛgi i ma. Hali anu ya minnu fanan kankan n bolo suyi rɔ, i ya wonu makele n na fanan.

Ko-Dabirɛnu 30:29

Yakoba ya a fɔ Leban ye ko, “N bara wɔli min nyɔgɔn kɛ i ye, i ya wo lɔn. Ila kolo-fannu bara sabati n bolo nya min, i ya wo fanan lɔn.