Ko-Dabirɛnu 31:30 - ALLALA KUMƐ

³⁰ Nba, n ya a lɔn ko i wara n boloka bawo i fa-sɔgɛ ara i bira. Kɔnɔ hali wo, n bi bɛsɛ minnu kɔla, nfenna i wara wonu kankan?”

Ko-Dabirɛnu 31:30 ပူးပေါင်းရင်းမြစ်များ

Ko-Dabirɛnu 31:31

Yakoba ya a fɔ Leban ye ko, “N kilanta i la le nun, woletɔ n ya n buri bawo n ya a lɔn nun ko i ye ila dunmusinu bila le n bolo fɔrɔsɛ la.

Ko-Dabirɛnu 35:2

Yakoba ya a fɔ ala denbayɛnu anubɛ ala wɔli-kɛlɛnu ye ko, “Wo ye bɛsɛ minnu kɔla, wo ni wonu nakɛ a rɔ. Wo ni wo ku ka wo sɛninya. Wo ni wo mayɛlɛma kura-kunɛnu na alako ka a yira ko wo ara wo kan-kɔ sɔ wola bɛsɛnu na.

2 Samuwɛli 5:21

Filisitinu ya anu buri Mansa Dawuda kɔrɔ tumɛ min, anu ya anuna bɛsɛnu to nyɔ. Mansa Dawudala keminɛnu ya wonu bi ka ta anu tinya.

Bɔ-Koe-Iyipiti 12:12

Mari ko tun, “N si tenbi Iyipiti nyamanɛ rɔ wulɔn suyi nyɛrɛ rɔ ka Iyipiti mɔgɛnuna den-kei-sarɛnu faga anubɛ anuna kolo-fen den fɔlɔtɛnu, a keimɛnu, kɔni. Nde le Mari la, min si Iyipiti bɛsɛ wara-koe halaki.

Aiseya 37:19

ka anuna bɛsɛnu mintan, ado ma ya a lɔn ko Alla ma wonu na. Kɔlɔma anubɛ kuru-lɛsɛnɛ le wonu na dɔrɔn. Anu nadannɛ hadama-dan bolo la.

Yɛrɛmaya 10:11

Mari ko bɛsɛ wonu ma san-kole anubɛ dugu-kole ladan, ado anu si tinya ka tunu dugu-kole rɔ.

Yɛrɛmaya 43:12

N si tɛ tugu Iyipiti bɛsi-kɔ-bɔnnu na. Ni Babilɔn mansɛ ma Iyipiti bɛsɛnu mintan, a si ta anu na a bolo. Iko saga-fɛ-biralɛ si karangbɛ tɔnbɔn ala kurɛ ma nya min, Babilɔn mansɛ ye Iyipiti kɛnu matɔnbɔnna wo nya na le ka ta a ye fanka la pon!

Isikiyɛli 21:21

Babilɔn mansɛ wa ke kila-tangbɛ wo ma, a si nya-nyini-kɛ kalabɛnnu na alako a ni a lɔn, ni a si ta kilɛ min fɛ. Wo kɔma, a si ala bɛsɛnu manyinika ka bolo-tafɛlɛn benya la alako ni a si kilɛ lɔn nya min.

Yilan-Yilan Koe 10:30

Yɛtirola dan Hobabu ya a fɔ Musa ye ko, “N ma la a la ni n si bila wo fɛ, fɔ n ba sɛgi tun n barɛ.”

Yasowa 24:2

Yasowa ya Isirɛlata Mari Allata kumɛ latenbi mɔgɛnu ma ko, “Wati-yan-tenbinɛ, wo benba minnu bi Yufereti bɛ kɔma, wonu ya bɛsi-fuyinu kɔ. Iburayima anubɛ Nehori fa Tɛra ya bɛsɛ do kɔ.

Kɛlɛ-Kurugbɛnu 18:17

Ko-lakɔrɔsila mɔgɔ loli wonu donta bɔn la ka ta saraka-masɔya-fɔlɔnfalan wo bi anubɛ kɔlɔma-malɛsɛnɛ wodi-gbɛ leenɛ min ma. Anu ya bɛsɛ doi wonu fanan bi. Kɔnɔ saraka-masɔlɛ wo tora sɔni kɛlɛ-den-mabɛnni mɔgɔ kɛmɛ wɔrɛ wonu tɛma. A ya bɛsɛ wonu yen anu bolo la tumɛ min, a ya anu manyinika, a ko, “Wo ye nfen kun na wo la?”

Kɛlɛ-Kurugbɛnu 18:24

Maika ko, “Wo ara nna saraka-masɔlɛ bi n bolo anubɛ n ya bɛsɛ minnu nadan, wo ye a fɔla n ma ko, ‘Nfen mara?’ Wo ya nfen to n bolo gbɛ?”

Kɛlɛ-Kurugbɛnu 6:31

Kɔnɔ Yowasi ya a fɔ anu ye ko, “A sɔgɛ ye wo la wo ni Beyalita kɛlɛ kɛ, ado mɔgɔ-wo-mɔgɔ ya a fasaya Beyali-koe kɛ la yanni sɔgɔma, wo tigi si faga. Ni Alla-bɛrɛbɛrɛ le Beyali kɛ la, ni min ya ata saraka-bɔ-tinɛ tinya, ale ni a tayili sara wo tigi la.”