Ko-Dabirɛnu 31:29 - ALLALA KUMƐ

²⁹ Sɛnbɛ ye n bolo ka i tɔrɔ kɔnɔ kunu suyi rɔ i fata Alla kumara n ye kiyo rɔ ko n ni a ma n fɛrɛma ko n kana i ragbɛrɛn hali ka kuma-yogomɛ fɔ i ma.

Ko-Dabirɛnu 31:29 ပူးပေါင်းရင်းမြစ်များ

Ko-Dabirɛnu 24:50

Leban anubɛ Bɛtuwɛli ya a yabi wo rɔ ko, “Bawo Marita ko-rabɛnnɛ le kɛ la, woletɔ ma ti ke a yɛlɛmana.

Ko-Dabirɛnu 28:13

Yakoba ya Mari sɔnɛ yen a tɔnkɔn rɔ. Mari ya a fɔ ale Yakoba ye ko, “I fa anubɛ i benba Iburayimata Mari Alla le nde la. I sanɛ dugi min kuma kɛ la, n si wo di wobɛ i bɔnsɔn ma.

Ko-Dabirɛnu 31:24

Kɔnɔ yanni anu ni ke Yakoba ma, Alla ya kiyo ladon Leban yɛ ma suyi rɔ ka a fɔ a ye ko, “A ma i fɛrɛma. I kana Yakoba ragbɛrɛn hali ka kuma-yogoma fɔ a ma.”

Ko-Dabirɛnu 31:42

Ni n benba Iburayima anubɛ n fa Isiyakanuna Alla sa n fɛ nun, n bolo-kolɔn gbɛ le bɔla i warɛ nun. Kɔnɔ Alla ara nta tɔrɔyɛ anubɛ nta wɔlɛ yen n ya minnu kɛ i ye, woletɔ a ya i makuma suyi rɔ kiyo rɔ.”

Ko-Dabirɛnu 31:5

A ya a fɔ anu ye ko, “N bara a yen ko nna yakɔrɔ sa wo fa kuma tun iko fɔlɔ. Kɔnɔ n fata Alla ara to n fɛ.

Ko-Dabirɛnu 31:53

Alamɛ i benba Iburayima anubɛ n fa Nehorinuta Alla anubɛ wonu fanan fata Alla ya kiti tɛgɛ mabɛ ile tɛma.” Yakoba ya a keli a berin ye a fa Isiyakata Alla yala.

Ko-Dabirɛnu 31:7

Wo fa ara n yanfa ka to n sarɛ mayigi-ni-yɛlɛ kɛla iko siyaman. Kɔnɔ Alla ma sɔn wo fa ni ko ma n na.

2 Samuwɛli 13:22

Aminɔ sɔgɔ labɔra Abasalɔm na lass, bawo a ara ko-yogoma-su wo ma a tirisan-musi la. A ma sɔn a da sɔla a ma.

2 Mansɛnu 19:10

Min sanɛ kɛdi wo rɔ, a ko, “Ile lanɛ ita Alla min na, wo ara a fɔ i ye ko i ti sa nde, Sɛnakaribu bolo tɔ. Kɔnɔ i kana sɔn, a ni i mayuwaya.

Yaburi 52:1

Nfenna ile fen-ba-tigi wa ko-yogomɛ kɛ Alla diyana-mɔgɛ la, i si i nyɛrɛ matɔgɔ wola ko la? Allata lanayɛ si to burubukai!

Daniyɛli 2:47

Mansɛ wo ya a fɔ Daniyɛli ye ko, “Tonyɛ, i wara kɛ bɛɛ rakaran n ye min kɛ, wo ara a yira n na ko ileta Alla tenbira mata bɛsɛnu na, ado mansɛ-bɛɛta-Mari le ale la. Ale le ye ko-dogonnɛ bɛɛsi labɔla gbɛ ma.”

Daniyɛli 3:28

Ale mansɛ ya a fɔ ko, “N si mɔgɔ sawɛ kɛnuta Alla tanto bawo ale le ya ata melika lana alako ka anu natanka tɛ kɛ ma. Anu lara anuta Alla la feu! Yanni anu ni anu madu nta bɛsɛ kɛ kɔrɔ, anu ya nna tɔn tinya hali ka anu niyi fili bawo a ma di anu ye, anu ni bɛsi-wo-bɛsi matɔgɔ anuta Alla kɔma.”

Daniyɛli 6:20

A ke denka don-dɛ la nyɔ, a ya a kuli mayɛlɛ. A yisi-gbalanɛ ya Daniyɛli rakele. A ko, “Allata wɔli-kɛlɛ Daniyɛli, i ye Alla-nimɛ min batola tuma-wo-tuma, wo ara i lakisi, wa?”

Daniyɛli 6:26

Min sanɛ wo kuma, n bara ban a latɛgɛla nun nyamanɛ kɛ rɔ, n ko, mɔgɛ bɛɛsi ni kilan Daniyɛlita Alla la ka a gbiliya. Alla-nimɛ le ale la, Aado ale le ye ma lamarala burubukai! Ala mansayɛ ti tinya mumɛ, ado ala fanka dan sa.

Maika 2:1

“Gbalo si taran wo mɔgɛnu ma minnu si anu miri ko-yogomɛ ma anu ta-nyɔgɛnuna ko ma suyi rɔ. Anu bi duwala le ko banda ni ka. Bandɛ wa ka tumɛ min, anu si anu nawuli anuna karagbɛlɛyɛnu na anu bolo iko anu ya anu miri a ma suyi rɔ nya min.

Kɛwɔlɛnu 9:5

Sɔli ya nyinikalɛ kɛ ko, “N fa, yon bi ile la?” Kuman-kan wo ko, “Yisa le nde la, i ye min tɔrɔla.