Ko-Dabirɛnu 31:17 - ALLALA KUMƐ

^17-21 Nba, Leban tanɛ ala sagɛnu siyi matɛgɛ tinɛ anu ma, Resɛli fa si bonna-bɛsɛ minnu kɔ, a ya wo bɛɛ kankan a kɔma kilɛ la. Yakoba ya ala dannu anubɛ ala musinu sigi nyomɛnu na. A ya ala kolo-fannu anubɛ ala nɔnfuli minnu sɔrɔn Mɛsopotemiya nyamanɛ rɔ, a ya wonu bi ka wonu sɔ a yarɔ. Anu tara lakaliya-bole ma a fa Isiyaka wara Kenan nyamanɛ rɔ. Yakoba ya a berin Leban yanfa ka tuni a ma. A ya Yufereti bɛ tɛgɛ ka a telen Kaliyadi nyamanɛ rɔ kɔnkɛnu bi kan min.

Ko-Dabirɛnu 31:17 ပူးပေါင်းရင်းမြစ်များ

Ko-Dabirɛnu 24:10

Wɔli-kɛlɛ wo ya nyomo tan bi a tigila nyomɛnu tɛma anubɛ fen-hakika siyaman ka ta Mɛsopotemiya nyamanɛ rɔ Iburayima na-kelen-nyɔgɛ Nehori ye kan min.

Ko-Dabirɛnu 24:61

Musi minnu tara Rebɛka to-tinɛ ala kei warɛ, wonu dama wulita ka sigi nyomɛnu na ka ta Iburayimata wɔli-kɛla kun-tigi wo fɛ.

Ko-Dabirɛnu 31:16

Alla ara nɔnfuli minnu bɔ ma fa bolo, mabɛ mala dannutɛ le wonu na. Nba, ile ni a ma iko Alla ara a fɔ i ye nya min.”

1 Samuwɛli 30:17

Anu wulita anu kɛlɛla ha wo wulɔn-sɔgɔma-wurɛ la. Amalɛki wonuna kɛlɛ-dannu kunyɛ ma bɔ a rɔ fɔ kemini mɔgɔ kɛmɛ nani (400) minnu sigira nyomɛnu na, wonu denu dɔrɔn kunyɛ bɔra a rɔ.