Ko-Dabirɛnu 31:11 - ALLALA KUMƐ

¹¹ Alla nara melikala muninyɛ rɔ kiyo wo rɔ, a ko, ‘Yakoba.’ N ya a labira.

Ko-Dabirɛnu 31:11 ပူးပေါင်းရင်းမြစ်များ

Ko-Dabirɛnu 18:1

Tele latelan wati, Iburayima siginɛ ala fani-bɔn dɛ la Mamireta kɔlɔma-latankanɛnu kɔrɔ, Mari bɔra a ye gbɛ rɔ. A mara nya min, wo le kɛ la.

Ko-Dabirɛnu 18:17

Mari ya a miri a yisi rɔ ko, “N ba wuli koe min mala, n ti wo dogon Iburayima ma

Ko-Dabirɛnu 22:1

Wati tenbinɛ, Alla ya Iburayima kele alako a ni a kɔrɔbɔ. A ya a fɔ a ye ko, “Iburayima.” Iburayima ya a labira, a ko, “O-o.”

Ko-Dabirɛnu 22:11

kɔnɔ Mari ya a felen melika la. A ya a rakele san-kole rɔ iko fila, a ko, “Iburayima, Iburayima.” Iburayima ko, “O-o, n bi yan.”

Ko-Dabirɛnu 22:15

Mari ya Iburayima rakele san-kole rɔ tun.

Ko-Dabirɛnu 31:10

Yakoba ya a fɔ ala musinu ye tun ko, “Kolo-fannu bu-bi-wati kenɛ, n kiyora baa-kɔrɔn-pusannu na anubɛ a manyɛgamɛnu anubɛ gbɛ kelen-kelan ye minnu ma, wonu bi yɛlɛla baa-musinu ma.

Ko-Dabirɛnu 31:13

A ko n ya Alla min taran Bɛtɛli soe dafɛ, alele le ale la. N ya kuri latelen nyɔ ka tuli kɛ a ma a dantɛgɛ-koe ma. N ya n dato a ye nyɔ. A ko woletɔ n ni bɔ nyamanɛ kɛ rɔ ka ta n sigi n fata nyamanɛ rɔ n sɔrɔnta kan min.”

Ko-Dabirɛnu 31:24

Kɔnɔ yanni anu ni ke Yakoba ma, Alla ya kiyo ladon Leban yɛ ma suyi rɔ ka a fɔ a ye ko, “A ma i fɛrɛma. I kana Yakoba ragbɛrɛn hali ka kuma-yogoma fɔ a ma.”

Ko-Dabirɛnu 31:5

A ya a fɔ anu ye ko, “N bara a yen ko nna yakɔrɔ sa wo fa kuma tun iko fɔlɔ. Kɔnɔ n fata Alla ara to n fɛ.

Ko-Dabirɛnu 37:5

Lunyɛ do, Yusufu kiyora. A ya ala kiyo wo rakaran a na-kelen-nyɔgɛnu ye ko, “Wo ni wo tole masɔ nna kiyo la a kin na!” A ko, “N kiyora le bi suyi rɔ. Ma ye fui-fen-tɛgɛnɛ lakirila sɛnɛ rɔ. N ya a yen ko nta fui-fen-nakiri ara a lasɔ ka a latelen tede! Wota fui-fen-nakirinɛnu nara kinki nta fui-fen-nakiri wo la. Anu madunɛ ntɛ kɔrɔ.” A na-kelen-nyɔgɛnu ya a fɔ a ye ko, “Mansaya-sɔgɛ le ile la male kuma, wa?” Ka a tɛgɛ ala kiyo wo ma, a sɔgɔ labɔra a na-kelen-nyɔgɛnu na lass, ka tenbi a fɔlɔtɛ la.

Ko-Dabirɛnu 46:2

Alla ya ko-rayirɛ kɛ Yakoba ye suyi rɔ ka a rakele. Yakoba ya a labira.

Bɔ-Koe-Iyipiti 3:4

Mari ya a yen min kɛ ko ale Musa ara ta ko ragbɛ tinɛ nyɔ, Alla ya a kan nabɔ a ma ka bɔ kɔlɔma wo rɔ. A ko, “Musa, Musa.” Musa ko, “Yon bi n takelela?”

Aiseya 58:9

Ni wo ya Mari rakele wo wati rɔ, a si wo denkun. Ni wo dira ale Mari dala, a si a fɔ ko, “N bi yan.” Wo ni wo fara dunɛ sala wo ta-nyɔgɛnu kuma. Wo ni wo fara mɔgɔ-rafɔɛ anubɛ mɔgɔ-rakaran la.

Yilan-Yilan Koe 12:6

Mari ya a fɔ anu ye ko, “Wo ni wo tole masɔ. Nɛbinu bi wo tɛma tumɛ min, n si ko-rayirɛ kɛ anu ye kiyo rɔ.

Matiyu 27:19

Pailɛti siginɛ kiti-bɔn la tumɛ min, ala musi ya kilayɛ lata a ma ko, “I kana fenfen ma mɔgɔ-magbalanɛ wo la bawo n tɔrɔta nna kiyo rɔ suyi tenbinɛ kɛ rɔ ala ko la kati!”

1 Samuwɛli 3:16

Kɔnɔ Ilayi ya a rakele, a ko, “Nna den, Samuwɛli.” Samuwɛli ya a labira, a ko, “O-o.”

1 Samuwɛli 3:4

Mari ya Samuwɛli takele. Samuwɛli ya a labira, a ko, “O-o.”

1 Samuwɛli 3:6

Mari ya Samuwɛli takele tun. Kɔnɔ ale ma a lɔn nun ko Mari le ye a rakelela bawo a ma a kuman-kan lamɔɛn bɛ nun. A ya a lasɔ ka ta Ilayi wara tun, a ko, “Ile le ya n kele? N bara na.” Ilayi ya a fɔ a ye ko, “Nna den, nde ma i kele. Ta i sa-tinɛ.”

1 Samuwɛli 3:8

Samuwɛlita kele sawa nyɔgɛ Mari bolo, a ya a lasɔ. A tara Ilayi wara tun. A ya a fɔ a ye ko, “Ile le ya n kele? N bara na.” Ilayi ya a lɔn wati wo le tɔ ko Mari le ye dennɛ wo rakele-tinɛ.