Ko-Dabirɛnu 30:39 - ALLALA KUMƐ

³⁹ Ni kolo-fan minnu ya buyi bi kɔlɔma wonu kɔrɔ, wonu bi wolonna dan minnu na, wonu manyɛgannɛ iko kɔlɔma wonu.

Ko-Dabirɛnu 30:39 ပူးပေါင်းရင်းမြစ်များ

Ko-Dabirɛnu 30:38

A ya kɔlɔma wonu sɔ kolo-fannu min-kɛ tinɛ dafɛ. Anu ba ta anu min tinɛ tumɛ min, anu si yɛlɛ anu nyɔgɔn ma nyɔ.

Ko-Dabirɛnu 30:40

Yakoba ya baanu anubɛ sagɛnu fara. A ya ala kolo-fan wonu yɛ bɛn a berin Lebanna kolo-fen-manyɛgannɛ anubɛ a finmɛnu ma. A ya ata kolo-fen-wɔrɛ wo sɔrɔn a berin Leban bolo wo nya le ka atɛnu namara a dan na.

Ko-Dabirɛnu 31:38

“N bara san mogan kɛ bɔ i fɛ. Ila saga-musi anubɛ ila baa-musi fenfen bu ma tinya. N ma ila saga-yigi fenfen dɔn.

Ko-Dabirɛnu 31:40

N taranta wo nya le. Teleta wusi ya n bandan. Kimɛ ya n tɔrɔ suyi fanan tɔ. N ma ke kinɔgɔla n fanbolo.

Ko-Dabirɛnu 31:42

Ni n benba Iburayima anubɛ n fa Isiyakanuna Alla sa n fɛ nun, n bolo-kolɔn gbɛ le bɔla i warɛ nun. Kɔnɔ Alla ara nta tɔrɔyɛ anubɛ nta wɔlɛ yen n ya minnu kɛ i ye, woletɔ a ya i makuma suyi rɔ kiyo rɔ.”

Ko-Dabirɛnu 31:8

Ni wo fa ya a fɔ wati min ko kolo-fen-pusannu ni ma n sarɛ la, kolo-fan bɛɛ si kolo-fen-pusannu sɔrɔn. Ni wo fa ya a fɔ ko ala kolo-fen-nyɛgamɛnu ni ma n sarɛ la, kolo-fan bɛɛ si kolo-fen-nyɛgan sɔrɔn wo rɔ.