Ko-Dabirɛnu 30:1 - ALLALA KUMƐ

¹ Resɛli ya a yen tumɛ min ko a ma dan sɔrɔn Yakoba ye, a ya a kɔrɔ-musi Liya makeliya. A ya a fɔ Yakoba ye ko, “Ni n ma dan sɔrɔn i ye, n bi fagala le.”

Ko-Dabirɛnu 30:1 ပူးပေါင်းရင်းမြစ်များ

Ko-Dabirɛnu 29:31

Mari ya a yen tumɛ min ko Liya ma ara gboya kei-wara-sigi rɔ, woletɔ a ya a ma, Liya yirita Yakoba warɛ. Kɔnɔ Resɛli mara gbandɛ la.

Ko-Dabirɛnu 37:11

A na-kelen-nyɔgɛnu ya a kɔn kɔnɔ a fa ya a hɛnkili to ala kiyo wo ko.

1 Mansɛnu 19:4

Telen-gbɛn, Nɛbi Ilaya ye tagamana wulɛ rɔ. A ke kɔlɔma-kuru-wɛ do kɔrɔ, a sigira wo ninɛ la. A sɔgɔ labɔra a nyɛrɛ la. A ya Alla matara, a ko, “E, Mari, a la ara gbɛlɛya n kuma. N niyi bi kelenna! N ni ta n benbanu taran lakira.”

Yobu 13:19

Yon si n sɔsɔ kɛ ma? Ni n yo sa a rɔ, n si n fara n fɛɛ kɛ la ka faga.

Yobu 3:11

Alako nun, n niyi bɔra n na burɔ nun. Ni wo ma, n sɔrɔnta nya min nun, n pulan ni bɔ n na bolo nun.

Yobu 5:2

Sɔgɔ-labɔɛ le si kun-takolɔn faga. Keliya-diminyɛ si a ma, mɔgɛ ni faga iko yuwɛ.

Yaburi 106:16

Donu ya Nɛbi Musa makeliya wulɛ rɔ nyɔ. Donu fanan ya Marita wɔli-kɛla-sɛnimɛ Aruna makeliya fanan.

Hɛnkilimaya-Kumɛnu 14:30

Yisi-kimɛ si kɛndɛyɛ di mɔgɛ ma kɔnɔ keliyɛ si mɔgɔ-kole tuli.

Hɛnkilimaya-Kumɛnu 30:16

A fɔlɔtɛ le kanbɛ la. A fila nyɔgɛ le gbandɛ la. A sawa nyɔgɛ le dugu-gbalanɛ la. Wo ti wasa yi-koe rɔ. A nani nyɔgɛ le tɛ la. Wo fanan ti wasa habadan!

Makawandili Kumɛnu 4:4

N bara a lɔn gbɛ, mɔgɛ bɛɛ sɛbɛ donnɛ wɔlɛ ma minna ko la. Ni i ya mɔgɔ-sɛbɛ-donnɛ yen, a sɔgɛ le a la, a ni tenbi a sigi-nyɔgɛ la. Hali wo, wo fanan tagbɛlɛ. Wo mani de fanan iko mɔgɔ tenbi fɔnyɔ birala.

Yilan-Yilan Koe 11:15

Ni i si na a ma n na ka le, kinikini n ma. I yandi, n faga kelenna! N kana to tɔrɔyɛ kɛ rɔ tuma-wo-tuma.”

Yilan-Yilan Koe 11:29

Musa ya a fɔ Yasowa ye ko, “Ile le ye nna keliyɛ kɛla n ye, wa? Nba, a si diya nde nyɛrɛ ye ni Isirɛla mɔgɛ bɛɛ si Marita Sɛnbɛ kɛ sɔrɔn. A si diya nde ye gbuyɛ, ni bɛɛ si bɛti bɔ ka Mari wɔlɔbɔ!”

Yɔni 4:3

Yisa ya wo lamɔɛn tumɛ min, a bɔra Yudiya nyamanɛ rɔ ka sɛgi Kalili sigisɔn rɔ.

Yɔni 4:8

Ala karan-dannu tara soe burɔ dɔn-fen san-tinɛ.)

1 Kɔrɛnti 3:3

bawo wo miriya anubɛ duninya-mɔgɛnutɛ, kelen de! Ha ka, keliyɛ anubɛ sɔsɔlɛ ye wo nyɔgɔn tɛma. Wonu denu si a yira ma la ko wo ye ko-ladanna iko dɛnkɛninyabɛlɛnu bi a mala nya min.

2 Kɔrɛnti 7:10

Yisi-lafinyɛ min bɔnɛ Alla bolo, wo si na yisi-yɛlɛmɛ la, ado wo si a laban kisi-koe ma wo bolo. Wo ti mɔni wo rɔ mumɛ! Kɔnɔ hadama-danta yisi-lafinyɛ si a laban sayɛ ma.

Kalesiya 5:21

Anu sa nyinina ko-nyima wo ko-nyima ma anu bɔnuna ko la. Anu manɛ gbɛɛtoenu na. Anu bi anu fɛrɛ-bɔnku-natanu denu wasala tolon! Anu bi ko-sufa wo bɛɛ mala. N bi a fɔla wo ye tun ko minnu bi ko-sufa wo bɛɛ kɛla, wonu ti Allala mansayɛ sɔrɔn muk!

Taita 3:3

Fɔlɔ-nun, kuntan anubɛ kuma-birabɛlɛ anubɛ ko-yogoma-kɛlɛ le male la. Mɔgɛnu ya ma yanfa ko ma ni ma yɔɔnnu na fɛrɛ-nata anubɛ nyɛrɛ-diyana-ko-sufa-bɛɛ bolo. Ma ya mala wati bɛɛ tinya wunduyogoyɛ anubɛ keliyɛ rɔ. Ma gboyara mɔgɛnu ye, ado anu fanan gboyara ma ye.

Yemesi 3:14

Kɔnɔ ni keliya-yogomɛ ye i yisi rɔ, ado i ye koe bɛɛ bɛnna i nyɛrɛ le ma dɔrɔn, i kana i nyɛrɛ matɔgɔ ka a tɛgɛ ila hɛnkilimayɛ ma. I wara tonyɛ boloka worɔ ka foninya-yogoma-wɛ sa tele la.

Yemesi 4:5

Allala kitabu wa a fɔ ko, “Allala Ni-Sɛnimɛ min siginɛ ma rɔ, a ye a fɛ, ma ni telen a kelen pe le ye,” wo kana wo miri ko a ara kuma-fuyi le fɔ wo la.