Ko-Dabirɛnu 3:5 - ALLALA KUMƐ

⁵ Alla ya wo fɔ kamasɔrɔn a ya a lɔn ko wo wa a dɔn tumɛ min, wo si hɛnkili sɔrɔn iko ale Alla ya ko-nyimɛ anubɛ ko-yogomɛ dan-nafarɛ lɔn nya min.”

Ko-Dabirɛnu 3:5 ပူးပေါင်းရင်းမြစ်များ

Ko-Dabirɛnu 2:17

Kɔnɔ fɔ ‘Ko-Nyimɛ-anubɛ-Ko-Yoge-Lɔn-Kɔlɔma’ gbɔɛ, i kana wo dɔn kamasɔrɔn ni i ya wo dɔn, i si faga serr!”

Ko-Dabirɛnu 2:9

Kɔlɔma su bɛɛ minnu kin, ado anu gbɔɛ si dɔn, Mari Alla ya wonu nafɛrɛn nakɔɛ wo rɔ. Kɔlɔma fila ye nakɔɛ wo tɛma nun, “Nimaya-Kɔlɔma” anubɛ “Ko-Nyimɛ-anubɛ-Ko-Yoge-Lɔn-Kɔlɔma.”

Ko-Dabirɛnu 3:10

Kei ko, “N ya i na-kan le lamɔɛn, ado n bara a lɔn ko n nakolɔn le, woletɔ n kilanta ka ta n dogon.”

Ko-Dabirɛnu 3:22

Wo kɔma Mari Alla ko, “Wo ara a yen, kei ara ma iko male. A ara ko-nyimɛ anubɛ ko-yogomɛ dan-nafarɛ lɔn. Awa, a kana a bole layɛlɛ ka nimaya-kɔlɔma-gbɔɛ kɛ do keri. Ni a ya a dɔn, a kɛndɛ si to dankɛ kɛ kɔrɔ burubukai!”

Ko-Dabirɛnu 3:7

Anu banta a dɔnna nya min wo, anu ya hɛnkili sɔrɔn anu nyɛrɛ wara-koe ma. Anu nara to a lɔnna ko anu nakolɔn le. Anu ya toro-yanbɛ do keri ka wonu tugun anu nyɔgɔn na. Wo kɔma, anu ya wonu kiri anu na.

1 Mansɛnu 22:6

Wo le ya a ma, Mansa Ehabu ya ala nɛbi mɔgɔ kɛmɛ nani nyɔgɔn sufa kele ka wonu manyinika, a ko, “N ni ta Ramɔti kɛnu kɛlɛ, ka, n ka ta?” Nɛbi wonu ko, “Ta anu kɛlɛ. Mari si a ma, i ni nɔ-ko sɔrɔn anu ma.”

2 Ko-Kɔrɔta-Karan 32:15

A ko Mansa Hɛsakaya kana wo mayuwaya bawo a ti ke wo kunkala a bolo. Wo ni la a la ko nyamana fenfenta bɛsɛ ma ke anu kisila Asiriya mansa-wo-mansa bolo wɛ. Wo ni la a la ko wotɛ ti ke wo kunkala kɛ rɔ.”

Bɔ-Koe-Iyipiti 20:7

“Mɔgɔ kana n tɔgɛ ratɛgɛ fufafui la. Ni min ya wo ma, n si wo tigi tɔrɔ.

Bɔ-Koe-Iyipiti 5:2

Mansɛ wo ko, “Mari kɛ ye yon na, n bi min kuman-kan birala ka Isirɛla mɔgɛnu boloka? N ma Mari wo lɔn hali! N ti Isirɛla mɔgɛnu boloka muk!”

Aiseya 14:14

I ko i si yɛlɛ san-kole kuma pon ka ma iko Alla Sɛnbɛ-Bɛɛ-Tigi.

Isikiyɛli 13:22

“Anu bi mɔgɔ-telennɛnu yisi tɔntɔnna a rɔ anuna foninya-kumɛnu na, ado a ma di n ye, mɔgɔ-telennɛ kɛnu yisi ma ni gboya. Anu bi mɔgɛnu manugu-nɛgɛla alako wonu kana na bɔ anu sɔn-yogomɛnu da kɔrɔ bawo ni wonu bɔra anu sɔn-yogomɛ da kɔrɔ, anu si kisi.

Isikiyɛli 28:12

“Ile hadama-dan, ile fanan ni saya-sigi sa i sɛbɛ-kuna-wɛ la ka a tɛgɛ Taya mansɛ kɛ laban-bole ma. Nde, wo Tigi Marita kumɛ kɛ latenbi ko ale Taya mansɛ, ko-latelenni-misalɛ le ale la nun. A hɛnkili ye nun, ado a mafɛlɛn di.

Isikiyɛli 28:2

“Ile hadama-dan, i ni nde, wo Tigi Mari kuman-kan kɛ latenbi Taya mansɛ ma. A fɔ a ye ko a kɔrɔbinɛ wasinteyɛ la a bolo. A ye a nyɛrɛ mala Alla la. A ye a fɔla ko a siginɛ Allala mansaya-waganɛ rɔ, kɔgɔ-yi ye ala foolɛ rɔ. A ye a nyɛrɛ mala iko Alla, ado hadama-den-gbansan le ale la.

Isikiyɛli 28:9

Anu ba na a faga-tinɛ tumɛ min, a si to a fɔla ko Alla le ale la, wa? Anubɛ a fagalɛ yakɔrɛ wa ma kelen na, a si a lɔn worɔ ko hadama-den-gbansan le ale la. Alla ma ale la feu!

Isikiyɛli 29:3

Nde, i Tigi Marita kilayɛ kɛ latenbi a ma ko a yogo-finyɛ le nde la. Mɔgɔ-dɔn-banbɛ le ale mansɛ la min sanɛ bɛ rɔ. A ye a fɔla ko atɛ le Nayɛli bɛ la iko ale le ya a ladan.

Daniyɛli 4:30

N bi a fɔla ko, ‘Babilɔn so-karantan kɛ mafɛlɛn. Nde le ya soe kɛ sɔ alako ka nta sɛnbɛ mayira. Mɔgɛnu si a lɔn fanan ko n bi gbiliyɛ rɔ soe kɛ sɔ-nya bolo.’

Daniyɛli 6:7

Male pati-mansɛ minnu bi i dɛnbɛna ila nyamanɛ marala, anubɛ a sigisɔn-mansɛ wo, a so-tigi wo, anubɛ a kemini-tigi wo, male damasi ara sɔn ko i ni tɔn kelen sa ila nyamanɛ kɛ rɔ ka tɔn wo mabalan. Kɔnɔ a sɔgɛ ye ma la, tele bi-sawa kɔrɔ, mɔgɔ-wo-mɔgɔ kana fenfen madiya ile kɔma. Ni min ya ila tɔn wo tinya, i si wo tigi lakɛ ila yarɛnu kɔrɔ denkɛ rɔ.

Matiyu 6:23

Kɔnɔ ni mɔgɛ yɛ ma kɛndɛ, a fɛrɛ-bɔnkɛ si to pinpi rɔ. A yɛ min si waan ladon a fɛrɛ-bɔnkɛ rɔ, ni a yɛ wo ma kɛndɛ, a si ma pinpi-makilannɛ la worɔ!

Kɛwɔlɛnu 26:18

I ni anu yɛ laka alako anu ni bɔ pinpi rɔ ka anu nana waan rɔ. I ni anu bɔ Setanɛta sɛnbɛ kɔrɔ ka anu nana Alla ma alako anuna hakɛ ma si koto anuna dɛnkɛninyɛ fɛ nya min. Anu si anuna sɔ tinɛ sɔrɔn Allala mɔgɔ-yabɔnɛnu tɛma.’

2 Kɔrɛnti 11:3

N kilannɛ ko fenfen kana wo hɛnkili yabasan iko duguma-fan ya ma mama Hawa yanfa ala foninya-wɛ la nya min. Wo kana bɔ wola keninteya-bɛrɛ rɔ min bi wo bolo Kirasiti wara la.

2 Kɔrɛnti 4:4

Setanɛ min bi duninya kɛ kun na, wo ara a ma, anu ma ke lala Yisa la bawo anu yisi ara to pinpi rɔ. A ya a ma, anu ti ke kibara-nyimɛta waan yenna min bi malanna anu ye, ado kibara-nyimɛ wo ye Kirasitita gbiliyɛ kɛla ko la. Allala muninyɛ nyɛrɛ le ale la.

2 Tɛsalonaika 2:4

Mɔgɛnu bi bɛsɛ min bɛɛ matɔgɔla, anubɛ anu si min gbiliya Alla gbɛ rɔ, “Kirasiti-yogo-finma-wɛ” wo si wuli wo bɛɛ kan ma. A si a nyɛrɛ sigi wo bɛɛ kun na. A si a tui ka don Alla-Bato-Bɔn la ka a fɔ a nyɛrɛ ma ko Alla le ale la.

Lankɛnimayɛ 13:14

Kabana-koe minnu kɛnɛ sogo-ferema fɔlɔtɛ wo yala, Alla sɔnta ko a ni duninya-mɔgɛ bɛɛ yanfa wo fɛ. Sogo-feremɛ wo ya a fɔ bɛɛ ye ko soge min tanbanta faan la kɔnɔ a belinɛ, a ko anu ni wo gbiliya ka wola muninyɛ ladan.

Lankɛnimayɛ 13:4

Mɔgɛ bɛɛ ya ale ninkinankɛ kɔ bawo a ya ala sarati di sogo-feremɛ wo ma. Anu ya sogo-feremɛ wo fanan kɔ. Anu ko, “Yon bi iko sogo-feremɛ kɛ? Mɔgɔ ti ke a kɛlɛla.”