Ko-Dabirɛnu 3:24 - ALLALA KUMƐ

²⁴ Wo kɔma, fan minnubɛ melika munta, Alla ya wonu nana Idɛn nakɔɛ wo makandan tinɛ tele-bɔɛ wara la. Kɛlɛ-kɛ-faan min bi malanna iko ta-mɛlan, wo ye firifirila nimaya-kɔlɔma warata-kilɛ la.

Ko-Dabirɛnu 3:24 ပူးပေါင်းရင်းမြစ်များ

Ko-Dabirɛnu 3:23

Woletɔ Mari Alla ya a gben ka a labɔ Idɛn nakɔɛ rɔ alako a ni wɔli dugi rɔ a bɔra kan min.

Ko-Dabirɛnu 4:1

Nba, Hadama ya ala musi Hawa latenbi a kɔma. A ya buyi bi ka den-kei sɔrɔn. Hawa ko, “N bara den-kei sɔrɔn Marita dɛnbɛnɛ fɛ.” A ya dan wo tɔgɔ sa Ken bawo tɔgɛ wo kɔrɛ le iko mɔgɔ wa a fɔ ko, “N bara fen sɔrɔn.”

Ko-Dabirɛnu 4:14

Bawo i wara i yakɔrɛ firindi n ma min kɛ ka n gben nna sɛnɛ kuma, ka a dabira bi ma fɔ n ba ma yilan-yilantoe la, ado ni mɔgɔ-wo-mɔgɔ ya n yen, wo si n faga.”

Yaburi 104:4

Ila kilayɛ le fɔnyɔ la fanan. Ila wɔli-kɛlɛ le banda-nyin-masɔgɛ anubɛ san-sɛran la.

Yaburi 80:1

Ile min bi Isirɛla kandanna iko saga-fɛ-biralɛ, i wɔlɔ matɔlɔ ma kuman-kan la. Ifɛrɛm bɔnsɔn wo, Bɛnyamɛ bɔnsɔn wo, Manasa bɔnsɔn wo, i ni i nyɛrɛ yira wonu na, ile min mayiginɛ melika-muninya filɛ tɛma, kɔni. I fanka mayira ma la. Na ma lakisi.

Yaburi 99:1

Mari le mansɛ la. A bɛnta mɔgɛnu ni yɛrɛyɛrɛn a kɔrɔ. A mayiginɛ ala mansaya-waganɛ rɔ melika-muninya filɛ tɛma. A bɛnta duninya ni yɛrɛyɛrɛn a kɔrɔ.

Bɔ-Koe-Iyipiti 25:2

“A fɔ Isirɛla mɔgɛnu ye ko anu ni na n kɔ-fannu na n ye. Mɔgɛnu ba minnu di n ma anu yisi-sewanɛ la, i si wonu bira anu bolo nde ye.

Isikiyɛli 10:1

Fan min bi nima-fannu kuma iko telekɔnɛ, n ya n yɛ lata nyɔ rɔ. Fan do ye wo kuma min manɛ iko mansaya-waganɛ. Waganɛ wo ladannɛ kuru-da-gbɛlɛ-bilolamɛ la.

Isikiyɛli 31:11

Woletɔ n bara n ban a la. N si a kunyɛ don mansa-sundan do bolo. A bɛnta kɔlɔma ni min sɔrɔn ata karagbɛlɛyɛla ko la, ale mansɛ si wo sigi a ma.

Yilan-Yilan Koe 22:23

Melika sɔra kilɛ la faan biranɛ a bolo tɔ kɔnɔ sofɛlɛ le dɔrɔn ya a yen. A ya a yen nya min wo, a ya kila-kole masangba ka ta binyɛ rɔ. Woletɔ Belam ya gbeleka-kundi bi ka sofɛlɛ gbesi alako a ni na kila-kole la.

Yɔni 14:6

Yisa ya a yabi ko, “Kilɛ le nde la anubɛ tonyɛ anubɛ niyi. Mɔgɔ-wo-mɔgɔ ti ta n Fa Alla warɛ nde kɔma.

Hiburunu 1:7

Alla ya kɛ le fɔ melikanuna ko la ko, “Nde, Alla ye wole nna melikanu mala iko fɔnyɔ. N bi wole nna wɔli-kɛlɛnu mala iko ta-mɛlan.”

Yasowa 5:13

Yasowa gbɛrɛnta Yɛrikɔ ma tumɛ min, a ya mɔgɛ do yen sɔnɛ a yakɔrɔ, faan ye a bole tɔ. Yasowa tara a wara la ka a fɔ a ye ko, “I ye male le fɛ, ka, ma kɛlɛ-nyɔgɛ le ile la?”

1 Samuwɛli 4:4

Woletɔ anu ya mɔgɛnu nata Mari Sɛnbɛ-Bɛɛ-Tigita tɔn-kenkirɛ wo bi-tinɛ Sailo soe bawo Mari mayiginɛ melika-muninya filɛ wonu tɛma tɔn-kenkirɛ wo kuma. Ilayila den-kemini filɛ, Hɔfini anubɛ Finihasi bilara tɔn-kenkirɛ wo fɛ.