Ko-Dabirɛnu 3:22 - ALLALA KUMƐ

²² Wo kɔma Mari Alla ko, “Wo ara a yen, kei ara ma iko male. A ara ko-nyimɛ anubɛ ko-yogomɛ dan-nafarɛ lɔn. Awa, a kana a bole layɛlɛ ka nimaya-kɔlɔma-gbɔɛ kɛ do keri. Ni a ya a dɔn, a kɛndɛ si to dankɛ kɛ kɔrɔ burubukai!”

Ko-Dabirɛnu 3:22 ပူးပေါင်းရင်းမြစ်များ

Ko-Dabirɛnu 1:26

Wo kɔma Alla ko, “Ma ni mɔgɔni-gbuyi dan ma nyɛrɛta muninyɛ rɔ minnu si ma iko male. Woletɔ anu si mansayɛ kɛ duninya rɔ anubɛ nima-fan min bɛɛsi ye duninya rɔ, a yɛgɛ wo, a kona wo, a bintɔ-sogo wo, a so-tɛma-sogo wo.”

Ko-Dabirɛnu 2:9

Kɔlɔma su bɛɛ minnu kin, ado anu gbɔɛ si dɔn, Mari Alla ya wonu nafɛrɛn nakɔɛ wo rɔ. Kɔlɔma fila ye nakɔɛ wo tɛma nun, “Nimaya-Kɔlɔma” anubɛ “Ko-Nyimɛ-anubɛ-Ko-Yoge-Lɔn-Kɔlɔma.”

Ko-Dabirɛnu 3:21

Wo kɔma, Mari ya Hadama anubɛ ala musi fɛrɛya bɔ gbole la.

Ko-Dabirɛnu 3:23

Woletɔ Mari Alla ya a gben ka a labɔ Idɛn nakɔɛ rɔ alako a ni wɔli dugi rɔ a bɔra kan min.

Ko-Dabirɛnu 3:5

Alla ya wo fɔ kamasɔrɔn a ya a lɔn ko wo wa a dɔn tumɛ min, wo si hɛnkili sɔrɔn iko ale Alla ya ko-nyimɛ anubɛ ko-yogomɛ dan-nafarɛ lɔn nya min.”

Yaburi 22:26

Bolo-kolɔnnu si fa iko a di anu ye nya min. Minnu bi nala Mari bato tinɛ, wonu si a tanto. Alamɛ anu taranta anu diya anu siyi-tele-bɛɛ rɔ.

Hɛnkilimaya-Kumɛnu 3:18

Minnu bara ma hɛnkilimɛnu na, wonu bara sewa. Ni minnu ya wo sɔrɔn, a si simayɛ di wo tigi ma.

Yɛrɛmaya 22:23

Wola mansɛla bɔn sɔra sida-fɛran minnu na ka bɔ Lɛbanan kɔnkɛnu kuma, ale mansɛ lafɛrɛnɛ sanɛ wo burɔ! Kɔnɔ dumɛ wa tagbaya a ma, a makinikininɛ si to iko nyaganɛ wa sigi tin kɔrɔ.

Lankɛnimayɛ 2:7

“ ‘Nba, ni min si ko nya-yen, Allata Ni-Sɛnimɛ ye min fɔla chɔchinu ye, wo ni wo tole masɔ wo la! “ ‘Minnu bara nɔlɛ kɛ, n si sarati di wonu ma alako anu ni nimaya-kɔlɔma-gbɔɛ dɔn min bi Allata nakɔɛ rɔ.’

Lankɛnimayɛ 22:14

Mɔgɔ-sewanɛ le wo mɔgɛnu na minnu bi anuna durukinu kula ka anu sɛninyanɛ mara. Anu si sɛnbɛ sɔrɔn ka nimaya-kɔlɔma-gbɔɛ dɔn anubɛ ka don soe wo burɔ a dɛnu na.

Lankɛnimayɛ 22:2

A ye yigila soe tɛma den! Nimaya-kɔlɔmanu bi bɛ wo tɔnkɔn bɛɛ rɔ. Anu bi gbɔla kinyama tan-ni-fila san kɔrɔ. Anu yanba-kunyɛnu bi sibolenu nakɛndɛyala.