Ko-Dabirɛnu 3:17 - ALLALA KUMƐ

¹⁷ Alla ya a fɔ kei fanan ye ko, “N ya a fɔ i ye ko i kana kɔlɔma-gbɔɛ wo dɔn kɔnɔ i wara ila musita kumɛ bira min kɛ ka a dɔn, woletɔ n si tɔrɔyɛ layigi dugi ma ilela ko la. I si i beli-fan sɔrɔn tɔrɔyɛ rɔ i siyi-tele-bɛɛ rɔ.

Ko-Dabirɛnu 3:17 ပူးပေါင်းရင်းမြစ်များ

Ko-Dabirɛnu 3:11

Alla ko, “Yon ya a fɔ i ye ko i lakolɔn le? N ya i makawandi kɔlɔma-gbɔɛ min bara-koe ma, i wara wo le dɔn, wa?”

Ko-Dabirɛnu 3:18

Wɔnɛ anubɛ binyɛ si fɛrɛn dugi rɔ i kan ma. Fɔ i wa i beli-fan nyini firɛ rɔ.

Ko-Dabirɛnu 3:6

Woletɔ musi wo ya bɔra kɔlɔma-gbɔɛ wo la bawo a kin. A dɔn-sɔgɛ ya a bira. A ya a lɔn ko ni a ya a dɔn, a si hɛnkili sɔrɔn. A ya wo gbɔɛ do keri ka a dɔn ka do di ala kei ma. Wo fanan ya do dɔn.

Ko-Dabirɛnu 5:29

A ya a tɔgɔ sa Nowa bawo tɔgɛ wo kɔrɛ le iko mɔgɛ wa a fɔ ko, “Lafɛrɛ.” A ko, “Mari ara dugu-kole min danka, Nowa kɛ si na lafɛrɛ la ma ye mala wɔlɛla ko la.”

Ko-Dabirɛnu 8:21

Wo sumɛ ya a diya don Mari rɔ woletɔ Mari ya a fɔ a nyɛrɛ ma ko, “N ya a lɔn hali hadama-dan dennɛ le, a miriya bɛɛ bɛnnɛ ko-yogomɛ le ma kɔnɔ hali wo, n ti dugi danka tun mɔgɛnuna sɔn-yogomɛla ko la. N ti nima-fan bɛɛ faga tun iko n bara a ma nya min kɛ la.

Yobu 14:1

Hadama-dan bɛɛ wa sɔrɔn tumɛ min, anu siyi-fɛ-wuruyanɛ tɔrɔyɛ le tɔ.

Yobu 21:17

Ha bi, mɔgɔ ti karagbɛlɛnuna lɛnpu yen dufenna. Ha bi, mɔgɔ ti tɔrɔyɛ yen nala karagbɛlɛnu ma. Ha bi, mɔgɔ ti Alla yen karagbɛlɛnu tɔrɔla a fondo-bɔnɛ la.

Yaburi 127:2

Ka suri lawulila i buyila ko la, hali i ma i sa yona, wɔli-fu le wo la i beli-fanla ko la. Bawo Mari le si a diyana-mɔgɛnu-makoe nyinya, hali anu bi kinɔgɔ rɔ tumɛ min.

Makawandili Kumɛnu 2:11

Wo kɔma, n sigira. N ya n miri n kɛ-nya kɛ bɛɛ ma. N ya n miri nna sɛbɛ-don fanan ma koe kɛ bɛɛ ma-tinɛ. Kɔnɔ a laban, n ya wo bɛɛ yen ko a ragbɛlɛ! Wo mani de iko mɔgɛ tenbi fɔnyɔ birala. Fenfen sa duninya rɔ min si ko-nyinya mɔgɔ ma.

Makawandili Kumɛnu 2:17

Ka to n niyi la, wo bɛɛ sɔgɛ la ara bɔ n na lasi, bawo n ma kun-nadiya sɔrɔn kɛ fenfen tɔ. Wo bɛɛ ragbɛlɛ kati! Wo mani de iko mɔgɔ tenbi fɔnyɔ birala.

Makawandili Kumɛnu 5:17

Ma ye pinpi le tɔ ma siyi-tele-bɛɛ kɔrɔ, ado yisi-magboyɛ anubɛ hɔnya, kirayɛ, anubɛ yigi-tɛgɛ, wonu denu-gbansan ye ma kuma.

Matiyu 22:12

Mansɛ ya a manyinika ko, ‘N bɔ, ile donta yan kama, kɔnyɔ-masɔ-duruki sa i kan na?’ A ma ke fenfen fɔla.

Matiyu 25:45

“Nde, mansɛ si anu yabi ko, ‘Wo ni wo hɛnkili to kɛ ko! Min dɔgɔ nta mɔgɛnu tɛma, wo ma wo ma wo la min kɛ, wo ma a ma nde le la wo la!’

Luka 19:22

A tigi ya a fɔ wo ye ko, ‘Ile, wɔli-kɛla-yogomɛ! N si i yiliki i nyɛrɛla kumɛ fɛ! I ya a lɔn ko nna ko ragbɛlɛ, nyɛ? Nta ma min na, n bi wo le tɛgɛla, ado nde ma wo ki, nyɛ?

Yɔni 16:33

N bara kɛ fɔ wo ye woletɔ wo si yisi-kimɛ sɔrɔn nde baraka rɔ. Duninya-mɔgɛnu si wo tɔrɔ kɔnɔ wo ni wo wakila! N bara anu nɔ!”

Romu 3:19

Nba, ma ya a lɔn ko minnu bi Allata tɔn wara-koe kɔrɔ, tɔn-kitabu kɛ sɛbɛra wonu denu ye. Wo sɛbɛnɛ alako mɔgɛna masigima-fɔɛ ni ban ka duninya-mɔgɛ bɛɛ lana Allala kiti kɔrɔ,

Hiburunu 6:8

Kɔnɔ ni wɔnɛ anubɛ binyɛ gbansan wulita a rɔ, a ti ko-wo-ko nyinya mɔgɔ ma. Tumado lunyɛ do, Alla si a danka, ado tɛ si a halaki.