Ko-Dabirɛnu 29:20 - ALLALA KUMƐ

²⁰ Woletɔ Yakoba wɔlita Resɛlila ko la san wɔrɔnfila. Wo mara a yala iko tele fila kamasɔrɔn a ya Resɛli keni ha ka a dan-natenbi.

Ko-Dabirɛnu 29:20 ပူးပေါင်းရင်းမြစ်များ

Ko-Dabirɛnu 24:67

Isiyaka ya Rebɛka ladon a na Sirala fani-bɔn la. A ya Rebɛka bi ka a ma atɛ la. Ala musi diyara a ye koikoi! Isiyaka yisi-kimara a nala sayɛla ko la.

Ko-Dabirɛnu 29:19

Leban ko, “Yanni n ni a di mɔgɔ-gbɛrɛ ma, ni n ya a di ile ma, wo si diya nde ye. To n fɛ yan.”

Ko-Dabirɛnu 29:27

Ni a sɔgɛ ye i la i ni a dɔgɛ Resɛli sɔrɔn, i ni a nyɔgɔn san wɔrɔnfila wɔlɛ kɛ n ye tun. Kɔnɔ a makɔni ha Liyata kɔɛn-masɔ-ladiyɛ-lɔgɔkunyɛ da ni fa. Wo kɔma, n si Resɛli fanan don i bolo.” Yakoba sɔnta kumɛ wo ma.

Ko-Dabirɛnu 29:30

Yakoba ya Resɛli fanan latenbi a kɔma. Resɛli diyara Yakoba ye Liya ko. Wo kɔma, a wɔlita a berin ye san wɔrɔnfila tun.

Ko-Dabirɛnu 30:26

N wɔlita i ye nna musinu anubɛ nna dan minnuna ko la, i ni wonu di n ma. N ni ta kamasɔrɔn n bara wɔli min kɛ i ye, i ya wo lɔn.”

Ko-Dabirɛnu 31:15

ado a ya ma bira fanan iko mɔgɔ-gbɛrɛ. A ara ma mayira ka ma furu-fan bɛɛ dɔn, bi ma.

Ko-Dabirɛnu 34:19

Yakobala dunmusi kɛ diyanɛ Sɛkɛm kɛ ye min kɛ, anubɛ a fa ma a makɔnɔ tun. Anu tara ko-rabɛn tinɛ iko Daina kɔrɔnu bara a fɔ anu ye nya min. Kɔnɔ Sɛkɛm kɛ di a fa Hemori ye ka tenbi ala bonna-mɔgɛ bɛɛ la.

Hoseya 12:12

Ma benba Yakoba ya a buri tala Mɛsopotemiya nyamanɛ rɔ. A ye nyɔ tumɛ min, yanni a ni musi sɔrɔn, a wɔlita kei do kɔrɔ ka wola sagɛnu kandan a ye.

Hoseya 12:13

Mari ya ala nɛbi do sɔ ka ta wole, ala mɔgɛnu kunka Iyipiti nyamanɛ rɔ ka wo fɛ-bira.

1 Kɔrɛnti 13:7

Keninteyɛ ti kuri tɔrɔyɛ kɔrɔ mumɛ! A ti ala dɛnkɛninyɛ boloka, ado yisi-latɛgɛ ye a bolo duk! Ko-wo-ko wa ma a la, a si a munyu ha!

2 Kɔrɛnti 5:14

Kirasitita keninteyɛ ye ma marala bawo ma ara a lɔn ko mɔgɔ kelen fagara mɔgɛ bɛɛ ye, woletɔ mɔgɛ bɛɛ fagara a fɛ ka bɔ anuna hakɛnu tɔ.

Ɛfɛsa 5:2

Wo ni wo nyɔgɔn keni iko Kirasiti ya wo keni nya min. A ara a nyɛrɛ niyi ma sarakɛ la malela ko la iko sarakɛ min sumɛ si a diya don Alla rɔ.

1 Samuwɛli 18:23

Anu ya kɛ dama fɔ Dawuda ye tumɛ min, wo ya a fɔ anu ye ko, “Gbiliya-su kɛ kolo nde bolo-kolon-mayɛlɛnnɛ bolo ka ma mansɛ biran-kei la.”