Ko-Dabirɛnu 29:13 - ALLALA KUMƐ

¹³ Leban ya a berinnɛ Yakoba wara-koe lamɔɛn tumɛ min, a burimatoe tara a labɛn ka a kɔndɔn ka a ramɔnsɔn. Anu tara bɔn la. Koe min bɛɛ ara ma nun, Yakoba ya wo fɔ a berin Leban ye.

Ko-Dabirɛnu 29:13 ပူးပေါင်းရင်းမြစ်များ

Ko-Dabirɛnu 24:29

Rebɛka tirisan-kei do ye nyɔ. A tɔgɛ Leban. Leban ya sɛnɛ-fore anubɛ bolo-kalama-dɛɛn wonu yen a tirisan-musi wo bolo tumɛ min ka kumɛ wonu namɔɛn Rebɛka ya minnu takaran anu ye kei wola ko la. Woletɔ Leban wo fanan burimatoe tara ke kei wonubɛ ala nyomɛnu ma yi wo dafɛ.

Ko-Dabirɛnu 24:31

A ya a fɔ a ye ko, “I sɔnɛ soe kɔma nfenna? Ile duwa-dan, na, ma ni ta bɔn la. N bara i yiya tinɛ rabɛn anubɛ ila nyomɛnu sa tinɛ.”

Ko-Dabirɛnu 24:32

Anu ke bɔn la, anu ya dunɛnu bɔ nyomɛnu kɔ tɛma. Leban ya dɔn-fan di nyomɛ wonu ma. Wo kɔma, a ya sundan wo kin-maku-yi labɔ.

Ko-Dabirɛnu 33:4

Kɔnɔ Isɔ burimatoe fanan tara ka a labɛn gbuturu diyanayɛ rɔ. Anu mɔgɔ filɛ dira biribiri!

Ko-Dabirɛnu 45:15

Yusufu ye diyi-kɛ wo kun na, a ye a na-kelen-nyɔgɛnu kɔndɔnna ka anu sunbu. Wo kɔma, sikɛ bɔra a kɔrɔ wonu tɔ. Wo le ya a ma, anu kera kumala Yusufu la.

2 Samuwɛli 19:39

Dawuda anubɛ ala mɔgɛnu ya Yorodan bɛ tɛgɛ. A duwara Basilayi ye ka a sunbu. Basilayi sɛgira a kɔma a warɛ.

Bɔ-Koe-Iyipiti 18:7

Musa tara a biran-kei labɛn tinɛ kilɛ la ka a kɔndɔn. A ya a nyɛnkin a kɔrɔ ka a sunbu. Anu donta fani-bɔn la.

Bɔ-Koe-Iyipiti 4:27

Mari ya a fɔ Aruna ye ko, “Ta Musa labɛn wulɛ rɔ.” A tara ka a labɛn Sinayi kɔnkɛ la. Anu ya anu nyɔgɔn kɔndɔn.

Luka 7:45

N nara tumɛ min, i ma n sunbu kɔnɔ kebi n nara, ale ma n kin-sunbɛ boloka.

Kɛwɔlɛnu 20:37

Anu dama dira ka Pɔli ramɔnsɔn ka a sunbu.

Romu 16:16

Wo ni wo nyɔgɔn kɔndɔn ka wo nyɔgɔ ramɔnsɔn iko na-kelenmɛnu. Kirasitila chɔchi-mɔgɛ bɛɛ ye wo kɔndɔnna.

Kɔlɔsi 4:5

Wo ni ma hɛnkilimɛnu na dɛnkɛninyabɛlɛnu bara la. Wo ye fɛrɛ min bɛɛ sɔrɔnna, wo kana wo tinya.