Ko-Dabirɛnu 29:1 - ALLALA KUMƐ

¹ Nba, Yakoba tara tagamana ka ta ke nyamanɛ do ma min bi tele-bɔɛ wara la.

Ko-Dabirɛnu 29:1 ပူးပေါင်းရင်းမြစ်များ

Ko-Dabirɛnu 24:10

Wɔli-kɛlɛ wo ya nyomo tan bi a tigila nyomɛnu tɛma anubɛ fen-hakika siyaman ka ta Mɛsopotemiya nyamanɛ rɔ Iburayima na-kelen-nyɔgɛ Nehori ye kan min.

Ko-Dabirɛnu 25:20

Isiyaka sɔrɔn ya san bi-nani bɔ tumɛ min, a ya Bɛtuwɛlila den Rebɛka furu. Aram kɛ le anu denu na min bi Mɛsopotemiya nyamanɛ rɔ. A kɔrɔ-kei tɔgɛ le Leban.

Ko-Dabirɛnu 25:6

Kɔnɔ yanni Iburayima ni faga, ala musi doinu ya dan minnu sɔrɔn, a ya wonu kɔ a bolo-fan wonu tɔ. Wo kɔma, a ya dan wonu nata nyamani-gbɛrɛ rɔ tele-bɔɛ wara la alako anu ni bɔ ala dan Isiyaka dafɛ.

Ko-Dabirɛnu 35:1

Alla ya a fɔ Yakoba ye ko, “I lasɔ. I ni ta Bɛtɛli tun, n bɔra i ye gbɛ rɔ kan min wo tumɛ i ye i burila i kɔrɔ-kei Isɔ kɔrɔ. I ni saraka-mintan-tinɛ sɔ nde, Alla ye ka i sigi nyɔ.”

Ko-Dabirɛnu 35:7

Yakoba ya a buri a kɔrɔ Isɔ kɔrɔ tumɛ min, Alla bɔra gbɛ rɔ a ye Bɛtɛli, woletɔ Yakoba ya saraka-mintan-tinɛ sɔ nyɔ ka a tɔgɔ sa “Allata Bɛtɛli.”

1 Mansɛnu 4:30

Mansa Silamɛni hɛnkili tenbira Iyipiti nyamanita-mɔgɛnu anubɛ kɔrɔn-fɛ-mɔgɛnutɛ la minnu bi Isirɛla tele-bɔɛ wara la.

Yaburi 119:32

I wara n hɛnkili ya maka min kɛ, ita sereyanu bira-sɔgɛ ye n yisi la dɔgɔma-ma-de!

Yaburi 119:60

N gbaranta n nyɛrɛ la, n ko, “Fɔ n ba ila tɔnnu bira le serr!”

Makawandili Kumɛnu 9:7

Woletɔ ta fen dɔn sewɛ rɔ, i ni minni-fan min i fanbolo bawo i ye min kun na, Alla ara sɔn wo ma, bi ma!

Hoseya 12:12

Ma benba Yakoba ya a buri tala Mɛsopotemiya nyamanɛ rɔ. A ye nyɔ tumɛ min, yanni a ni musi sɔrɔn, a wɔlita kei do kɔrɔ ka wola sagɛnu kandan a ye.

Yilan-Yilan Koe 23:7

Belam donta wɔlɔyiya-kuma-fɔɛ rɔ. A ko, “Mohabu Mansɛ Balaki ara na n na ka bɔ Siriya nyamanɛ rɔ tele-bɔɛ wara la kɔnkɔ-nyamanɛ rɔ. A ya a fɔ n ye ko n ni na kuma ale ye. N ni Isirɛla mɔgɛnu danka ale ye.

Kɛlɛ-Kurugbɛnu 6:3

Isirɛla mɔgɛnu ba ta sɛni sa tinɛ kan-bo-kan, Midiyan anubɛ Amalɛki kɛnu anubɛ sibolo-gbɛrɛ donu si bɔ tele-bɔɛ wara la ka ta anu kɛlɛ nyɔ.

Kɛlɛ-Kurugbɛnu 6:33

A ma mɛ wo kɔma, Midiyan kɛnuta kɛlɛ-dannu anubɛ Amalɛkinuna kɛlɛ-dannu anubɛ sibolo-gbɛrɛ minnu bi tele-bɔɛ wara la nun, wonu ya anu kundɛn ka Yorodan bɛ tɛgɛ. Anu ya anu daga makɛ Yɛsɛreli lɛɛ rɔ.

Kɛlɛ-Kurugbɛnu 7:12

Midiyan kɛnu anubɛ Amalɛkinu anubɛ sibolo-gbɛrɛ minnu bi tele-bɔɛ wara la nun, wonu nyɛnsɛnnɛ lɛɛ wo rɔ iko kondɔnnu. Anuna nyomɛnu siya iko ba-kɛnkɛn.

Kɛlɛ-Kurugbɛnu 8:10

Mansa Siba anubɛ Mansa Salamuna anubɛ anuna kɛlɛ-den-toenu, wonu mɔgɔ waga tan-ni-loli (15,000) ye Karakɔ lɛɛ rɔ. Wo ya a taran, mɔgɔ waga kɛmɛ ani mɔgɔ waga mogan (120,000) bara faga sibolo-gbɛrɛnu tɔ tele-bɔɛ wara la.