Ko-Dabirɛnu 28:5 - ALLALA KUMƐ

⁵ Isiyaka ya Yakoba lata. Yakoba tara a berin Leban wara Mɛsopotemiya nyamanɛ rɔ minnubɛ a na Rebɛka sɔrɔnta, Bɛtuwɛli, Aram kɛla dannu, kɔni.

Ko-Dabirɛnu 28:5 ပူးပေါင်းရင်းမြစ်များ

Ko-Dabirɛnu 22:23

Bɛtuwɛli wo fanan ya dunmusi do sɔrɔn min tɔgɛ Rebɛka. Nehorila musi Milaka ya den-kei segan kɛnu sɔrɔn Iburayima na-kelen-nyɔgɛ wo ye.

Ko-Dabirɛnu 24:54

Wo kɔma, anu ya a fandɛ min di a ma nun, ale anubɛ a gba-fɛ-bilalɛnu nara to wo dɔnna. Anu kira nyɔ. Sɔgɔma, a ya a masara anu na. A ko, “Nde ye tala le bi n tigi wara.”

Ko-Dabirɛnu 25:20

Isiyaka sɔrɔn ya san bi-nani bɔ tumɛ min, a ya Bɛtuwɛlila den Rebɛka furu. Aram kɛ le anu denu na min bi Mɛsopotemiya nyamanɛ rɔ. A kɔrɔ-kei tɔgɛ le Leban.

Ko-Dabirɛnu 27:43

Woletɔ nna den, i tole masɔ n na ka n kuman-kan bira. I lasɔ ka i buri ka ta n tirisan-kei Leban warɛ Hɛran soe burɔ.

Ko-Dabirɛnu 28:2

I ni ta i benba Bɛtuwɛli wara Mɛsopotemiya nyamanɛ rɔ ka i berin Lebanna dunmusi do furu nyɔ.

Ko-Dabirɛnu 29:1

Nba, Yakoba tara tagamana ka ta ke nyamanɛ do ma min bi tele-bɔɛ wara la.

Ko-Dabirɛnu 29:12

Yakoba ya a fɔ Resɛli ye ko, “I fa berinnɛ le nde la, Rebɛkala dan, kɔni.” Resɛli burimatoe tara wo fɔ a fa ye.

Ko-Dabirɛnu 31:24

Kɔnɔ yanni anu ni ke Yakoba ma, Alla ya kiyo ladon Leban yɛ ma suyi rɔ ka a fɔ a ye ko, “A ma i fɛrɛma. I kana Yakoba ragbɛrɛn hali ka kuma-yogoma fɔ a ma.”

Ko-Dabirɛnu 35:27

Yakoba tara a fa Isiyaka wara Mamireta kɔlɔmanu kɔrɔ Hiburɔn soe dafɛ. Iburayima anubɛ Isiyaka sigi tina kɔrɛ le nyɔ la.

Isikiyɛli 27:16

Anubɛ Siriyanu ya yilaya-siyaman kɛ anu nyɔgɔn tɛma. Dugu-kɔrɔ-nɔnfulu-wulenmɛ anubɛ a finmɛ wo, kura-bilolamɛ wo, kura-bonnɛnu wo, linɛn-kura-hakikɛnu wo, anubɛ yi-kɔrɔ-kuru-da-gbɛlɛmɛ, anu ya wonu felen Taya kɛnu ma.

Hoseya 12:12

Ma benba Yakoba ya a buri tala Mɛsopotemiya nyamanɛ rɔ. A ye nyɔ tumɛ min, yanni a ni musi sɔrɔn, a wɔlita kei do kɔrɔ ka wola sagɛnu kandan a ye.

Tɔn-Fɔɛ-Fila-Nyɔgɛ 26:5

Wo kɔma, wo si a fɔ Mari ya la nyɔ ko, ‘Ma benba anubɛ ala denbayɛ bɔra Aram nyamanɛ rɔ ka to yilan-yilanna ha anu tara anu sigi Iyipiti nyamanɛ rɔ. Anu bi tala nyɔ tumɛ min, anu ma siya kɔnɔ wati-tenbinɛ, a bɔnsɔn ya fanka sɔrɔn ka siyaya.