Ko-Dabirɛnu 28:4 - ALLALA KUMƐ

⁴ Alamɛ ma fa Iburayimata duwɛ tora wobɛ i bɔnsɔnnu ye. Alla ya lanyiri kiri i benba Iburayima ye nyamanɛ kɛ minna ko la, alamɛ wo mara iletɛ la.”

Ko-Dabirɛnu 28:4 ပူးပေါင်းရင်းမြစ်များ

Ko-Dabirɛnu 12:7

Mari bɔra gbɛ rɔ Burama ye, a ko, “N bi nyamanɛ min dila i sibolenu ma, wo le kɛ la.” Woletɔ Burama ya saraka-mintan-tinɛ sɔ Mari ye nyɔ.

Ko-Dabirɛnu 15:8

Burama ya Alla manyinika ko, “E, n tigi Mari Alla, n si a lɔn kama ko nyamanɛ kɛ ye mala ntɛ la le?”

Ko-Dabirɛnu 27:33

A fa yɛrɛyɛrɛnta, a ko, “Mɔgɔ yon ya soge nyini ka na a la n ye? N bara ban wota soge dɔnna, ado n bara ban duwala wo ye fanan. Ila duwɛ wo ara to wo bolo habadan!”

Ko-Dabirɛnu 37:1

Yakoba sigira Kenan nyamanɛ rɔ a fa sigira kan min nun.

1 Ko-Kɔrɔta-Karan 29:15

E, Mari, i ya a lɔn ko sundan le ma la duninya kɛ rɔ yan iko ma benbanu bi nya min nun. Saya masangba tina sa ma bolo. Ma ye yan iko ninɛ.

Yaburi 39:12

Mari, nta madiyali-kan lamɔɛn. I ni i wɔlɔ matɔlɔ n di-kɛ-kan la. N tenbi dila, i ni na n dɛnbɛ. Sundan le nde la i bolo wati-kundu-ni kɔrɔ iko n benbanu bi nya min nun.

Yaburi 72:17

I ni a ma, mansɛ tɔgɛ kana tunu mumɛ! I ni a ma, a mankan ni to warala iko tele. Alamɛ sibole bɛɛ ya Alla madiya ko a ni ata duwɛ layigi anu kuma iko a ya duwɛ di mansɛ wo ma nya min. I ni a ma, anu ni to Alla matarala alako mansɛ wo sewanɛ ni to.

Bɔ-Koe-Iyipiti 6:4

N bara nta sarama-kan kiri anu ye ko n si Kenan nyamanɛ di anu ma anu benbanu bi sundanyɛ la nyamanɛ min tɔ nun.

Kalesiya 3:14

Wo bɛɛ mara le alako male fanan ni Allata Ni-Sɛnimɛ sɔrɔn dɛnkɛninyɛ fɛ iko Alla ya lanyiri kiri ma ye nya min nun. Alla ya lanyiri min kiri Iburayima ye, sibolo-gbɛrɛnu fanan ni lanyiri kelan wo sɔrɔn ka a tɛgɛ Yisa Kirasiti ya min ma ma ye.

Kalesiya 3:8

Allala kitabu ya a labɔ gbɛ rɔ ma ye bi ma, ko Alla si sibolo-gbɛrɛnu fanan natelen a nyɛrɛ ye dɛnkɛninyɛ fɛ. Wo le ya a ma, Alla ya kibara-nyimɛ wo fɔ Iburayima ye. A sɛbɛnɛ ko Alla si ata duwɛ kɛ duninya-mɔgɛ bɛɛ ye Iburayima baraka rɔ.

Ɛfɛsa 1:3

Ma ni baraka bira ma Mari Yisa Kirasiti, wo Fa Alla ye dɛɛ bawo duwɛ min bɛɛsi ye Arinyɛni tɔ, Alla ara wonu di ma ma. Ma ya wonu sɔrɔn Kirasiti baraka le tɔ.