Ko-Dabirɛnu 28:3 - ALLALA KUMƐ

³ Alamɛ Alla Sɛnbɛ-Bɛɛ-Tigita duwɛ tora i kuma alako i ni yiri boi! Alamɛ i mara bɔnsɔn-kunyɛ la.

Ko-Dabirɛnu 28:3 ပူးပေါင်းရင်းမြစ်များ

Ko-Dabirɛnu 1:28

A ya ata duwɛ layigi anu kuma ko, “Wo ni yiri ka duninya lafa. Fan min bɛɛsi ye duninya rɔ, wonu ni to wola sɛnbɛ kɔrɔ. Wo ni mansayɛ kɛ nima-fan bɛɛsi kuma duninya rɔ, a yɛgɛ wo, a kona wo, a sogo wo.”

Ko-Dabirɛnu 13:16

N si i bɔnsɔn siyaya iko gbangban. Woletɔ ni mɔgɛ si ke gbangban danna, nba, mani i bɔnsɔn si ke danna worɔ.

Ko-Dabirɛnu 24:60

Rebɛkala mɔgɛnu duwara a ye, anu ko, “Alamɛ Rebɛka bɔnsɔn siyayara ka waga yirika-siyaman bɔ. Alamɛ i bɔnsɔnnu ya nɔ-ko sɔrɔn anu yogenu ma.”

Ko-Dabirɛnu 26:24

A ke nyɔ wo suyi rɔ, Mari bɔra a ye gbɛ rɔ. A ko, “I fa Iburayimata Alla le nde la. I kana kilan kamasɔrɔn n bi i fɛ. N si nta duwɛ layigi i kuma ka i bɔnsɔn lasiyaya nta wɔli-kɛlɛ Iburayimala ko la.”

Ko-Dabirɛnu 27:33

A fa yɛrɛyɛrɛnta, a ko, “Mɔgɔ yon ya soge nyini ka na a la n ye? N bara ban wota soge dɔnna, ado n bara ban duwala wo ye fanan. Ila duwɛ wo ara to wo bolo habadan!”

Ko-Dabirɛnu 35:11

Alla ya a fɔ a ye tun ko, “Alla Sɛnbɛ-Bɛɛ-Tigi le nde la. I ni yiri ka siyaya. Bɔnsɔn siyaman si bɔ ile rɔ. Mansɛnu si bɔ i bɔnsɔn wonu tɔ.

Ko-Dabirɛnu 41:52

Den-kei fila nyɔgɛ sɔrɔnnɛ, Yusufu ko, “Alla ara a ma, n bara yiri tɔrɔya-nyamanɛ kɛ rɔ.” Woletɔ a ya dan wo tɔgɔ sa Ifɛrɛm bawo tɔgɛ wo kɔrɛ le iko mɔgɔ wa a fɔ ko, “Yiri.”

Ko-Dabirɛnu 43:14

Alamɛ Alla Sɛnbɛ-Bɛɛ-Tigi ya a ma, wola kinikinɛ ni don mansɛla kandɛ wo rɔ alako a ni wo na-kelen-nyɔgɛ doi wo boloka ka anubɛ Bɛnyamɛ lasɛgi n ma. Ni Alla ko n bi foola le nna dan kɛnu na, a fɛrɛ sa fɔ n ba foo anu na!”

Ko-Dabirɛnu 48:3

Yakoba ya a fɔ ala den Yusufu ye ko, “Lunyɛ do, Alla Sɛnbɛ-Bɛɛ-Tigi bɔra gbɛ rɔ n ye Lusi soe dafɛ Kenan nyamanɛ rɔ. Ata duwɛ yigira n kuma nyɔ.

Ko-Dabirɛnu 48:4

A ya a fɔ n ye ko a si a ma, n ni sabati ka n bɔnsɔn lasiyaya ka Kenan nyamanɛ wo ma mabɛ n bɔnsɔntɛ la habadan!”

Ko-Dabirɛnu 49:25

Anu si anu sɔ gben, bawo ndeta Alla le wo la min bi anu dɛnbɛna. Alla Sɛnbɛ-Bɛɛ-Tigi le wo la min bi ata duwɛ tola wo kuma ka bandɛ lana wo kuma ka yi labɔ dugi kɔrɔ wo ye. A si a ma, i bɔnsɔnnu ni yiri. Ila kolo-fannu fanan ni sabati.

Ko-Dabirɛnu 9:1

Alla ya ata duwɛ layigi Nowa anubɛ ala dannu kuma ka a fɔ anu ye ko, “Wo ni yiri bui ka dugu-kole lafa tun.

Yaburi 127:1

Ni Mari ma a kɔɛn don bɔn-sɔɛ rɔ nun, bon-sɔlɛnu bi tɔrɔ-fu le kɛla wo rɔ. Wo rɔ, ni Mari ma a kolonkɛ bɛn soe ma a latanka-koe la, so-kandannɛnu bi wɔli-fu le kɛla wo rɔ.

Yaburi 127:3

Mari le si dannu di mɔgɛnu ma, ado duwa-bɛrɛbɛrɛ le wonu na.

Bɔ-Koe-Iyipiti 6:3

Nde, Alla Sɛnbɛ-Bɛɛ-Tigi ara n nyɛrɛ yira Iburayima anubɛ Isiyaka anubɛ Yakoba la kɔnɔ n ma n nyɛrɛ tɔgɛ ratɛgɛ anu ye ka a fɔ ‘MARI,’ n habadan-tɔgɛ wo, kɔni.

2 Kɔrɛnti 6:18

N si ma wo fa la. Wo si ma nna dannu na. Mari-Sɛnbɛ-Bɛɛ-Tigi-kan le kɛ la.”

Lankɛnimayɛ 21:22

N ma Alla-Bato-Bɔn yen soe wo burɔ bawo Mari Alla Sɛnbɛ Bɛɛ Tigi anubɛ saga-dan le Alla Bato-Bonyɛ la.

Ruti 2:4

A ma mɛ wo kɔma, Bowasi fanan nara ala wɔli-kɛlɛnu gba ma sɛnɛ rɔ ka bɔ Bɛtalehɛm. A ya anu wɔlɛ bɔ, a ko, “Alamɛ Alla tora wo fɛ.” Anu fanan ya a labira, anu ko, “Alamɛ Alla tora ile fanan fɛ.”