Ko-Dabirɛnu 28:20 - ALLALA KUMƐ

²⁰ Yakoba ya a dato, a ko, “Ni Alla tora n fɛ ka n kandan nta tagama kɛ rɔ, n ni dɔn-fan anubɛ fɛrɛya-bɔɛ sɔrɔn,

Ko-Dabirɛnu 28:20 ပူးပေါင်းရင်းမြစ်များ

Ko-Dabirɛnu 28:15

I tara kan-bo-kan, n si to i fɛ ka i kandan. N si na i la fɔɔ nyamanɛ kɛ rɔ tun. N ti i boloka fɔ n ba n kuman-kan latɔnbagaya.”

Ko-Dabirɛnu 31:13

A ko n ya Alla min taran Bɛtɛli soe dafɛ, alele le ale la. N ya kuri latelen nyɔ ka tuli kɛ a ma a dantɛgɛ-koe ma. N ya n dato a ye nyɔ. A ko woletɔ n ni bɔ nyamanɛ kɛ rɔ ka ta n sigi n fata nyamanɛ rɔ n sɔrɔnta kan min.”

Ko-Dabirɛnu 35:3

Ma ni wuli wona ka ta Bɛtɛli. N si saraka-mintan-tinɛ sɔ Alla ye nyɔ bawo wo tumɛ n bi tɔrɔyɛ rɔ, Alla ya n denkun. A tora n fɛ ka n kandan nta tagama bɛɛ rɔ.”

1 Ko-Kɔrɔta-Karan 4:10

Yebɛsi wo ya Isirɛlata Alla madiya, a ko, “E, Alla, ita duwɛ layigi n kuma ka do sa nta dugi kuma. To n fɛ ka n tanka ko-yogomɛ ma min si a ma, n ni dumɛ rayen.” A ya Alla matara fan minna ko ma, a ya wo nyinya a ye.

Yaburi 116:14

N bara Mari yili-madiya fan minna ko la, n si n kan wo latɔnbagaya a ye mɔgɛ bɛɛ yala.

Yaburi 116:18

N bara i yili-madiya min na, n si na wo la ila Bato-Bɔn la Yerusalɛm soe burɔ ka a di i ma mɔgɛ bɛɛ yala nyɔ. N si Mari tanto!

Yaburi 119:106

N ya n dakan don ila tɔn min bira-koe rɔ, n si n kan wo latɔnbagaya gben-gben!

Yaburi 132:2

A ya a dakan-don ile Yakobata Alla-makawanɛ ye. I ni i fonde to lanyiri wo ko.

Yaburi 22:25

Ka a tɛgɛ ila ko-nyimɛ ma, n si i tanto mɔgɛ bɛɛ yakɔrɔ Bato-Bɔn la. N bara lanyiri kiri sarakɛ minnu bara-koe la, n si wonu bɔ i ye bɛɛ yala.

Yaburi 56:12

E, Alla, n bara lanyiri kiri i ye min di-koe rɔ i ma, fɔ n ba wo di i ma gbɛ! N si baraka-bira-kɔ-fannu di i ma

Yaburi 61:5

E, Alla, i wara nna lanyiri-kiri-kannu namɔɛn. A bɛnta, i gbiliyalɛnu ni min sɔrɔn, i wara sɔn ka to wo dila nde ma.

Yaburi 61:8

N si to i tanto-bɛtinu bɔla i ye tele-wo-tele ka to nna lanyiri latɔnbagayala i ye.

Yaburi 66:13

N si na saraka-mintantɛnu na i Bato-Bɔn la. N ya lanyiri kiri i kɔ koe min na, n si wo labɔ.

Yaburi 76:11

Ni i ya min di-koe fɔ ita Mari Alla ma, i ni wo di a ma. Wole sibolo-gbɛrɛ minnu gbɛrɛnnɛ Isirɛla ma, wo ni na kɔ-fannu na a ye. Alla ye a mala, mɔgɛ bɛɛ ye kilanna a la.

Aiseya 19:21

Mari si a nyɛrɛ yira Iyipiti mɔgɛnu na. Wo si a ma, anu ni a bato ka sarakɛ bɔ a ye ka kɔ-fannu di ale Mari ma. Anu si lanyirinu kiri a ye ka wonu natɔnbagaya.

Yɔni 1:16

A ara ata duwɛ layigi ma bɛɛ kuma ka bɔ ala hina-waranɛ rɔ ka duwɛ kumasa ma ye.

Kɛwɔlɛnu 18:18

Pɔli ya tele siyaman bɔ Marita mɔgɛnu fɛ Kɔrɛnti soe burɔ. Wo kɔma, ale wo, Akuwila wo, anubɛ Purusila donta kulɔn rɔ ka ta Siriya nyamanɛ rɔ. Yanni a ni don kulɔn rɔ, a ya a kunyɛ sii Sɛnkariya soe burɔ bawo a ara a dato Alla ye nun.

1 Timoti 6:8

Woletɔ ni dɔn-fan anubɛ kurɛnu bi ma bolo, wonu ni a bɔ ma bolo.

1 Samuwɛli 1:11

Hana ya a dakan don, a ko, “Mari Sɛnbɛ-Bɛɛ-Tigi, n bi kɔndɔfili min tɔ, i kolan lana ka nde, ila wɔli-kɛlɛ mafɛlɛn yan. I kana nyina n ko. Ni i ya dan di n ma min si ma den-kei la, n si a dantɛgɛ i ma a siyi-tele-bɛɛ kɔrɔ. Hali lilan, a ti sɔ a kunyɛ ma. Wo si ma tamasere la ko a dantɛgɛnɛ ile le ma.”

1 Samuwɛli 1:28

Kaka, n bara na a la ka a dantɛgɛ Mari ma. Fananta a ye a niyi la, Maritɛ le ale la.” Anu dama ya Mari bato nyɔ.

1 Samuwɛli 14:24

Kɔnkɛ ya Isirɛla kɛlɛ-dannu mankulan bɔ anu ma wulɔn bawo Mansa Sɔli ara anu nadanka wulɔn ko, “Fananta n ma ban n yogenu nɔla, mɔgɔ-wo-mɔgɔ kana na dɔn-fan bila a dɛ rɔ bi tele rɔ.” Woletɔ mɔgɔ-wo-mɔgɔ ma dɔn-fen bila a dɛ rɔ wulɔn tele kelan.