Ko-Dabirɛnu 28:19 - ALLALA KUMƐ

¹⁹ A ya kan tinɛ wo tɔgɔ sa Bɛtɛli. Soe wo tɔgɔ-kɔrɛ le nun Lusi.

Ko-Dabirɛnu 28:19 ပူးပေါင်းရင်းမြစ်များ

Ko-Dabirɛnu 12:8

Wo kɔma, a bɔra nyɔ ka ta Bɛtɛli soe tele-bɔɛ wara la kɔnkɛnu siya kan min. Anu ya anu daga makɛ Bɛtɛli soe anubɛ Eyai soe tɛma. A ya saraka-mintan-tinɛ do fanan sɔ Mari ye nyɔ. A ya baraka bira a ye ka a bato.

Ko-Dabirɛnu 28:11

A kera kan tinɛ do rɔ, a kira nyɔ kamasɔrɔn suyi ara ke a ma nyɔ. A ya kuri do bi nyɔ ka a ma a kun-kɔrɔ-sɛ la. A kinɔgɔra.

Ko-Dabirɛnu 31:13

A ko n ya Alla min taran Bɛtɛli soe dafɛ, alele le ale la. N ya kuri latelen nyɔ ka tuli kɛ a ma a dantɛgɛ-koe ma. N ya n dato a ye nyɔ. A ko woletɔ n ni bɔ nyamanɛ kɛ rɔ ka ta n sigi n fata nyamanɛ rɔ n sɔrɔnta kan min.”

Ko-Dabirɛnu 35:1

Alla ya a fɔ Yakoba ye ko, “I lasɔ. I ni ta Bɛtɛli tun, n bɔra i ye gbɛ rɔ kan min wo tumɛ i ye i burila i kɔrɔ-kei Isɔ kɔrɔ. I ni saraka-mintan-tinɛ sɔ nde, Alla ye ka i sigi nyɔ.”

Ko-Dabirɛnu 35:14

Alla kumara a ye kan min, Yakoba ya kuri do fanan latelen nyɔ. A ya tuli anubɛ nɔnbɔ-gbɔ-yi labɔn a ma alako ka a dantɛgɛ Alla ma.

Ko-Dabirɛnu 35:15

Woletɔ Yakoba ya nyɔ tɔgɔ sa Bɛtɛli.

Ko-Dabirɛnu 35:6

Yakoba anubɛ ala mɔgɛnu tara hɛrɛ rɔ ha ka ke Lusi soe burɔ min bi Kenan nyamanɛ rɔ. Kɔnɔ tɔ-a-la, anu ya Lusi tɔgɛ yɛlɛman ko Bɛtɛli.

Ko-Dabirɛnu 35:7

Yakoba ya a buri a kɔrɔ Isɔ kɔrɔ tumɛ min, Alla bɔra gbɛ rɔ a ye Bɛtɛli, woletɔ Yakoba ya saraka-mintan-tinɛ sɔ nyɔ ka a tɔgɔ sa “Allata Bɛtɛli.”

Ko-Dabirɛnu 48:3

Yakoba ya a fɔ ala den Yusufu ye ko, “Lunyɛ do, Alla Sɛnbɛ-Bɛɛ-Tigi bɔra gbɛ rɔ n ye Lusi soe dafɛ Kenan nyamanɛ rɔ. Ata duwɛ yigira n kuma nyɔ.

1 Mansɛnu 12:29

A ya ninki-dan wo kelen to Bɛtɛli soe burɔ. A tara doi to Dan soe burɔ.

2 Mansɛnu 2:2

Anu tamatoe, Nɛbi Ilaya ya a fɔ Nɛbi Ilaisa ye ko, “To yan. Mari wara n nata Bɛtɛli soe burɔ.” Kɔnɔ Nɛbi Ilaisa ko, “N bara n keli wobɛ Mari-nimɛ ye, n ti to yan!” Wo le mara anu natɛ la Bɛtɛli.

2 Ko-Kɔrɔta-Karan 13:19

Mansa Abaya anubɛ ala kɛlɛ-dannu ya Isirɛla kɛlɛ-den-toenu sagaran. A ya anuna soe donu bi anu bolo. Soe wonu tɔgɛ le kɛnu na, Bɛtɛli wo, Yɛsena wo, Ɛfirɔn wo, anubɛ anuna so-mɛsɛ minnu bi anuna foolɛnu tɔ.

Hoseya 4:15

“Hali wole, Isirɛla mɔgɛnu ma telen n ye kɔnɔ Yuda mɔgɛnu kana anuta kɛ-nyanu bi. Wo kana batoli-kɛ Kiligali soe anubɛ Bɛti-Efɛn soe burɔ. Wo kana lanyiri kiri nyɔ nde, Mari-nimɛ tɔgɛ rɔ.

Yasowa 16:2

Ka bɔ nyɔ, dan wo le tara ha Lusi soe ka tenbi nyɔ ha Ataroti-Ada soe ma Araka mɔgɛnu bi kan min.

Yasowa 18:13

Ka bɔ nyɔ, dan wo le tara fanan ka ke kɔnkɔ-kerikerinya ma min bi Lusi soe dugu la (min tɔgɛ fanan Bɛtɛli). A yigira a ma ka ta ke ha Ataroti-Ada soe ma min bi kɔnkɛ kuma Bɛti-Hɔrɔn soe dafɛ.

Kɛlɛ-Kurugbɛnu 20:26

Isirɛla mɔgɛnu dimatoe sɛgira Bɛtɛli soe burɔ tun. Anu telenta sunyɛ rɔ ha wurɛ la. Anu ya saraka-mintantɛnu anubɛ yisi-kima-sarakɛnu bɔ Mari ye wulɔn.

1 Samuwɛli 10:3

I wa bɔ nyɔ fanan, i si ta furr, ha i ni ta ke kɔlɔma-kuru-latankanɛ do kɔrɔ Tebɔ soe dafɛ. I si bɛn kɛmɔgɔ sawa la nyɔ minnu bi tala Alla bato tinɛ Bɛtɛli soe burɔ. Kelan, baa-den sawa ye wo bolo. Wo ye tala wonu na. Doi, biredi-lɔngbɔn sawa ye wo bolo. A sawa nyɔgɛ, i si nɔnbɔ-gbɔ-yi yen gbolo-bɔrɛ do rɔ a bolo.

1 Samuwɛli 7:16

San-bo-san, Samuwɛli si ta so-kun sawɛ kɛ bɛɛ rɔ kiti fɔ tinɛ, Bɛtɛli wo, Kiligali wo, anubɛ Misipa.