Ko-Dabirɛnu 28:17 - ALLALA KUMƐ

¹⁷ A kumakɔra ka a fɔ ko, “Yaga, kan-tina-makawanɛ le kɛ la. Allata bɔn le yan na. Arinyɛnɛ don-dɛ le kɛ la.”

Ko-Dabirɛnu 28:17 ပူးပေါင်းရင်းမြစ်များ

Ko-Dabirɛnu 28:18

Wo banda kɛ subagɛ ma, Yakoba ya kuru-kundi min ma kun-kɔrɔ-sɛ la, a ya wo bi ka a latelen. A ya tuli labɔn a ma alako ka a dantɛgɛ Alla ma.

Ko-Dabirɛnu 28:22

N bara kuri kɛ latelen kan min kɛ la, nyɔ si ma Alla madiya tinɛ la. Ni Mari ya fan minnu di n ma, n si wonu yaka bɔ wo rɔ ka a di a ma.”

Yaburi 68:35

Isirɛlata Alla tenbi bɔla ala kan-tina-sɛnimɛ rɔ, a makilannɛ. A si sɛnbɛ di ala mɔgɛnu ma. Alla tanto!

Bɔ-Koe-Iyipiti 3:5

Alla ko, “I kana i madon yan na. Ila sanbarɛ bɔ i kian rɔ kamasɔrɔn i sɔnɛ kan tinɛ min tɔ kɛ la, dugu-sɛnimɛ le wo la.”

Bɔ-Koe-Iyipiti 3:6

A ko tun, “I benba Iburayima wo, i benba Isiyaka wo, anubɛ i benba Yakoba wo, anuta Alla le nde la.” Musa ya a yakɔrɛ yamatogon kamasɔrɔn a kilanta ka Alla ragbɛ.

Makawandili Kumɛnu 5:1

A ma i fɛrɛma Alla Bato-Bɔn la. Yanni mɔgɛ ni kuntanya-sarakɛnu bɔ nyɔ iko kuntan donu bi a mala nya min, a fisa, a ni ta nyɔ ka hɛnkili sɔrɔn bawo kuntan wonu ma a lɔn ko anu bi ko-yogomɛ le kun na.

Matiyu 17:6

Karan-dannu ya kuman-kan wo lamɔɛn tumɛ min, anu kumakɔra kati! Anu ya anu nyɛrɛ gbesi dugi la.

Luka 2:9

Marita melika bɔra gbɛ rɔ anu ye. Marita waan malanta anu kuma. Anu kilanta kati!

Luka 8:35

Min mara, mɔgɛnu tara wo ragbɛ tinɛ. Anu nara Yisa wara ka kei wo siginɛ taran Yisa dafɛ. Nyinɛnu bara bɔ a fɛ, ado kurɛ ye a ma. A hɛnkili ma ara sɔ. Anu dama kilanta kati!

1 Timoti 3:15

Kɔnɔ ni n mɛra, a bɛnta, ma kɛ-nya ni ma nya min Allata denbayɛ tɛma, kɛdi kɛ si i lalɔn wonu ma. Denbayɛ wo, Alla-nimɛta chɔchi le wo la. Denbayɛ kɛ si tonyɛ lamara iko sɛnbɛrɛn-kɔn anubɛ bon-kurukɛ-fan si bɔn bira nya min.

Hiburunu 10:21

Saraka-masɔla-kun-tigi-wɛ ye ma bolo Allala mɔgɛnu kun na min kɛ,

1 Pita 4:17

Kiti-tɛgɛ-dabira-wati ara ke. Nba, Alla si ala mɔgɛnu fɔlɔn kiti. Ni kiti gbɛlɛ da si bira male le ma, a laban si ma kama worɔ wonu kuma minnu ma Allala kibara-nyimɛ bira?

Lankɛnimayɛ 1:17

N ya a ragbɛ min kɛ, n buira a kin kɔrɔ iko mɔgɔ-faganɛ. A ya a kɔɛn-nyimɛ sa n ma. A ko, “I kana kilan! A fɔlɔtɛ anubɛ a laban le nde la.

Kɛlɛ-Kurugbɛnu 13:22

Manowa ya a fɔ ala musi ye ko, “Ma ye fagala le serr, bawo ma ara Alla yen ma yɛ la.”