Ko-Dabirɛnu 28:15 - ALLALA KUMƐ

¹⁵ I tara kan-bo-kan, n si to i fɛ ka i kandan. N si na i la fɔɔ nyamanɛ kɛ rɔ tun. N ti i boloka fɔ n ba n kuman-kan latɔnbagaya.”

Ko-Dabirɛnu 28:15 ပူးပေါင်းရင်းမြစ်များ

Ko-Dabirɛnu 21:20

Alla ye keminɛ wo fɛ nun. A koloyara ka a sigi wulɛ rɔ. A mara kalabɛn-nakɛ-donse la.

Ko-Dabirɛnu 26:24

A ke nyɔ wo suyi rɔ, Mari bɔra a ye gbɛ rɔ. A ko, “I fa Iburayimata Alla le nde la. I kana kilan kamasɔrɔn n bi i fɛ. N si nta duwɛ layigi i kuma ka i bɔnsɔn lasiyaya nta wɔli-kɛlɛ Iburayimala ko la.”

Ko-Dabirɛnu 26:3

To nyamanɛ kɛ rɔ bɛ min na fɔlɔn. N si to i fɛ ka nta duwɛ layigi i kuma. N si nyamanɛ kɛ bɛɛsi di wobɛ i bɔnsɔn ma. N si i bɔnsɔn lasiyaya iko san-kole lolenu ka nyamanɛ kɛ di anu ma. Duninya-mɔgɛ bɛɛ si duwɛ sɔrɔn i bɔnsɔn kɛnu fɛ kamasɔrɔn Iburayima ya n kuman-kan kɛnu namɔɛn ka nta tɔnnu bira. N ya lanyiri minnu kiri mabɛ i fa Iburayima tɛma nun, n si wonu ma.”

Ko-Dabirɛnu 30:25

Resɛli ya Yusufu sɔrɔn tumɛ min, Yakoba ya a fɔ a berin Leban ye ko, “I yandi, n boloka. N ni ta n fa warɛ.

Ko-Dabirɛnu 31:13

A ko n ya Alla min taran Bɛtɛli soe dafɛ, alele le ale la. N ya kuri latelen nyɔ ka tuli kɛ a ma a dantɛgɛ-koe ma. N ya n dato a ye nyɔ. A ko woletɔ n ni bɔ nyamanɛ kɛ rɔ ka ta n sigi n fata nyamanɛ rɔ n sɔrɔnta kan min.”

Ko-Dabirɛnu 31:3

Wo kɔma, Mari ya a fɔ Yakoba ye ko a ni sɛgi ala mɔgɛnu barɛ a fata nyamanɛ rɔ. Mari ko a si to a fɛ.

Ko-Dabirɛnu 31:5

A ya a fɔ anu ye ko, “N bara a yen ko nna yakɔrɔ sa wo fa kuma tun iko fɔlɔ. Kɔnɔ n fata Alla ara to n fɛ.

Ko-Dabirɛnu 32:9

Yakoba ya Alla madiya ko, “E, n benba Iburayimata Alla, n fa Isiyakata Alla, i wɔlɔ matɔlɔ nta madiyalɛ kɛ la. Mari, ile le ya a fɔ n ye ko n ni sɛgi nna mɔgɛnu barɛ nta nyamanɛ kɛ rɔ. Ile le ya a fɔ ko i si koe bɛɛ ma a kilɛ fɛ nde ye ka ko-nyimɛ kɛ n ye.

Ko-Dabirɛnu 35:3

Ma ni wuli wona ka ta Bɛtɛli. N si saraka-mintan-tinɛ sɔ Alla ye nyɔ bawo wo tumɛ n bi tɔrɔyɛ rɔ, Alla ya n denkun. A tora n fɛ ka n kandan nta tagama bɛɛ rɔ.”

Ko-Dabirɛnu 39:2

Mari tora Yusufu fɛ ka ata duwɛ layigi a kuma. A wara-koe tora tala yarɔ. A tora sigini a tigi Pɔtifa warɛ bɔn la Iyipiti nyamanɛ rɔ.

Ko-Dabirɛnu 39:21

Kɔnɔ hali Yusufu ye yele wo la, Mari ye a fɛ. Mari ya a ma, yele-kandanna-kun-tigi min bi nyɔ, a diyara wo ye koikoi!

Ko-Dabirɛnu 46:4

N si ta i fɛ Iyipiti nyamanɛ rɔ. N si na i la Kenan nyamanɛ rɔ yan tɔ tun serr! I si faga ila den Yusufu bolo tɔ.”

Ko-Dabirɛnu 48:16

Alla min nara nde ma iko melika ka n kunka ko-yogomɛ bɛɛ ma, alamɛ wota duwɛ tora ila den-keminɛ kɛnu kuma. Alamɛ tɔgɔ-nyimɛ tora den-kei filɛ kɛnu kuma iko a tora n fa Isiyaka anubɛ n benba Iburayima anubɛ nde kuma nya min. Anu bɔnsɔnnu ni siyaya dugu-kole kɛ kuma.”

Ko-Dabirɛnu 48:21

Yakoba ya a fɔ a ye ko, “Yusufu, n fagamatoe le kɛ la kɔnɔ Alla si to i fɛ ka wo lasɛgi tun fɔ wo benba anubɛ wo fata nyamanɛ rɔ.

1 Mansɛnu 8:57

Alamɛ mata Mari kana ma boloka dɛɛ! A ni to ma fɛ iko a tora ma benbanu fɛ nya min.

Yaburi 46:11

Mari Sɛnbɛ-Bɛɛ-Tigi ye ma fɛ. Mala kanannɛ le Yakobata Alla la.

Yaburi 46:7

Mari Sɛnbɛ-Bɛɛ-Tigi ye ma fɛ. Mala kanannɛ le Yakobata Alla la.

Yaburi 91:11

bawo Alla ye ata melikanu tola i kun na. I tara kan-bo-kan, anu si i lakanan.

Bɔ-Koe-Iyipiti 13:11

“Mari ya Kenan kɛnuna nyamanɛ min di wo ma iko a ya lanyiri kiri wobɛ wo benbanu ye nya min, wo wa ke nyɔ tumɛ min,

Bɔ-Koe-Iyipiti 3:12

Alla ko, “N si to i fɛ yati! I wa na nta mɔgɛnu na ka bɔ Iyipiti nyamanɛ rɔ tumɛ min, anu si n bato kɔnkɛ kɛ nyɛrɛ kuma. Wo si ma tamasere la i ye ko nde le ya i kilaya.”

Aiseya 41:10

Wo kana kilan bawo a ye wo fɛ. Bawo wota Alla le ale la, wo kana kilan fenfen na. A si wo ragbɛlɛya ka wo dɛnbɛ. A si wo latanka ka wo kisi.

Aiseya 43:2

A ko ma tenbi dumɛ tɛma, a ye ma fɛ nyɔ rɔ. Ma kunyɛ ti to tɔrɔyɛ wo rɔ. Hali ma tenbi tɛ tɛma, a ko ma ti mintan. Ma kunyɛ ti to gbɛlɛyɛ wo rɔ.

Aiseya 7:14

Woletɔ Mari nyɛrɛ ko a si tamasere yira i la. Sunkurun-nasɔlɔnɛ si buyi bi ka den-kei sɔrɔn. Wo si a tɔgɔ sa Imanuwɛli.

Aiseya 8:10

A ko wo ni wo raya ko-rabɛn tinɛ kɔnɔ ko ti bɔ a rɔ. A ko wo ni kuma iko a di wo ye nya min kɔnɔ wo bɛɛsi fufafu bawo Alla ye ma fɛ.

Yɛrɛmaya 1:19

Anu si i kɛlɛ kɔnɔ anu ti i nɔ bawo n bi i fɛ. Nde le si i lakanan.”

Yɛrɛmaya 16:15

Kɔnɔ wo si a kele ko, “Alla min ya ma bɔ kantɔ-nyamanɛnu tɔ anubɛ nyamanɛ doinu a ara ma ranyɛnsɛn kan min,” ado Mari ko a si a ma, a ya nyamanɛ kɛ min di wo benbanu ma, wo ni sɛgi nyɔ rɔ tun, yɔ!

Saraka-Masɔlɛnuta Tɔnnu 26:42

Ni anu ya wo ma, n si n miri nta lanyiri ma n ya min kiri Iburayima, anubɛ Isiyaka anubɛ Yakoba ye. N si nta lanyiri kɛ ma a kurɛ la wo kegeyɛnu ye ka wola nyamanɛ lasɛgi anu ma tun.

Saraka-Masɔlɛnuta Tɔnnu 26:45

N ya lanyiri kɛ kiri wo ye, wole min bɔra Iyipiti ka nta fanka yira duninya la wati wo. N ya wo damasi ma alako nde ni ma wota Alla la. N si wo lanyiri kiri wo kegeyɛnu ye ka a ma a kurɛ la tun.”

Yilan-Yilan Koe 23:19

Alla sa iko mɔgɔni-finyɛ minnu si foninyɛ fɔ. A ti a miriya yɛlɛma iko hadama-dannu. A ya lanyiri kiri fenfenna ko la, a si wo ma, yɔ! Ni a kumara, a ara ban.

Yilan-Yilan Koe 6:24

‘Alamɛ Marita duwɛ yigira wo kuma ka wo kandan.

Matiyu 18:20

ado mɔgɔ fila, ni wo ma, mɔgɔ sawa wa bɛn n tɔgɔ rɔ, n bi anu tɛma nyɔ.”

Matiyu 24:35

San-kole anubɛ dugu-kole si tenbi kɔnɔ nna kumɛ ti tenbi mumɛ!

Matiyu 28:20

N bara anu karan koe min bɛɛ la, wo ni anu karan ko anu ni koe wo bɛɛ bira. Ado nfan, wo ni wo hɛnkili to kɛ ko, n si to wo fɛ tumɛ bɛɛ ha wati-laban.”

Tɔn-Fɔɛ-Fila-Nyɔgɛ 30:3

wota Mari Alla fanan si kinikini wo ma. A ya wo don bɔnsɔn minnu bolo nun, a si wo labɔ wonu tɛma. Wola koe bɛɛ si ta a kilɛ fɛ wo bolo tun.

Tɔn-Fɔɛ-Fila-Nyɔgɛ 31:6

Wo si wo yisi gbɛlɛya ka wo kerinteya. Wo kana kilan anu na bawo wo tigi Mari Alla si to wo fɛ. A ti wo baya, ado a ti wo boloka mumɛ!”

Tɔn-Fɔɛ-Fila-Nyɔgɛ 31:8

Mari nyɛrɛ si taran i fɛ ka sɔ i yarɔ. A ti i baya, ado a ti i boloka. I yisi kana tinya kilan bolo.”

Tɔn-Fɔɛ-Fila-Nyɔgɛ 7:9

Wo ni a lɔn serr, ko wota Mari Alla kelen pe le wota Alla la. A ti wo baya tele-kelen-bɛrɛni! A si ata lanyiri kanbali wo wara la. A si ata keninteyɛ yira wo bɔnsɔn-matiyinu na minnu si ata tɔnnu bira ka ale fanan keni.

1 Timoti 4:8

Tonyɛ le kɛ la, ado i ni la a la ka a bira gben, ko ka i fɛrɛ ramaga, wo si koe do nyinya. Kɔnɔ ka i ramaga Allata wɔli-kɛ-tinɛ, wo si ko nyinya nya bɛɛ ma. A si i dɛnbɛ duninya kɛ rɔ anubɛ lakira fanan.

Yasowa 1:5

Mɔgɔ-wo-mɔgɔ ti ile, Yasowa nɔ i siyi-tele-bɛɛ rɔ. N tora Musa fɛ nya min, n si to ile fanan fɛ wo nya na le. N si to i fɛ tuma-wo-tuma. N ti i boloka dɛɛ!

Yude 1:1

Nde, Yude le ye kɛdi kɛ sɛbɛla, Yisa Kirasitila wɔli-kɛlɛ, Yemesi dɔgɔ-keminɛ, kɔni. Alla ara wole min kele, n bi a sɛbɛla wole le ma. Wo tonɛ n Fa Allala keninteyɛ rɔ, ado wo maranɛ Yisa Kirasiti ye.

Kɛlɛ-Kurugbɛnu 6:16

Mari ya a fɔ Kidiyɔn ye ko, “I si a nɔ le bawo nde, Mari le ye i dɛnbɛna. I si Midiyan kɛnu tatɛn iko mɔgɔ kelan tenbi i kɔrɔ.”