Ko-Dabirɛnu 28:13 - ALLALA KUMƐ

¹³ Yakoba ya Mari sɔnɛ yen a tɔnkɔn rɔ. Mari ya a fɔ ale Yakoba ye ko, “I fa anubɛ i benba Iburayimata Mari Alla le nde la. I sanɛ dugi min kuma kɛ la, n si wo di wobɛ i bɔnsɔn ma.

Ko-Dabirɛnu 28:13 ပူးပေါင်းရင်းမြစ်များ

Ko-Dabirɛnu 12:7

Mari bɔra gbɛ rɔ Burama ye, a ko, “N bi nyamanɛ min dila i sibolenu ma, wo le kɛ la.” Woletɔ Burama ya saraka-mintan-tinɛ sɔ Mari ye nyɔ.

Ko-Dabirɛnu 13:15

I ye nyamanɛ min bɛɛsi yenna kɛ la, n si wo di wobɛ i bɔnsɔn ma habadan!

Ko-Dabirɛnu 13:17

I lasɔ ka nyamanɛ kɛ tonko nanɛ bɛɛ ratagama kamasɔrɔn n bi nala a dila i ma.”

Ko-Dabirɛnu 15:1

Kɛlɛ kɛnu kanɛ a la, Mari ya a yiraka Burama la. A ya Mari kuman-kan lamɔɛn ko, “Burama, i kana kilan. Nde si i latanka ka i barayi boi!”

Ko-Dabirɛnu 15:18

Tamasere le wo la Mari ya lanyiri min kiri anubɛ Burama tɛma tele wo nyɛrɛ rɔ ko, “N bara nyamanɛ kɛ di i bɔnsɔn ma. Kenanuna nyamanɛ anubɛ Kɛnasinuna nyamanɛ anubɛ Kadimɔnanuna nyamanɛ anubɛ Hɛtinuna nyamanɛ, anubɛ Perasanuna nyamanɛ anubɛ mɔgɔ-layan-bɛnuta nyamanɛ anubɛ Amoranuna nyamanɛ anubɛ Kenannuna nyamanɛ anubɛ Kagasanuna nyamanɛ anubɛ Yebusinuna nyamanɛ, ka a dabira Iyipiti bɛ ma ha ka ta ke Yufereti bɛ ma, n si wo bɛɛsi latenbi ile bɔnsɔnnu ma.”

Ko-Dabirɛnu 26:24

A ke nyɔ wo suyi rɔ, Mari bɔra a ye gbɛ rɔ. A ko, “I fa Iburayimata Alla le nde la. I kana kilan kamasɔrɔn n bi i fɛ. N si nta duwɛ layigi i kuma ka i bɔnsɔn lasiyaya nta wɔli-kɛlɛ Iburayimala ko la.”

Ko-Dabirɛnu 26:3

To nyamanɛ kɛ rɔ bɛ min na fɔlɔn. N si to i fɛ ka nta duwɛ layigi i kuma. N si nyamanɛ kɛ bɛɛsi di wobɛ i bɔnsɔn ma. N si i bɔnsɔn lasiyaya iko san-kole lolenu ka nyamanɛ kɛ di anu ma. Duninya-mɔgɛ bɛɛ si duwɛ sɔrɔn i bɔnsɔn kɛnu fɛ kamasɔrɔn Iburayima ya n kuman-kan kɛnu namɔɛn ka nta tɔnnu bira. N ya lanyiri minnu kiri mabɛ i fa Iburayima tɛma nun, n si wonu ma.”

Ko-Dabirɛnu 28:4

Alamɛ ma fa Iburayimata duwɛ tora wobɛ i bɔnsɔnnu ye. Alla ya lanyiri kiri i benba Iburayima ye nyamanɛ kɛ minna ko la, alamɛ wo mara iletɛ la.”

Ko-Dabirɛnu 31:13

A ko n ya Alla min taran Bɛtɛli soe dafɛ, alele le ale la. N ya kuri latelen nyɔ ka tuli kɛ a ma a dantɛgɛ-koe ma. N ya n dato a ye nyɔ. A ko woletɔ n ni bɔ nyamanɛ kɛ rɔ ka ta n sigi n fata nyamanɛ rɔ n sɔrɔnta kan min.”

Ko-Dabirɛnu 31:42

Ni n benba Iburayima anubɛ n fa Isiyakanuna Alla sa n fɛ nun, n bolo-kolɔn gbɛ le bɔla i warɛ nun. Kɔnɔ Alla ara nta tɔrɔyɛ anubɛ nta wɔlɛ yen n ya minnu kɛ i ye, woletɔ a ya i makuma suyi rɔ kiyo rɔ.”

Ko-Dabirɛnu 31:5

A ya a fɔ anu ye ko, “N bara a yen ko nna yakɔrɔ sa wo fa kuma tun iko fɔlɔ. Kɔnɔ n fata Alla ara to n fɛ.

Ko-Dabirɛnu 31:53

Alamɛ i benba Iburayima anubɛ n fa Nehorinuta Alla anubɛ wonu fanan fata Alla ya kiti tɛgɛ mabɛ ile tɛma.” Yakoba ya a keli a berin ye a fa Isiyakata Alla yala.

Ko-Dabirɛnu 32:10

I wara ko-latelennɛ anubɛ ko-nyimɛ min kɛ n ye, a ma bɛn defan nde ni wonu sɔrɔn. N bi bɔla n barɛ tumɛ min ka Yorodan bɛ tɛgɛ, mabɛ nna kɔrɔ-sɔ-sewuri le dɔrɔn ya bɛ tɛgɛ. Kɔnɔ tabarakala, kaka n bara na kurun filɛ kɛnu na n bolo.

Ko-Dabirɛnu 32:9

Yakoba ya Alla madiya ko, “E, n benba Iburayimata Alla, n fa Isiyakata Alla, i wɔlɔ matɔlɔ nta madiyalɛ kɛ la. Mari, ile le ya a fɔ n ye ko n ni sɛgi nna mɔgɛnu barɛ nta nyamanɛ kɛ rɔ. Ile le ya a fɔ ko i si koe bɛɛ ma a kilɛ fɛ nde ye ka ko-nyimɛ kɛ n ye.

Ko-Dabirɛnu 35:1

Alla ya a fɔ Yakoba ye ko, “I lasɔ. I ni ta Bɛtɛli tun, n bɔra i ye gbɛ rɔ kan min wo tumɛ i ye i burila i kɔrɔ-kei Isɔ kɔrɔ. I ni saraka-mintan-tinɛ sɔ nde, Alla ye ka i sigi nyɔ.”

Ko-Dabirɛnu 35:12

N ya lanyiri kiri nyamanɛ minna ko la i benba Iburayima anubɛ i fa Isiyaka ye, n si wo di ile anubɛ i kegeyɛnu ma.”

Ko-Dabirɛnu 35:15

Woletɔ Yakoba ya nyɔ tɔgɔ sa Bɛtɛli.

Ko-Dabirɛnu 35:17

A ye tɔrɔyɛ wo kun na tumɛ min, ala tinkɔrɔ-sigilɛ ya a fɔ a ye ko, “I kana kilan. I wara dan do le sɔrɔn tun!”

Ko-Dabirɛnu 46:3

Alla ko, “Alla le nde la, i fata Alla, kɔni. I kana kilan ka ta Iyipiti nyamanɛ rɔ kamasɔrɔn n si i bɔnsɔn lasiyaya nyɔ.

Ko-Dabirɛnu 48:3

Yakoba ya a fɔ ala den Yusufu ye ko, “Lunyɛ do, Alla Sɛnbɛ-Bɛɛ-Tigi bɔra gbɛ rɔ n ye Lusi soe dafɛ Kenan nyamanɛ rɔ. Ata duwɛ yigira n kuma nyɔ.

1 Ko-Kɔrɔta-Karan 16:18

A ko a si Kenan nyamanɛ kɛ di ma ma. A ko nyɔ si ma matɛ la habadan!

Yaburi 105:11

A ko a si Kenan nyamanɛ kɛ di ma ma. A ko nyɔ si ma matɛ la habadan!

Bɔ-Koe-Iyipiti 2:24

Alla ya anu di-kɛ-kan lamɔɛn. A ya lanyiri min kiri Iburayima anubɛ Isiyaka anubɛ Yakoba ye, a ya a fonde to wo ko

Bɔ-Koe-Iyipiti 3:6

A ko tun, “I benba Iburayima wo, i benba Isiyaka wo, anubɛ i benba Yakoba wo, anuta Alla le nde la.” Musa ya a yakɔrɛ yamatogon kamasɔrɔn a kilanta ka Alla ragbɛ.

Bɔ-Koe-Iyipiti 4:5

Mari ya a fɔ a ye ko, “Wo le si a ma, anu ni la i la ko wo benbanuta Alla ara a nyɛrɛ yira i la, Iburayimata Alla, anubɛ Isiyakata Alla, anubɛ Yakobata Alla, kɔni.”

Bɔ-Koe-Iyipiti 6:4

N bara nta sarama-kan kiri anu ye ko n si Kenan nyamanɛ di anu ma anu benbanu bi sundanyɛ la nyamanɛ min tɔ nun.

Bɔ-Koe-Iyipiti 6:7

N si Isirɛla mɔgɛ wonu ma nta mɔgɛnu na. Nde si ma anuta Alla la. N ba anu nabɔ yɔɔnyɛ rɔ Iyipiti kɛnu kɔrɔ tumɛ min, anu si n lɔn anuta Mari Alla la.

Isikiyɛli 28:25

N Tigi Mari ya a fɔ ko, “N bara Isirɛla mɔgɛ minnu tanyɛnsɛn sibolo-gbɛrɛnu tɛma, n si wonu kundɛn Isirɛla nyamanɛ rɔ tun. Wo si a ma, sibole bɛɛ ni a lɔn ko n sɛnima. Isirɛla mɔgɛnu si sigi anu halala-dugi rɔ tun n ya min di nta wɔli-kɛla Yakoba ma, kɔni.

Emɔsi 7:7

Wo kɔma, Mari ya ko-rayirɛ do kɛ n ye tun. N ya Mari yen dandan dafɛ, yili ye a bolo a ya dandan natelen min na.

Matiyu 22:32

Iburayimata Alla le ale la anubɛ Isiyakata Alla anubɛ Yakobata Alla. Wo kɔrɛ le ko mɔgɔ-nimɛnuta Alla le ale la, furinuta ma.”

Kɛwɔlɛnu 7:5

Alla ma dugu-wo-dugu di Iburayima ma nyamanɛ kɛ rɔ, hali a sɔnɛ kan tinɛ min tɔ kɔnɔ Alla ya a yili-madiya ko nyɔ si ma anubɛ a bɔnsɔntɛ la a kɔma, ado Alla ye lanyiri kɛ kirila Iburayima ye tumɛ min, den-wo-den sa a bolo nun.

Tɔn-Fɔɛ-Fila-Nyɔgɛ 1:8

A ko, ‘Nde, Mari ara nyamanɛ wo mumɛ di wo ma. N ya lanyiri kiri Iburayima fɔlɔn ye nun anubɛ ala dan Isiyaka anubɛ Isiyakata dan Yakoba ye ha ka ta a sigi anu kegeyɛnu na. Wo ta nyamanɛ wo mumɛ bi ka wo sigi nyɔ.’ ”

Tɔn-Fɔɛ-Fila-Nyɔgɛ 34:4

Mari ya a fɔ Musa ye nyɔ ko, “N ya nyamanɛ kɛ le lanyiri kiri Iburayima, Isiyaka anubɛ Yakoba ye ko n si a di anu kegeyɛnu ma. N bara sɔn ko ile ni nyamanɛ kɛ yen kɔnɔ nde, Mari ma nyɔ-ta-fɛrɛ di ile Musa ma.”

Tɔn-Fɔɛ-Fila-Nyɔgɛ 9:5

Iko n ya a fɔ nya min, Mari ye nala nyamanɛ kɛ dila wo ma. A ma wo ma bawo wo mɔgɔ-nyimɛ le wo la, ado wo telenta. Wo ma de! Kɔnɔ a ya wo ma bawo Kenan mɔgɛnu wunduyogo, ado fanan, Mari Alla ya ata lanyiri min kiri wo benba Iburayima, Isiyaka anubɛ Yakoba ye, a ye wo kanbali-koe rɔ.

Hiburunu 11:16

Nyamani-nyima-nyimɛ-sɔgɛ ye anu na nun, Arinyɛnɛ, kɔni. Anu bi Alla kelela ko, “Mata Alla.” Alla miliyani ma kumɛ wola ko la, ado a ara soe rabɛn anu ye.