Ko-Dabirɛnu 27:29 - ALLALA KUMƐ

²⁹ Alamɛ bɔnsɔn siyaman wɔlita i ye. Mɔgɛnu ni anu famayigi i kɔrɔ. Alamɛ i mara kun-tigi la i na-kelen-nyɔgɛnu kuma. Anu ni anu famayigi i kɔrɔ. Ni min ya i danka, wo si dankɛ sɔrɔn. Ni min duwara i ye, wo si duwɛ sɔrɔn.”

Ko-Dabirɛnu 27:29 ပူးပေါင်းရင်းမြစ်များ

Ko-Dabirɛnu 12:3

Min ba duwa i ye, nta duwɛ si to wo kuma. Min ba i danka, n si wo danka. Duninya-mɔgɛ bɛɛ si duwɛ sɔrɔn ile fɛ.”

Ko-Dabirɛnu 25:33

Yakoba ko, “I keli n ye fɔlɔn ni i si ita sɔ tinɛ di n ma.” Woletɔ Isɔ ya a keli a ye. A ya a bolo bɔ ata sɔ tinɛ rɔ ka a mayira a dɔgɛ Yakoba ma.

Ko-Dabirɛnu 27:30

Isiyaka banta duwala Yakoba ye tumɛ min, Yakoba bɔra a fa kuma. A ma mɛ, a kɔrɔ Isɔ nara ka bɔ donsoya-firɛ rɔ.

Ko-Dabirɛnu 27:37

A fa ya a fɔ a ye ko, “N bara ban a mala kun-tigi la ile kuma. N bara a na-kelen-nyɔgɛnu ma wɔli-kɛlɛnu na ale kɔrɔ. N bara duwa ala fui-fan anubɛ ala nɔnbɔ-gbɔɛnu ye. Nna den, fenfen sa n bolo tun n si min di i ma.”

Ko-Dabirɛnu 27:40

Ni i ma kɛlɛ kɛ, i ti fen sɔrɔn kɔnɔ hali wo, fɔ i wa wɔli i dɔgɛ kɔrɔ. Kɔnɔ a wa a lagbɛlɛya i kuma tumɛ min, i si bɔ ata sɛnbɛ kɔrɔ.”

Ko-Dabirɛnu 37:10

A ya kiyo wo rakaran a fa anubɛ a na-kelen-nyɔgɛnu ye. A fa ya a makuma ka a fɔ a ye ko, “Ila kiyo kɛ kɔrɛ ye kama? Ile mirinɛ ko nde wo, i na wo, anubɛ i na-kelen-nyɔgɛnu si na ka ma nyɛnkin i kɔrɔ, wa?”

Ko-Dabirɛnu 9:27

“Alamɛ Yefɛti bɔnsɔn siyayara. Alamɛ Sɛma bɔnsɔn anubɛ Yefɛti bɔnsɔn sigira kan-tina-kelen, kɔnɔ Kenan bɔnsɔn si ma yɔɔnnu na Yefɛti bɔnsɔn fanan kɔrɔ.”

1 Mansɛnu 22:47

Kɔnɔ kɛ wati ya a taran, mansa sa Idɔm nyamanɛ kun na nun. Wo le ya a ma, Yuda mansɛ ya mɔgɛ do sigi anu kun na.

1 Mansɛnu 4:21

Wo wati rɔ, Mansa Silamɛni ya mansayɛ kɛ nyamanɛ wo bɛɛ kun na ka bɔ Yufereti bɛ ma ha ka ta a sigi Filisitinuna nyamanɛ la. Ala nyamanɛ wo le tara furr, ha ka ta ke Iyipiti nyamanɛ ma. Nyamanita-mɔgɛ wo damasi wɔlita Mansa Silamɛni ye ka duti di a ma. Anu tora wɔlila a ye a siyi-tele-bɛɛ kɔrɔ.

1 Ko-Kɔrɔta-Karan 5:2

Sɛnbɛ taranta Yuda bɔnsɔn-mɔgɛnu na, ado kun-tigi bɔra anu tɔ kɔnɔ hali wo, Yusufula dannu ya den-kei-sarɛta sɔ tinɛ wo sɔrɔn.)

Yaburi 72:8

Ala mansayɛ si a bi kɔgɔ-yi-tonke doi ma ha ka ta ke kɔgɔ-yi-tonke doi la. A si a bi Yufereti bɛ ma ha ka ta ke duninya-dan ma.

Aiseya 45:14

Mari ye a fɔla Isirɛla ye ko, “Iyipiti anubɛ Itiyopiya fen-kolomɛnu si ma wole Isirɛla halalɛ la. Sabiya kemini-ferengben-bɛnu si ma wola yɔɔnnu na. Anu kirinɛ si bila wo fɛ yɔlɔkɛ la. Anu si anu du wo ye ka a fɔ anu dɛ la ko, ‘Alla ye wo fɛ. Ale le kelen pe ye Alla la.’ ”

Aiseya 49:23

A ko mansɛnu si ma iko i fanu. Mansɛnuna musinu si ma iko i nanu. Anu si anu maburun i kɔrɔ ka i gbiliya. Anu si ila sanbarɛ bɔ i kian rɔ i gbiliya tinɛ. A ko kɛnu ba ma tumɛ min, i ni na to Mari lɔnna ita Mari la. Mɔgɔ-wo-mɔgɔ wa ala dɛnbɛnɛ Mari makɔni, wo tigi ti baya.

Aiseya 49:7

Isirɛlata wɔli-kɛlɛ wo gboyara mɔgɛnu ye. A bɔrɔbɔnɛ sibolenu ye, ado a mara mansɛnuna yɔɔn la fanan. Wo kunkalɛ, Isirɛlata Alla-sɛnimɛ, wo ya a fɔ mɔgɛ wo ye ko, mansɛnu ba a yen anu ni anu nakɔɛnma a gbiliya tinɛ. Kun-tiginu fanan si mɔgɔ kelan wo yen ka anu madu a kɔrɔ ka anu famayigi. Kɛ bɛɛ si ma bawo Mari ara ban ata wɔli-kɛlɛ yabɔla. Isirɛlata Alla-sɛnimɛ ti a kan tinya.

Aiseya 60:12

A ko ni sibole min ma wɔli i ye, wonu si kasara pɔ!

Aiseya 60:14

Mɔgɛ minnu bara i matanban nun, wonu si anu maburun i kɔrɔ. I sɔgɛ labɔnɛ minnu na, wonu si na anu sa i kin kɔrɔ. Wonu si i kele ko, “Marita So-Karantan.” Wonu si i kele fanan ko, “Isirɛlata Alla-sɛnimɛ warɛ,” Yerusalɛm, kɔni.

Aiseya 9:7

Ata mansaya-dan sa. Yisi-kimɛ le ye ata mansayɛ rɔ burubukai! A si mansayɛ kɛ a kebila Mansa Dawuda gbɛ rɔ. Ka a bi wo wati ma ha tumɛ min di Alla ye, ata mansaya-sɛnbɛ le tɔn-birɛ anubɛ telenbagayɛ la. Mari Sɛnbɛ-Bɛɛ-Tigi ara a wakila wo kɛ-koe ma.

Yilan-Yilan Koe 23:8

Kɔnɔ nde si mɔgɛ kɛnu danka kama Alla ma minnu danka? Nde si kuma-yogomɛ fɔ mɔgɛ kɛnu ma kama, ni Alla ma min fɔ anu denu ma?

Yilan-Yilan Koe 24:18

A yoge minnu bi Idɔm nyamanɛ rɔ, a si wonu kasara. A si nyamanɛ wonu ma a nyɛrɛtɛ la. Kɔnɔ hali wo, Isirɛla mɔgɛnu si to fanka sɔrɔnna dɛɛ!

Yilan-Yilan Koe 24:9

Isirɛla mɔgɛnu manɛ iko yara-feremɛnu. A tenbi kinɔgɔla, mɔgɔ-wo-mɔgɔ ti kerinteya a lakundenna. Ni min duwara Isirɛla mɔgɛnu ye, wo tigi si duwɛ sɔrɔn. Ni min ya anu danka, wo tigi si dankɛ sɔrɔn.”

Matiyu 25:40

“Nde, mansɛ si anu yabi ko, ‘Wo ni wo hɛnkili to kɛ ko! Min dɔgɔ nta mɔgɛnu tɛma, wo ya wo ma wo mɔgɔ kelen na, wo ya a ma nde le la wo la!’

Matiyu 25:45

“Nde, mansɛ si anu yabi ko, ‘Wo ni wo hɛnkili to kɛ ko! Min dɔgɔ nta mɔgɛnu tɛma, wo ma wo ma wo la min kɛ, wo ma a ma nde le la wo la!’

Lankɛnimayɛ 19:16

Tɔgɛ kɛ sɛbɛnɛ ala duruku-yan anubɛ a wore ma ko, “Mansɛnuna Mansɛ anubɛ marinuna Mari.”