Ko-Dabirɛnu 27:28 - ALLALA KUMƐ

²⁸ “I wa ila sɛnɛ sa kan-bo-kan, alamɛ duri tora yigila a kuma ka a sabati. Alamɛ Alla ya ila fui-fannu anubɛ ila nɔnbɔ-gbɔɛnu nasabati.

Ko-Dabirɛnu 27:28 ပူးပေါင်းရင်းမြစ်များ

Ko-Dabirɛnu 27:37

A fa ya a fɔ a ye ko, “N bara ban a mala kun-tigi la ile kuma. N bara a na-kelen-nyɔgɛnu ma wɔli-kɛlɛnu na ale kɔrɔ. N bara duwa ala fui-fan anubɛ ala nɔnbɔ-gbɔɛnu ye. Nna den, fenfen sa n bolo tun n si min di i ma.”

Ko-Dabirɛnu 27:39

A fa ya a fɔ a ye ko, “I ti dugu-hakikɛ sɔrɔn i si i sigi kan min. Duri-wo duri ti yigi ila sɛnɛnu tɔ min si anu sabati.

Ko-Dabirɛnu 45:18

ka ta wo fa-kɛmɔgɔ-bi-tinɛ Kenan nyamanɛ rɔ. Anu ni na anuna denbayɛnu na yan tɔ. N si dugu-hakikɛ di anu ma yan anu si anu sigi kan min. N si a ma, anu ni dɔn-fen siyaman sɔrɔn.

Ko-Dabirɛnu 49:20

“Ile Asɛra, dɔn-fannu ti dasa i bɔnsɔnla nyamanɛ rɔ. Mansɛnuta dɔn-fannu si bɔ ile bɔnsɔn bolo.

Ko-Dabirɛnu 49:25

Anu si anu sɔ gben, bawo ndeta Alla le wo la min bi anu dɛnbɛna. Alla Sɛnbɛ-Bɛɛ-Tigi le wo la min bi ata duwɛ tola wo kuma ka bandɛ lana wo kuma ka yi labɔ dugi kɔrɔ wo ye. A si a ma, i bɔnsɔnnu ni yiri. Ila kolo-fannu fanan ni sabati.

2 Samuwɛli 1:21

“Alamɛ duri anubɛ bandɛ kana yigi Kilabowa kɔnkɛ kuma. Alamɛ bin kana fɛrɛn nyɔ tun bawo kerintenuna nɛgɛ-walannu sanɛ nyɔ rɔ miliyɛ rɔ. Mansa Sɔlila nɛgɛ-walan ma ti mun tun tuli la min si a lamalan-malan.

1 Mansɛnu 17:1

Nɛbi do bɔra Tisiba soe burɔ Kaliyadi nyamanɛ rɔ. A tɔgɛ le Ilaya. Nɛbi wo tara a fɔ Mansa Ehabu ye ko, “N bi Isirɛlata Mari Alla-nimɛ min batola, n bara n keli wo tɔgɔ rɔ ko duri ti yigi, bandɛ ti na san-dande kɛ kɔrɔ Isirɛla nyamanɛ kɛ rɔ yan fɔ nde, Ilaya wa a fɔ ko bandɛ ni na.”

1 Mansɛnu 5:11

Mansa Silamɛni fanan ya dɔn-fan di Hairam ma. A ya fui-fan bɔrɔ waga bi-loli (50,000) di anu ma. A ya tulu-durɔmu waga fila, durɔmu kɛmɛ sawa (2,300) di anu ma. San-bo-san, a tora dɔn-fan kɛ nyɔgɔn dila a ma.

2 Ko-Kɔrɔta-Karan 2:10

N si anuna kɔndɔn labɔ. N si fui-fan-subolo fila di ila kɔn-tɛgɛlɛnu ma. N si a subolo kelan bɔrɔ waga bi-loli ani bɔrɔ kɛmɛ fila (50,200) di anu ma. N si wo nyɔgɔn yirika di anu ma a su doi fanan tɔ. N si nɔnbɔ-gbɔ-yi durɔmu waga fila ani durɔmu kɛmɛ sawa (2,300) di anu ma ka Ɔlifi-tuli durɔmu waga fila ani durɔmu kɛmɛ sawa (2,300) di anu ma fanan.”

Yaburi 104:15

Ado nfan, anu si ke gbɛɛ sɔrɔnna min si a ma, anu ni sewa. I si ɔlifi-tuli fanan di anu ma alako anu ni anu yakɔrɛ mamun. I ye dɔn-fan dila anu ma alako anu ni to sɛnbɛ sɔrɔnna.

Yaburi 133:3

Kan kelan wo mani de iko duri tenbi yigila Hɛrɔman kɔnkɛ ma, ni wo ma, duri min bi yigila Yerusalɛm kɔnkɛ ma. Mari ara ma yili-madiya habadan-nimayɛ la nyɔ le.

Yaburi 36:8

Ma tenbi ladiyɛ rɔ i warɛ bɔn la, ma ti dɔn-fan ban ile bolo. Ita ko-nyimɛ mani de ma ye iko ba-belebele, ma si ma min kan min.

Hɛnkilimaya-Kumɛnu 19:12

Ni mansɛ diminyara i ma, wo mani de iko yarɛ tenbi bɔrɔndɔ-bɔrɔndɔla kɔnɔ ni a sewara i la, wo mani de i ye iko banda-kun-fɔlɛ.

Hɛnkilimaya-Kumɛnu 3:20

Ata hɛnkili-wɛ le ya a ma, bɛnu sara anu worɔn la. Wo le ye a mala fanan, san-kole ye bandɛ layigila dugi ma.

Aiseya 45:8

A ko a si nɔli-sɛnbɛ labɔ san ma ka a layigi iko gbɔrɔndɛ. Dugi fanan si a dɛ laka ka a lakunu. A si gbusu-dugi ma hɔrɔyɛ anubɛ telenbagayɛ la. Ale Mari ko a si a ma, kɛ dama ni ma.

Yɛrɛmaya 14:22

Sibolo-gbɛrɛnuta bɛsɛnu si ke bandɛ lanala le, wa? San-kole si ke bandɛ lanala a nyɛrɛ ma, wa? Ade fɔ ile mata Mari Alla kelan min si wo ma. Ma yili-madiyanɛ ile kelen pe le ma. Ile le kelen pe si ko sufa kɛnu ma.

Yowɛli 2:19

Wo kɔma, Mari si a fɔ wo ye ko a si dɔn-fan anubɛ minni-fan anubɛ tuli di wo ma min si na wo wasa. Wo si a ma, sibolo-gbɛrɛ doinu ti wo ma yɛlɛnma-fan la tun.

Maika 5:7

Isirɛla mɔgɛ toe minnu bi tola, wonu si bui ma yogenu ma tiriya iko bandɛ si bui dugi ma nya min bawo wo tungu sigini ma mɔgɛ la fɔ Mari.

Sakaraya 8:12

A ko wo si wola fui-fannu fui wo fanbolo. A ko wola ki-fannu si nanfa kubukubu! Wola dugi si nɔrɔn ki-fannu kɔrɔ, ado bandɛ si na! A ko a si duwɛ kɛnu di wole, ata mɔgɛnu ma minnu tonɛ gbɛ!

Sakaraya 9:17

Nyamanɛ wo si kinya ka diya dɔgɔma-ma-de! Wola dɔn-fannu anubɛ wola minni-fannu si wola fonikenu tagbɛlɛya.

Yilan-Yilan Koe 13:20

Wo ni dugu-kole mafɛlɛn ni dɔn-fan si ma-a-la a rɔ, ka, ni a ti ma-a-la. Wo ni a mafɛlɛn ni kɔlɔma siyaman bi nyɔ, ka, ni kɔlɔma siyaman sa nyɔ. Wo ni na nyamanɛ wo dɔn-fen siyaman na wo bolo.” (Anu tara nyɔ karɛ min na, anu bɛnta nɔnbɔ-gbɔɛ wo mɔ-wati le ma.)

Yilan-Yilan Koe 18:12

“Isirɛla mɔgɛnu ba na dɔntɛ kɔ-fan kun-fɔlɛ min na nde ye, wo si ma woletɛ la san-bo-san, a mara ɔlifi-tuli la wo, a mara nɔnbɔ-gbɔ-yi la wo, a mara nyɔɛ la wo. Minnu sɛninyanɛ iko tɔn ya a fɔ nya min, wonu denu dɔrɔn si a dɔn.”

Romu 11:17

Tumado, ni wola ki-fen-bolɔn donu kerita a la, wo ni firarɔ-kɔn-bolɔn do tugun a la. Wole sibolo-gbɛrɛnu si ma iko fira-kɔn-bolɔn wo. Nba kaka, wobɛ Yahudiyanu bi sɛnbɛ anubɛ niyi sɔrɔnna wo nyɔgɔn fɛ kɔn kelan wo le tɔ.

Tɔn-Fɔɛ-Fila-Nyɔgɛ 32:2

Nta karan si bui iko banda-yi. A si sigi mɔgɔ yisi rɔ iko kunbi si sigi binyɛ la nya min. Nta kumɛ si na iko banda-tɔnɔnamɛ. Nta kumɛ manɛ le iko bandɛ min si ki-fan-yi sa a rɔ.

Tɔn-Fɔɛ-Fila-Nyɔgɛ 33:13

Musa duwara Yusufula den-kemini filɛ wonu bɔnsɔn-mɔgɛnu ye ko, “Alamɛ Mari ya banda-siyaman nana wola dugi rɔ biribiri! Alamɛ Mari ya a ma, wola kɔlɔnnu anubɛ wola tenkenu kana gbala mumɛ!

Tɔn-Fɔɛ-Fila-Nyɔgɛ 33:28

Wole Yakoba kegeyɛnu, wo si to yisi-kimɛ rɔ. Wo sigi-bole ra si bɛn wo ma lanyiri-nyamanɛ wo rɔ. Fenfen ti ban wo bolo. Wo si dɔn-fen siyaman sɔrɔn. Duri si to yigila wola ki-fannu kuma tuma-wo-tuma.

Tɔn-Fɔɛ-Fila-Nyɔgɛ 7:13

A si wo keni ka ata duwɛ layigi wo kuma. Wo ni siyaya ka yiri boi! A si ata duwɛ layigi wola nyamanɛ rɔ, wo ni ki-fen-siyaman sɔrɔn. Alla si ata duwɛ layigi wo kuma, wola kolo-fannu si sabati. A si duwɛ kɛnu di wo ma lanyiri-nyamanɛ wo rɔ.

Hiburunu 11:20

Dɛnkɛninyɛ le fɛ, Isiyaka duwara Yakoba anubɛ Isɔ ye ka a bɛn duwɛ ma min bi nala yarɔ.