Ko-Dabirɛnu 27:27 - ALLALA KUMƐ

²⁷ Yakoba ya a madon a fa la ka a sunbu. A na ya a kɔrɔla duruki min don a kan na, a fa ya wo sumɛ lamɔɛn ka a fɔ a ye ko, “Nna dan sumɛ manɛ iko Mari wa mɔgɔ-harayɛgɛ fulen donsoya-firɛ rɔ.” A fa duwara ale Yakoba ye ko,

Ko-Dabirɛnu 27:27 ပူးပေါင်းရင်းမြစ်များ

Ko-Dabirɛnu 26:12

San wo la, Isiyaka ya sɛnɛ sa nyɔ. A ya sugi min nyɔgɔn fui, Marita duwɛ yigira a kuma. A ya wo nyɔgɔn kɛmɛ sɔrɔn.

Ko-Dabirɛnu 27:15

Rebɛka ya Isɔta duruku-hakikɛ bi a kɔma kilɛ la ka wo bila Yakoba kan na.

Ko-Dabirɛnu 27:26

A fa Isiyaka ya a fɔ a ye ko, “Nna den, i madon n na ka n sunbu.”

Ko-Dabirɛnu 27:39

A fa ya a fɔ a ye ko, “I ti dugu-hakikɛ sɔrɔn i si i sigi kan min. Duri-wo duri ti yigi ila sɛnɛnu tɔ min si anu sabati.

Ko-Dabirɛnu 48:15

Yakoba duwara Yusufula dannu ye ko, “Alamɛ n fa Isiyaka anubɛ n benba Iburayimata Alla ni ata duwɛ layigi den-kei filɛ kɛnu kuma. Ka a bi n dennɛ ma ha ka a sigi kaka la, Alla min ya n kandan ka n tanka masibɛnu ma, alamɛ wota duwɛ tora anu kuma.

Yaburi 65:10

I ye bandɛ lanala mala sɛni-wɔrɔnɛnu tɔ alako anu yi ni kɛ. I ye dugi lamola banda-yi la alako ki-fannu ni fɛrɛn.

Keninteya-Siginu 2:13

Toro-kurinu bara fɔlɔla gbɔla. Kɔn-fere-sumɛ ara tii nyamanɛ kun na pu! Woletɔ n kɔntɔ-mɔgɛ, ma ta. Ile min kin, ma ni ta ma nyɔgɔn fɛ.

Tɔn-Fɔɛ-Fila-Nyɔgɛ 33:13

Musa duwara Yusufula den-kemini filɛ wonu bɔnsɔn-mɔgɛnu ye ko, “Alamɛ Mari ya banda-siyaman nana wola dugi rɔ biribiri! Alamɛ Mari ya a ma, wola kɔlɔnnu anubɛ wola tenkenu kana gbala mumɛ!

Hiburunu 11:20

Dɛnkɛninyɛ le fɛ, Isiyaka duwara Yakoba anubɛ Isɔ ye ka a bɛn duwɛ ma min bi nala yarɔ.

Hiburunu 6:7

Mɔgɛ donu mani de iko dugi min bi bandɛ sɔrɔnna duk! Ki-fannu si sabati a tiginu ye, ado Alla ye ata duwɛ layigila dugi wo ma.