Ko-Dabirɛnu 27:19 - ALLALA KUMƐ

¹⁹ Yakoba ya a fɔ a fa ye ko, “Isɔ le nde la, ila den-kei-sarɛ, kɔni. I ya a fɔ n ye nya min, n bara a ma wo nya na le. N fa, i lakɔɛnma. I ni i mayigi ka kɛkɛ do dɔn alako i ni duwa n ye.”

Ko-Dabirɛnu 27:19 ပူးပေါင်းရင်းမြစ်များ

Ko-Dabirɛnu 25:28

Kɔnɔ Isɔ diyara a fa Isiyaka ye bawo firarɔ-soge di a ye. Yakoba wo diyara a na ye le kati!

Ko-Dabirɛnu 27:18

Woletɔ Yakoba tara wonu na a fa wara. A donta a fa kuma bɔn la, a ko, “N fa.” A fa ya a labira. A fa ko, “Nna dan yon bi kɛ la?”

Ko-Dabirɛnu 27:21

“Nna den, i gbɛrɛn n ma. N ni n bole tugu i la. N ni i lakɔrɔsi ni nna dan Isɔ le ile la wa fɔsɔkɔrɛ, wo ma ile la.”

Ko-Dabirɛnu 27:31

Ale fanan ya kɛkɛ te a kin na ka ta a la a fa ye. A ya a fɔ a fa ye ko, “N fa, i lakɔɛnma. I ni i mayigi. N bara na ka bɔ firɛ rɔ. I ni kɛkɛ do dɔn ka duwa n ye.”

Ko-Dabirɛnu 27:35

A fa ko, “I dɔgɛ ara na n yanfa. A ara ta ila duwɛ la a bolo pon!”

Ko-Dabirɛnu 27:45

a la ni nyina. A la wa nyina tumɛ min, n si i kele wo rɔ. I ni na alako n kana foo wo mɔgɔ filɛ la tele kelen kɔrɔ.”

1 Mansɛnu 13:18

Nɛbi-kɛmɔgɛ wo ya a fɔ a ye ko, “Nɛbi le nde fanan na iko ile. Marita melika ya kɛ le fɔ n ye ko fɔ n ni na i bi kilɛ la. Ma ni ta fen-dɔn-kɛ ma nyɔgɔn fɛ ka ma min.” Kɔnɔ Nɛbi-kɛmɔgɛ wo ya foninyɛ le fɔ wo la.

1 Mansɛnu 14:2

Mansa Yɛrabowami ya a fɔ ala musi ye ko, “I mayɛlɛma alako mɔgɔ ti i lɔn. I ni ta Nɛbi Ahaya wara Sailo soe burɔ min ya a fɔ n ye nun ko n si ma Isirɛla mansɛ la.

Aiseya 28:15

Wo ko wobɛ sayɛ ara sarama-kan kiri, ko wobɛ lakira ara sarama-kan kiri. Wole miri ko kasarɛ wa na wo kunyɛ si bɔ a rɔ. Wo lanɛ foninyɛ anubɛ yanfanteyɛ le la ko wonu si anu kankan wole ya ma.