Ko-Dabirɛnu 26:28 - ALLALA KUMƐ

²⁸ Anu ya a fɔ ko, “Ma ara a lɔn serr, ko Mari ye i fɛ. Woletɔ ma ni lanyiri kiri ma nyɔgɔn tɛma ko

Ko-Dabirɛnu 26:28 ပူးပေါင်းရင်းမြစ်များ

Ko-Dabirɛnu 24:3

ka i keli n ye Mari Alla yala min ya san-kole anubɛ dugu-kole dan, ni i si na Kenan dunmusi do nyini nna dan ye ma siginɛ minnu tɛma yan kaka.

Ko-Dabirɛnu 24:41

N tigi ko n ba ke a bɔnsɔn ma tumɛ min, ni anu ma musi di n ma, n ya lanyiri min kiri a ye, n si bɔ wo kɔrɔ.

Ko-Dabirɛnu 31:44

woletɔ ma ni lanyiri kiri ma mɔgɔ filɛ tɛma. Ma ni kuri ladɛn anu nyɔgɔn kuma yan. Kuru-ladɛnnɛ wo si ma sereyɛ la mabɛ ile tɛma.”

Ko-Dabirɛnu 39:3

A tigi wo ya a yen ko Mari ye Yusufu fɛ koe bɛɛ rɔ bawo Yusufu wa a bole don fenfen tɔ, Mari si wo lasabati.

Ko-Dabirɛnu 39:5

Pɔtifa banta Yusufu mala kun-tigi la ala wɔli-kɛlɛ anubɛ a bolo-fannu kun na tumɛ min, Marita duwɛ tora Pɔtifa kuma ka a bolo-fan bɛɛsi lasabati Yusufula ko la. Pɔtifa bolo ma taran fenfen na, fɔ a ye min dɔnna dɔrɔn! Yusufu so-gban anubɛ a yakɔrɛ kin.

2 Ko-Kɔrɔta-Karan 1:1

Mansa Dawudala den Mansa Silamɛni kunta ala nyamanita-mɔgɛnu ma, ado ata Mari Allata duwɛ tora a fɛ ka ata sɛnbɛ makofu.

2 Ko-Kɔrɔta-Karan 15:9

Mɔgɔ-siyaman bɔra Ifɛrɛm bɔnsɔn-nyamanɛ anubɛ Manasa bɔnsɔn-nyamanɛ anubɛ Simiyɔn bɔnsɔn-nyamanɛ rɔ ka ta anu sigi Mansa Esa wara nyamanɛ rɔ bawo anu bara a yen ko Mari ye a fɛ. Mansa Esa ya mɔgɛ kɛnu kundɛn anubɛ Bɛnyamɛ anubɛ Yuda bɔnsɔn nyamanita-mɔgɛnu.

Aiseya 45:14

Mari ye a fɔla Isirɛla ye ko, “Iyipiti anubɛ Itiyopiya fen-kolomɛnu si ma wole Isirɛla halalɛ la. Sabiya kemini-ferengben-bɛnu si ma wola yɔɔnnu na. Anu kirinɛ si bila wo fɛ yɔlɔkɛ la. Anu si anu du wo ye ka a fɔ anu dɛ la ko, ‘Alla ye wo fɛ. Ale le kelen pe ye Alla la.’ ”

Aiseya 60:14

Mɔgɛ minnu bara i matanban nun, wonu si anu maburun i kɔrɔ. I sɔgɛ labɔnɛ minnu na, wonu si na anu sa i kin kɔrɔ. Wonu si i kele ko, “Marita So-Karantan.” Wonu si i kele fanan ko, “Isirɛlata Alla-sɛnimɛ warɛ,” Yerusalɛm, kɔni.

Aiseya 61:6

Anu si wo kele ko Marita saraka-masɔlɛnu. Mɔgɛnu si wo lɔn Allata wɔli-kɛlɛnu na. Duninya-sibole bɛɛ si na fen-kolomɛnu na wo ye. Wo si a ma, wo wasa ma ni ka.

Aiseya 61:9

A ko wola dannu si ma mɔgɔ-malɔnnɛ la duninya bɛɛ rɔ. Wo mamanɛnu fanan ma si lɔn kan tinɛ bɛɛ rɔ. Mɔgɔ-wo-mɔgɔ ya anu yen, wo si a lɔn yati, ko Allata duwɛ ye anu fɛ.

Romu 8:31

Ma si nfen fɔ kɛ bɛɛla ko la? Ni Alla ye ma fɛ, yon si ma kɛlɛ?

1 Kɔrɛnti 14:25

A si a sɔ ala ko-dogonnɛnu na. Wo kɔma, a si a nyɛnkin ka Alla bato ka a sɔ a la ko, “Tonyɛ le, Alla ye wo tɛma yan!”

Hiburunu 13:5

Wo ni wo matanka wodi-keni-koe ma. Min bi wo bolo, wo ni wo wasa bawo Alla ara a fɔ ko a ti ma to ka ma boloka ni!

Hiburunu 6:16

Kɔnɔ hadama-dan tenbi a kelila tumɛ min, a si a keli mɔgɛ do rɔ min kolo ale ko. Kelili wo si a ma, sɔsɔlɛ bɛɛ ni ban anubɛ mɔgɛnu tɛma worɔ.

Yasowa 3:7

Mari ya a fɔ Yasowa ye ko, “N si koe min ma bi, wo si a ma, Isirɛla mɔgɛnu ni i gbiliya tun nta kabana-koe fɛ. Anu si a lɔn ko n bi ile fɛ iko n taranta Musa fɛ nya min.

1 Samuwɛli 11:1

Wo kɔma, Amon Mansa Nehasi tara ala kɛlɛ-dannu na Isirɛla mɔgɛnu kan ma minnu bi Yebɛsi soe burɔ Kaliyadi sigisɔn rɔ. Yebɛsi so-burɔ-mɔgɛnu ya a fɔ Mansa Nehasi ye ko, “Ma ni to kan kelen tɔ. Ile ni ma mata mansɛ la alako i kana na ma kɛlɛ.”

1 Samuwɛli 18:28

Wo ya a ma, Mansa Sɔli ya a lɔn yati, ko Mari ye Dawuda fɛ, ado a di ala dunmusi ye.