Ko-Dabirɛnu 26:18 - ALLALA KUMƐ

¹⁸ A fa Iburayima ya kɔlɔn sin nyɔ nun kɔnɔ a faganɛ, Filisitinu ya kɔlɔn wonu gberen. Isiyaka nara sigi nyɔ tumɛ min, a ya wonu tabɔ tun. A ya anu tɔgɛ sa iko a fa ya anu tɔgɛ sa nya min nun.

Ko-Dabirɛnu 26:18 ပူးပေါင်းရင်းမြစ်များ

Ko-Dabirɛnu 21:25

Iburayima ya mansɛ wola wɔli-kɛlɛnu yasere-masa a la bawo anu bara ala kɔlɔn bi a bolo.

Ko-Dabirɛnu 21:30

Iburayima ya a fɔ a ye ko, “Nba, sagɛ kɛnu bira n bolo. Anu ni ma sereyɛ la mabɛ nyamanɛta mɔgɛnu tɛma ko nde le ya kɔlɔn kɛ sin, ado n halalɛ le.”

Ko-Dabirɛnu 21:31

Woletɔ kan tinɛ wo tɔgɛ sara ko Biri-Siba kamasɔrɔn anu mɔgɔ filɛ bɛɛsi ya anu keli Alla yala nyɔ.

Ko-Dabirɛnu 26:17

Wo le ya a ma, Isiyaka bɔra Kirari soe burɔ ka ta a daga makɛ lɛɛ rɔ min bi soe wo dafɛ.

Ko-Dabirɛnu 26:19

Isiyakata wɔli-kɛlɛnu ya kɔlɔn do sin Kirari lɛɛ rɔ tumɛ min, anu ya yi-hakikɛ taran nyɔ.

2 Ko-Kɔrɔta-Karan 26:10

Wo kɔma, a ya nyamanɛ-kumafɛlɛn-bɛndɛ-layan-bɛ donu sɔ wulɛ rɔ. A ya kɔlon-siyaman sin kɔnkɛ kɔrɔ anubɛ lɛɛnu tɔ bawo kolo-fen-siyaman bi a bolo nyɔ rɔ. Sɛni-sɛ di a ye min kɛ, a ya mɔgɔ-siyaman lata ala sɛnɛnu tɔ minnu si sɛnɛnu wɔrɔ ka ki-fannu ki a ye.

Yaburi 16:4

Kɔnɔ min si anu ya-lamunun bɛsɛ la, wonu si nanparan lana anu nyɛrɛ kuma. Nde ti kofu mɔgɔ-sufa wonu ma anuna saraka-bɔ-tinɛ hali ka kofu anu ma anuna bɛsi-kɔ-tinɛ.

Hoseya 2:17

N si a ma, ala bɛsi Beyali wara-koe la ni nyina a la.

Sakaraya 13:2

Wo wati rɔ, bɛsɛnu tɔgɛ si tunu nyamanɛ wo rɔ yen! Mɔgɔ-wo-mɔgɔ ti a miri anu ma tun! A ko a si foninya-nɛbinu wara-koe ka-a-la nyamanɛ wo rɔ. Hali bɛsi-kɔ-miriya si bɔ mɔgɛnu burɔ.