Ko-Dabirɛnu 26:1 - ALLALA KUMƐ

¹ Iko kɔnkɔ-fitinɛ nara nyamanɛ wo rɔ Iburayimata wati rɔ nya min, kɔnkɔ-fitinɛ nara wo nya na le Isiyaka fananta wati rɔ. Isiyaka tara Filisitinuna Mansa Abimɛlɛki warɛ min siginɛ Kirari soe burɔ.

Ko-Dabirɛnu 26:1 ပူးပေါင်းရင်းမြစ်များ

Ko-Dabirɛnu 12:10

A ma mɛ kɔnkɔ-fitinɛ burunta Kenan nyamanɛ wo kuma bɛff! Wo le ya a to, Burama wulita ka ta Iyipiti nyamanɛ rɔ alako a ni wati-kundu-ni kɛ nyɔ.

Ko-Dabirɛnu 25:11

Iburayima fagara tumɛ min, Alla tora ata duwɛ layigila ala dan Isiyaka kuma. Isiyaka sigira kɔlɔn wo dafɛ Hega ya min kele nun ko, “Alla Min Kolonkɛ Ye N Na, Wota Kɔlɔn.”

Ko-Dabirɛnu 25:34

Woletɔ Yakoba ya biredi anubɛ sɔsɔ-tenɛ wo di a kɔrɔ Isɔ ma. Isɔ ban wonu dɔnna, a tara a ye. Isɔ ya ala sɔ tinɛ bɔrɔbɔ wo nya na le.

Ko-Dabirɛnu 42:5

Mɔgɔ-siyaman bɔra nyamani-gbɛrɛnu tɔ ka ta dɔn-fen san tinɛ, ado Yakobala dannu taranta anu tɛma kamasɔrɔn kɔnkɔ-fitinɛ ye anu barɛ Kenan nyamanɛ rɔ.

Ko-Dabirɛnu 43:1

Kɔnkɔ-fitinɛ tora anu tɔrɔla Kenan nyamanɛ rɔ.

2 Samuwɛli 21:1

Mansa Dawudata wati rɔ, kɔnkɔ-fitinɛ donta nyamanɛ wo rɔ. San sawa dɛgɛdɛgɛ, kɔnkɛ ye nyɔ. Mansa Dawuda ya Mari manyinika wola ko la. Mari ya a fɔ a ye ko, “Wo mara bawo Mansa Sɔli anubɛ a kebila-mɔgɛnu bara Kibiyon mɔgɛ donu faga.”

Bɔ-Koe-Iyipiti 33:1

Mari ya a fɔ Musa ye ko, “I nara mɔgɛ minnu na ka bɔ Iyipiti nyamanɛ rɔ, anu bi. N ya wo benbanu yili-madiya lanyiri-nyamanɛ minna ko la, Iburayima anubɛ Isiyaka anubɛ Yakoba, kɔni, wo ni wo bɔ yan ka ta nyɔ rɔ.

Ruti 1:1

Yanni Isirɛla mɔgɛnu ni anuta nyamani-tigiya-koe dabira tumɛ min, kɔnkɔ-fitinɛ nara anuna nyamanɛ wo rɔ. Kei do ye Bɛtalehɛm soe burɔ Yuda bɔnsɔn-mɔgɛnuna nyamanɛ rɔ,