Ko-Dabirɛnu 25:21 - ALLALA KUMƐ

²¹ Isiyaka ya Mari madiya ala musi ye kamasɔrɔn gbandɛ le. Mari ya ala madiyali-kan yabi. Ala musi ya buyi bi fɛrannu na.

Ko-Dabirɛnu 25:21 ပူးပေါင်းရင်းမြစ်များ

Ko-Dabirɛnu 11:30

Kɔnɔ Sirayi, gbandɛ le nun. Den sa a bolo.

Ko-Dabirɛnu 16:2

Burama san tan nyɔgɛ ma Kenan nyamanɛ rɔ, Sirayi ya a fɔ a ye ko, “Nba, Mari ma den di n ma nkɛkuna, i yandi, i ni nna yɔɔn-musi kɛ latenbi i kɔma. Tumado yɔɔn-musi kɛ si ma nna bon-sɔlɛ la.” Burama ya Sirayi kuman-kan bira. Sirayi ya ala yɔɔn-musi Hega bi ka a latenbi ala kei ma.

Ko-Dabirɛnu 30:22

Alla ya a fonde lamiri Resɛli ma ka ala madiyali-kan lamɔɛn. Alla ya tɔn bɔ a la

1 Ko-Kɔrɔta-Karan 5:20

Anu ya anu yigi sa Alla rɔ ka a matara anu dɛnbɛn-koe la. Alla ya anuna matarali-kan wo lamɔɛn ka nɔlɛ di anu ma Hagaranu anubɛ wonu madɛnbɛnɛnu kuma.

2 Ko-Kɔrɔta-Karan 33:13

Alla ya ala matarali-kan wo lamɔɛn. A ya a ma, a sɛgira a warɛ Yerusalɛm ka ma mansɛ la tun. Wo ya a yira Mansa Manasa la ko Mari le Alla la.

Ɛsira 8:23

Woletɔ ma ara sunyɛ don ka Alla matara ma lakanan-koe la, ado a ya ma matarali-kan wo lamɔɛn.

Yaburi 127:3

Mari le si dannu di mɔgɛnu ma, ado duwa-bɛrɛbɛrɛ le wonu na.

Yaburi 145:19

Makolamɛ minnu bi a gbiliyala, a si wonu makoe nyinya. A si anu di-kɛ-kan lamɔɛn ka anu kisi.

Yaburi 50:15

Tɔrɔyɛ wa na wo ma, ni wo ya n kele, n si wo dɛnbɛ, ado wo si n gbiliya.”

Yaburi 65:2

bawo i ye mala madiyalɛnu namɔɛnna. Bɛɛ si na i wara

Yaburi 91:15

A ko anu ba a rakele, a si a labira. Anu tenbi yakɔrɔ-mamɔɛ rɔ, a ye anu fɛ. A ko a si anu nakisi ka a ma, anu ni gbiliyɛ sɔrɔn.

Hɛnkilimaya-Kumɛnu 10:24

Mɔgɔ-telennɛ nyinita fenfen ma, fɔ a wa wo sɔrɔn kɔnɔ mɔgɔ-karagbɛlɛ kilanta fenfen na, wo le ye a birala.

Aiseya 45:11

Isirɛlata Mari Alla-sɛnimɛ, yarɔ-koenu mabɛnnɛ ale min bolo, kɔni, wo ko yo sa wole bolo ka a manyinika ala dannuna ko ma. A bɛnnɛ a ni min ma, a ma bɛn wo ni wo fɔ a ye.

Aiseya 58:9

Ni wo ya Mari rakele wo wati rɔ, a si wo denkun. Ni wo dira ale Mari dala, a si a fɔ ko, “N bi yan.” Wo ni wo fara dunɛ sala wo ta-nyɔgɛnu kuma. Wo ni wo fara mɔgɔ-rafɔɛ anubɛ mɔgɔ-rakaran la.

Aiseya 65:24

Yanni anu ni anu miri min ma, Mari ara wo di anu ma. Anu tenbi ale Mari manyinikala anu dɛnbɛn-koe rɔ, yaga, wo ye anu dɛnban kun na.

Luka 1:13

Kɔnɔ melika ya a fɔ a ye ko, “Sakaraya, i kana kilan! Alla ara ila madiyalɛ lamɔɛn. Ila musi, Ilisabɛti si den-kei sɔrɔn i ye. I ni a tɔgɔ sa Yɔni.

Luka 1:7

Anu ma den sɔrɔn bawo Ilisabɛti, gbandɛ le, ado anu filɛ bɛɛ ara kɔrɔya kati!

1 Samuwɛli 1:11

Hana ya a dakan don, a ko, “Mari Sɛnbɛ-Bɛɛ-Tigi, n bi kɔndɔfili min tɔ, i kolan lana ka nde, ila wɔli-kɛlɛ mafɛlɛn yan. I kana nyina n ko. Ni i ya dan di n ma min si ma den-kei la, n si a dantɛgɛ i ma a siyi-tele-bɛɛ kɔrɔ. Hali lilan, a ti sɔ a kunyɛ ma. Wo si ma tamasere la ko a dantɛgɛnɛ ile le ma.”

1 Samuwɛli 1:17

Ilayi ko, “Ta. I ni i yisi-kimɛ. I wara Isirɛlata Alla matara min na, alamɛ a ya wo di i ma.”

1 Samuwɛli 1:2

Musu fila le Ɛlakena wo bolo nun, Hana anubɛ Pɛnina. Pɛnina ya dannu sɔrɔn a ye kɔnɔ Hana wo mara gbandɛ la.

1 Samuwɛli 1:27

N ya Mari matara dan minna ko la, wo le kɛ la. I ma a yen?