Ko-Dabirɛnu 25:20 - ALLALA KUMƐ

²⁰ Isiyaka sɔrɔn ya san bi-nani bɔ tumɛ min, a ya Bɛtuwɛlila den Rebɛka furu. Aram kɛ le anu denu na min bi Mɛsopotemiya nyamanɛ rɔ. A kɔrɔ-kei tɔgɛ le Leban.

Ko-Dabirɛnu 25:20 ပူးပေါင်းရင်းမြစ်များ

Ko-Dabirɛnu 22:23

Bɛtuwɛli wo fanan ya dunmusi do sɔrɔn min tɔgɛ Rebɛka. Nehorila musi Milaka ya den-kei segan kɛnu sɔrɔn Iburayima na-kelen-nyɔgɛ wo ye.

Ko-Dabirɛnu 24:15

Yanni a ni ban madiyalɛ wo la, Rebɛka anubɛ ala yi-bi-kunan nara. Iburayima na-kelen-nyɔgɛ Nehori, wo mamanɛ le Rebɛka wo la. Nehori wonubɛ ala musi Milaka le ya Rebɛka fa Bɛtuwɛli sɔrɔn.

Ko-Dabirɛnu 24:29

Rebɛka tirisan-kei do ye nyɔ. A tɔgɛ Leban. Leban ya sɛnɛ-fore anubɛ bolo-kalama-dɛɛn wonu yen a tirisan-musi wo bolo tumɛ min ka kumɛ wonu namɔɛn Rebɛka ya minnu takaran anu ye kei wola ko la. Woletɔ Leban wo fanan burimatoe tara ke kei wonubɛ ala nyomɛnu ma yi wo dafɛ.

Ko-Dabirɛnu 24:67

Isiyaka ya Rebɛka ladon a na Sirala fani-bɔn la. A ya Rebɛka bi ka a ma atɛ la. Ala musi diyara a ye koikoi! Isiyaka yisi-kimara a nala sayɛla ko la.

Ko-Dabirɛnu 27:43

Woletɔ nna den, i tole masɔ n na ka n kuman-kan bira. I lasɔ ka i buri ka ta n tirisan-kei Leban warɛ Hɛran soe burɔ.

Ko-Dabirɛnu 28:2

I ni ta i benba Bɛtuwɛli wara Mɛsopotemiya nyamanɛ rɔ ka i berin Lebanna dunmusi do furu nyɔ.

Ko-Dabirɛnu 31:24

Kɔnɔ yanni anu ni ke Yakoba ma, Alla ya kiyo ladon Leban yɛ ma suyi rɔ ka a fɔ a ye ko, “A ma i fɛrɛma. I kana Yakoba ragbɛrɛn hali ka kuma-yogoma fɔ a ma.”

Ko-Dabirɛnu 33:18

Yakoba bɔra Mɛsopotemiya nyamanɛ rɔ tumɛ min, a yisi-kimanɛ tara ha Sɛkɛm soe burɔ Kenan nyamanɛ rɔ.

Ko-Dabirɛnu 35:26

Liyala solo-dununɛ Silipa ya den-kei mɔgɔ fila sɔrɔn. Wonu tɔgɛ le Kadi anubɛ Asɛra. Yakobala dan le wonu na a ya minnu sɔrɔn Mɛsopotemiya nyamanɛ rɔ.

Ko-Dabirɛnu 35:9

Yakoba bɔɛ Mɛsopotemiya nyamanɛ rɔ, Alla bɔra a ye gbɛ rɔ tun ka ata duwɛ layigi a kuma.

Ko-Dabirɛnu 46:15

Liya sɔrɛ le kɛnu na anubɛ Yakoba ya minnu sɔrɔn Mɛsopotemiya nyamanɛ rɔ, anubɛ ala dunmusi Daina. Liya sɔrɛ mumɛ bɛɛsi yatɛ bɛnta mɔgɔ bi-sawa ani mɔgɔ sawa (33) ma.

Luka 4:27

Nɛbi Ilaisata wati rɔ, fɛrɛma-kirayato siyaman bi Isirɛla mɔgɛnu tɔ. Kɔnɔ wonu fenfen ma kɛndɛya fɔ Siriya kɛ Neyaman. Isirɛla ka ma ale fanan na.”

Tɔn-Fɔɛ-Fila-Nyɔgɛ 26:5

Wo kɔma, wo si a fɔ Mari ya la nyɔ ko, ‘Ma benba anubɛ ala denbayɛ bɔra Aram nyamanɛ rɔ ka to yilan-yilanna ha anu tara anu sigi Iyipiti nyamanɛ rɔ. Anu bi tala nyɔ tumɛ min, anu ma siya kɔnɔ wati-tenbinɛ, a bɔnsɔn ya fanka sɔrɔn ka siyaya.