Ko-Dabirɛnu 24:7 - ALLALA KUMƐ

⁷ San-Kole-Mari-Alla min ya n nabɔ n fala bɔn la ka n nabɔ n sɔrɔn-nyamanɛ rɔ fanan, wo le ya lanyiri kɛ kiri n ye gben, ko a si nyamanɛ kɛ di n bɔnsɔn ma. Alla si ata melika sɔ i yarɔ alako i si musi sɔrɔn nna dan ye nyɔ nya min.

Ko-Dabirɛnu 24:7 ပူးပေါင်းရင်းမြစ်များ

Ko-Dabirɛnu 13:15

I ye nyamanɛ min bɛɛsi yenna kɛ la, n si wo di wobɛ i bɔnsɔn ma habadan!

Ko-Dabirɛnu 15:18

Tamasere le wo la Mari ya lanyiri min kiri anubɛ Burama tɛma tele wo nyɛrɛ rɔ ko, “N bara nyamanɛ kɛ di i bɔnsɔn ma. Kenanuna nyamanɛ anubɛ Kɛnasinuna nyamanɛ anubɛ Kadimɔnanuna nyamanɛ anubɛ Hɛtinuna nyamanɛ, anubɛ Perasanuna nyamanɛ anubɛ mɔgɔ-layan-bɛnuta nyamanɛ anubɛ Amoranuna nyamanɛ anubɛ Kenannuna nyamanɛ anubɛ Kagasanuna nyamanɛ anubɛ Yebusinuna nyamanɛ, ka a dabira Iyipiti bɛ ma ha ka ta ke Yufereti bɛ ma, n si wo bɛɛsi latenbi ile bɔnsɔnnu ma.”

Ko-Dabirɛnu 16:7

Mari nara melikala muninyɛ rɔ ka Hega wo yen tenke dafɛ wulɛ rɔ, tenke min bi Sura wularɔ-kilɛ la, kɔni.

Ko-Dabirɛnu 17:8

I ye sundanyɛ la Kenan nyamanɛ min tɔ kɛ la, n si wo di wobɛ i bɔnsɔnnu ma ka a ma wotɛ la habadan! N si ma wota Alla la.”

Ko-Dabirɛnu 21:17

Alla ya Sumanyila fanan di-kɛ-kan lamɔɛn. Allata melika kuman-kan bɔra san-kole rɔ ka Hega rakele ko, “Hega, i yisi tɔrɔnɛ i ma nfenna? I kana kilan kamasɔrɔn i ya ila dan to sanɛ kan min, Alla ye a di-kɛ-kan lamɔɛnna nyɔ.

Ko-Dabirɛnu 22:11

kɔnɔ Mari ya a felen melika la. A ya a rakele san-kole rɔ iko fila, a ko, “Iburayima, Iburayima.” Iburayima ko, “O-o, n bi yan.”

Ko-Dabirɛnu 24:3

ka i keli n ye Mari Alla yala min ya san-kole anubɛ dugu-kole dan, ni i si na Kenan dunmusi do nyini nna dan ye ma siginɛ minnu tɛma yan kaka.

Ko-Dabirɛnu 24:40

Kɔnɔ a ya a fɔ n ye ko a ye tagamana Mari min baraka rɔ, wo si ala melika bila n fɛ ka nna kilɛ ma hɛrɛ la alako n si musi sɔrɔn ala dan ye a fa bɔnsɔn rɔ nya min.

Ko-Dabirɛnu 26:24

A ke nyɔ wo suyi rɔ, Mari bɔra a ye gbɛ rɔ. A ko, “I fa Iburayimata Alla le nde la. I kana kilan kamasɔrɔn n bi i fɛ. N si nta duwɛ layigi i kuma ka i bɔnsɔn lasiyaya nta wɔli-kɛlɛ Iburayimala ko la.”

Ɛsira 1:2

Min sanɛ kɛdi wo rɔ a ko, “Nde, Pasiya Mansa Sairasita tɔn le kɛ la. Mari, Arinyɛnɛ Alla, kɔni, wo le wara n ma mansɛ la duninya kun na. A ara n sɔ ata Bato-Bon-sɔɛ la Yerusalɛm soe burɔ Yuda nyamanɛ rɔ.

Yaburi 103:20

Wole melika-makawanɛnu, wo ni Mari tanto! Wo ye ala tɔnnu birala. A ye kumɛ min fɔla, wo ye wo tole masɔla wonu na.

Yaburi 136:26

Ma ni baraka bira Alla ye, Arinyɛnɛ Mansɛ, kɔni. Ala keninteyɛ dan sa.

Yaburi 32:8

Mari ko mɔgɛ ye bilala kilɛ min fɛ, a si a karan wo ma. A si a labila ka a makawandi, ado a si a kumafɛlɛn.

Yaburi 34:7

Minnu bi Mari gbiliyala, ata melika si wonu kandan. A si anu tanka masibɛ ma.

Yaburi 73:24

I ye n nabila-kilɛnu sala n kɔrɔ. Tɔ-a-la, i si n matɔgɔ ka n sɛnibɔ Arinyɛni tɔ.

Bɔ-Koe-Iyipiti 13:5

Mari ya lanyiri kiri wo benbanu ye ko mɔgɛ kɛnu siginɛ kan min, Hɛtinu wo, Amoranu wo, Hefanu wo, anubɛ Yebusinu, a ko a si Kenan nyamanɛ bɛɛ di wo ma. Nyamani-hakikɛ le anuna nyamanɛ wo la. Mari wa wo ladon nyɔ tumɛ min, wo si to ladɛn kɛ sufa kɛla Abibu karɛ kɛ la.

Bɔ-Koe-Iyipiti 32:13

I miri ila wɔli-kɛlɛnu ma, Iburayima wo, Isiyaka wo, anubɛ Yakoba. I ma lanyiri kiri anu ye nun ko i si anu bɔnsɔn siyaya iko sanma-lolenu? I ma lanyiri kiri anu ye nun ko i si lanyiri-nyamanɛ wo di anu ma ka nyamanɛ wo ma anu halalɛ la?”

Bɔ-Koe-Iyipiti 33:2

N si nta melika ma i yarɔ-sɔlɛ la ka Kenannu wo, Amoranu wo, Hɛtinu wo, Perasanu wo, Hɛfanu wo anubɛ Yebusinu gben wo yarɔ.

Aiseya 63:9

A ko ala mɔgɛnu ba tɔrɔyɛ sɔrɔn, ale fanan bara tɔrɔ. A ara a nyɛrɛta melika sɔ anu kisi tinɛ. Mari le ya anu kisi ka a tɛgɛ ata nyimayɛ anubɛ ata keninteyɛ ma. A ko kebi fɔlɔ a ya anu banba.

Daniyɛli 2:44

“Mansayɛ wonu wati rɔ, Alla min bi Arinyɛni tɔ, wo si na mansayɛ do la min ti ban, ado mɔgɛ ti ke ata mansayɛ bila a bolo. Mansaya-gbɛrɛ ti wo nɔ kɔnɔ ale Alla si mansayɛ doi wonu kasara. Ata mansayɛ si to habadan!

Yona 1:9

Nɛbi Yona ko, “Hiburu le nde la. Mari Alla min bi san-kole rɔ pon, nde si wo le kelan madiya. Ale le ya dugu-kole anubɛ kɔgɔ-yi kɛ dan.”

Yilan-Yilan Koe 11:12

Nde le ya mɔgɛ kɛnu sɔrɔn, ba? Nde le ye anu banbanna ka ta ha lanyiri-nyamanɛ rɔ, wa?

Yilan-Yilan Koe 14:16

anu si a fɔ ko i wara ila mɔgɛ bɛɛ faga wulɛ rɔ bawo i ti ke tala anu na lanyiri-nyamanɛ rɔ.

Yilan-Yilan Koe 14:30

N bara ban a latɛgɛla bawo wo ya a fɔ nun ko Kenannu si wo kɛlɛ ka wola dannu bi wo bolo. Wole ya wo ban nyamanɛ min na, wo le ye nala tola wola dannu ye gbɛ! Nyɔ si ma anu barɛ la. N ya lanyiri kiri wo ye nun, n ko wo ni sigi nyɔ kɔnɔ wo do-wo-do ti sigi nyɔ tun fɔ Kelabu anubɛ Yasowa.

Yilan-Yilan Koe 32:11

‘Bawo wo ma la n na min kɛ ka a dabira min sɔrɔn ara san mogan bɔ, n ya lanyiri-nyamanɛ min di Iburayima anubɛ Isiyaka anubɛ Yakoba ma, wo do-wo-do ti don nyɔ rɔ.

Kɛwɔlɛnu 7:5

Alla ma dugu-wo-dugu di Iburayima ma nyamanɛ kɛ rɔ, hali a sɔnɛ kan tinɛ min tɔ kɔnɔ Alla ya a yili-madiya ko nyɔ si ma anubɛ a bɔnsɔntɛ la a kɔma, ado Alla ye lanyiri kɛ kirila Iburayima ye tumɛ min, den-wo-den sa a bolo nun.

Tɔn-Fɔɛ-Fila-Nyɔgɛ 1:8

A ko, ‘Nde, Mari ara nyamanɛ wo mumɛ di wo ma. N ya lanyiri kiri Iburayima fɔlɔn ye nun anubɛ ala dan Isiyaka anubɛ Isiyakata dan Yakoba ye ha ka ta a sigi anu kegeyɛnu na. Wo ta nyamanɛ wo mumɛ bi ka wo sigi nyɔ.’ ”

Tɔn-Fɔɛ-Fila-Nyɔgɛ 34:4

Mari ya a fɔ Musa ye nyɔ ko, “N ya nyamanɛ kɛ le lanyiri kiri Iburayima, Isiyaka anubɛ Yakoba ye ko n si a di anu kegeyɛnu ma. N bara sɔn ko ile ni nyamanɛ kɛ yen kɔnɔ nde, Mari ma nyɔ-ta-fɛrɛ di ile Musa ma.”

Hiburunu 1:14

Niyi le melikanu na dɔrɔn. Anu bi wɔlila Alla le ye. A ya anu sɔ alako minnu bi nala kisila, anu ni to wonu dɛnbɛna.

Hiburunu 11:9

Alla ya lanyiri kiri a ye nyamanɛ minna ko la, a sigira sundanyɛ la nyamanɛ wo rɔ dɛnkɛninyɛ le fɛ. Ale bɛrɛn sigira fani-bɔn la iko ala den Isiyaka anubɛ a mamanɛ Yakoba ya a ma nya min minnu ya lanyiri-su wo sɔrɔn Alla bolo.

Yasowa 1:6

I ni i yisi gbɛlɛya ka i kerinteya. I si sɔ mɔgɛnu yarɔ ka ma anuna kɛlɛ-den-kun-tigi la. N ya nyamanɛ min di wo benbanu ma, i si mɔgɛnu gben nyɔ rɔ.

Yasowa 24:3

Kɔnɔ Mari ya wo benba Iburayima labɔ nyamanɛ wo rɔ ka Yufereti bɛ tɛgɛ ka na a la Kenan nyamanɛ kɛ rɔ. A ya kegeya-siyaman di a ma. A ya den kelen di a ma min tɔgɛ Isiyaka.

Lankɛnimayɛ 11:13

Dugu-yɛrɛyɛrɛn-ba kɛra wati wo nyɛrɛ rɔ. Soe wo faranɛ sigi tina tan na, wo sigi tina kelan halakira. Mɔgɔ waga wɔrɔnfila (7,000) fagara dugu-yɛrɛyɛran wo bolo. Mɔgɔ-toenu kilanta kosɛbɛ! Anu ya Alla tanto min bi mansayɛ kɛla Arinyɛni tɔ.

Kɛlɛ-Kurugbɛnu 2:1

Lunyɛ do, Marita melika bɔra Kiligali soe burɔ ka na soe do rɔ anu bi min kelela Di Kɛ Tinɛ. A ya a fɔ Isirɛla mɔgɛnu ye ko, “N ya wo labɔ Iyipiti nyamanɛ rɔ ka na wo la nyamanɛ kɛ rɔ yan, n ya lanyiri kiri wo benbanu ye minna ko la nun. N ya a fɔ nun ko n ti sarama-kan wo tinya.