Ko-Dabirɛnu 24:53 - ALLALA KUMƐ

⁵³ Wɔli-kɛlɛ ya fen da-gbɛlɛ-siyaman bi ka wonu ma Rebɛka furu-fan la. A ya wonu di a kɔrɔ Leban anubɛ a na ma. Wo kɔma, a ya fɛrɛya-bɔɛ anubɛ wodi-gbɛ anubɛ sɛnɛ bi ka wonu fanan di Rebɛka ma.

Ko-Dabirɛnu 24:53 ပူးပေါင်းရင်းမြစ်များ

Ko-Dabirɛnu 24:10

Wɔli-kɛlɛ wo ya nyomo tan bi a tigila nyomɛnu tɛma anubɛ fen-hakika siyaman ka ta Mɛsopotemiya nyamanɛ rɔ Iburayima na-kelen-nyɔgɛ Nehori ye kan min.

Ko-Dabirɛnu 24:22

Nyomɛnu ban yi wo minna, kei wo ya sɛnɛ-foro kelen bi min si don a sunyɛ la anubɛ sɛnɛ-bolo-kalama-dɛɛn fila ka wonu di dunmusi wo ma. Sɛnɛ-fore anubɛ sɛnɛ-bolo-kalama-dɛɛn wonu kolo dɔgɔma-ma-de!

2 Ko-Kɔrɔta-Karan 21:3

Anu fa Mansa Yɛhosafati ye a kɛndɛ la wati min, a ya sɛnɛ anubɛ wodi-gbɛ anubɛ fen-koloma-siyaman di anu ma. A ya ala dan kɛnu ma so-tiginu na Yuda so-latankanɛnu tɔ. Yɛhoram min bi ala sarɛ la, a ya a ma, wo tora ale gbɛ rɔ mansayɛ la.

Ɛsira 1:6

Anu sigi-nyɔgɛ damasi ya anu magben ka fen-siyaman di anu ma, sɛnɛ wo, wodi-gbɛ-miran wo, anu beli-fen wo, dunu-bi-sogo wo, fen-kolomɛ donu wo, anubɛ anu bi tala kɔ-fan minnu na Bato-Bɔn la.

Bɔ-Koe-Iyipiti 11:2

I ni a fɔ Isirɛla mɔgɛnu ye kaka ko kei wo, musi wo, bɛɛ ni ta sɛnɛ anubɛ wodi-gbɛ tara a sigi-nyɔgɛ ma Iyipiti mɔgɛnu, kɔni.”

Bɔ-Koe-Iyipiti 12:35

Isirɛla mɔgɛnu ya a ma iko Musa ya a fɔ anu ye nya min. Anu tara sɛnɛ anubɛ wodi-gbɛ anubɛ fɛrɛya-bɔɛnu matara Iyipiti kɛnu ma.

Bɔ-Koe-Iyipiti 3:22

Isirɛla musinu si ta anu sigi-nyɔgɛ Iyipiti musinu matara fen-kolomɛnu anubɛ fɛrɛya-bɔɛnu ma hali Iyipiti musi minnu siginɛ anu ma anuna bɔnnu na. Anu bi fɛrɛya-bɔɛ wonu don anuna dannu kan na. Anu bi Iyipiti kɛnu bolo kolonyala wo nya na le.”

Keninteya-Siginu 1:10

Ila tolola-fannu bara a ma, i yakɔrɛ ara kinya. Ila kan-na-fan ara a ma, i mafɛlɛn bara diya.

Keninteya-Siginu 4:13

Fan bɛɛ ye nanfala a kin na nyɔ. Ile, nna nakɔɛ, i lafanɛ kɔlɔma anubɛ baga-fere suma-diyamɛnu na. Fen-suma-diyamɛ bɛɛ daganɛ nyɔ le.

Aiseya 39:2

Wonu ke Mansa Hɛsakaya ma, a ya wonu sɛnibɔ. Fen-kolomɛ min bɛɛ lamaranɛ ale Mansa Hɛsakaya bolo, a ya wonu yira sundan wonu na. Sɛnɛ wo, wodi-gbɛ wo, dɔn-fen-ladiya-fan anubɛ fen-suma-diyamɛ wo, anubɛ kɛlɛ-kɛ-miran minnu namaranɛ a bolo wo, a ya wo bɛɛ yira sundan kɛnu na. Fenfen sa ala nyamanɛ wo rɔ a ma min yira sundan wonu na.