Ko-Dabirɛnu 24:48 - ALLALA KUMƐ

⁴⁸ N ya n madu ka Mari bato. N ko, ‘Alla tanto, n tigi Iburayimata Mari min bara ata lanyiri latɔnbagaya n tigi ye, wo ara n telen n tigita mɔgɛnu na. N bara n tigi na-kelen-nyɔgɔ-mamanɛ do taran a warɛ yan tɔ ala dan ye.’

Ko-Dabirɛnu 24:48 ပူးပေါင်းရင်းမြစ်များ

Ko-Dabirɛnu 22:23

Bɛtuwɛli wo fanan ya dunmusi do sɔrɔn min tɔgɛ Rebɛka. Nehorila musi Milaka ya den-kei segan kɛnu sɔrɔn Iburayima na-kelen-nyɔgɛ wo ye.

Ko-Dabirɛnu 24:52

Iburayimata wɔli-kɛlɛ ya anu kuman-kan kɛ lamɔɛn tumɛ min, a ya a laburun a ma ka Mari bato.

Ɛsira 8:21

Wo tumɛ ma ye Ahefa bɛ kɛ fɛ, n ya a fɔ mɔgɛ bɛɛ ye ko ma ni sunyɛ don ka ma nyɛrɛ famayigi mata Alla ye. N ko ma ni a matara ko a ni to ma fɛ mala tagama kɛ rɔ alako mabɛ mala dannu anubɛ ma bolo-fannu ma ni tanka.

Yaburi 107:7

Anu bi tala sigila soe min tɔ, a ya so-ta-kila-telennɛ yira anu na.

Yaburi 32:8

Mari ko mɔgɛ ye bilala kilɛ min fɛ, a si a karan wo ma. A si a labila ka a makawandi, ado a si a kumafɛlɛn.

Yaburi 48:14

Wo si a fɔ anu ye ko, “Alla kɛ, mata habadan-Alla le. A si to kilɛ yirala ma la ha duninya si ban.”

Bɔ-Koe-Iyipiti 18:20

I ni mɔgɛ kɛnu karan Allata kumɛnu anubɛ ata tɔnnu na. A bɛnta, anu ni kilɛ min tagama anubɛ ka koe minnu kɛ, i ni wonu yira anu na.

Hɛnkilimaya-Kumɛnu 4:11

N bi hɛnkilimaya-kilɛ anubɛ telenbagayɛ le yirala i la kɛ la, i si bila min fɛ.

Aiseya 48:17

Wo Kunkalɛ, Isirɛlata Alla-sɛnimɛ ko wota Mari Alla le ale la. A ye a fɛ ka wo karan wo munanfaga-koe ma ka wo hɛnkili labila wo tagama nya ma.