Ko-Dabirɛnu 24:35 - ALLALA KUMƐ

³⁵ Mari ara ata duwɛ layigi n tigi kuma kati! Alla ara a ma mɔgɔ-ba la ka nɔnfuli anubɛ yɔɔnnu anubɛ sofɛlɛnu anubɛ nyomɛnu anubɛ kolo-fen-siyaman di a ma.

Ko-Dabirɛnu 24:35 ပူးပေါင်းရင်းမြစ်များ

Ko-Dabirɛnu 12:16

A ya Burama rabira a kin na Sirayila ko la. Ale mansɛ ya yɔɔnnu di Burama ma anubɛ sagɛnu anubɛ ninkinu anubɛ sofɛlɛnu anubɛ nyomɛnu.

Ko-Dabirɛnu 12:2

N si i sibole lasiyaya ka wonu bɔnsɔn fanan nasiyaya. N si nta duwɛ layigi i kuma ka i ma tɔgɔ-tigi-wɛ anubɛ duwa-tigi la.

Ko-Dabirɛnu 12:3

Min ba duwa i ye, nta duwɛ si to wo kuma. Min ba i danka, n si wo danka. Duninya-mɔgɛ bɛɛ si duwɛ sɔrɔn ile fɛ.”

Ko-Dabirɛnu 13:2

Nɔnfulu-tigi le Burama la nun. Kolo-fannu anubɛ wodi-gbɛ anubɛ sɛnɛ ye a bolo duk!

Ko-Dabirɛnu 24:1

Mari tora ata duwɛ yigila Iburayima kuma koe bɛɛ rɔ ha a kɔrɔyara kɔbɔkɔbɔ!

Ko-Dabirɛnu 25:11

Iburayima fagara tumɛ min, Alla tora ata duwɛ layigila ala dan Isiyaka kuma. Isiyaka sigira kɔlɔn wo dafɛ Hega ya min kele nun ko, “Alla Min Kolonkɛ Ye N Na, Wota Kɔlɔn.”

Ko-Dabirɛnu 25:5

Iburayima ya a fɔ ko, “Ni n fagara tumɛ min, n kɛɛ mumɛ bɛɛsi, Isiyaka letan.”

Ko-Dabirɛnu 30:43

Wo le ya a ma, Yakoba mara nɔnfulu-tigi-wɛ la. Yɔɔn siyaman taranta a bolo anubɛ sagɛnu anubɛ baanu, hali nyomɛnu anubɛ sofɛlɛnu.

Ko-Dabirɛnu 49:25

Anu si anu sɔ gben, bawo ndeta Alla le wo la min bi anu dɛnbɛna. Alla Sɛnbɛ-Bɛɛ-Tigi le wo la min bi ata duwɛ tola wo kuma ka bandɛ lana wo kuma ka yi labɔ dugi kɔrɔ wo ye. A si a ma, i bɔnsɔnnu ni yiri. Ila kolo-fannu fanan ni sabati.

Yobu 1:3

Saga waga wɔrɔnfila (7,000) ye a bolo anubɛ nyomo waga sawa (3,000). Wo kɔma, sara-ninki waga kelen (1,000) taranta a bolo anubɛ sofɛlɛ kɛmɛ loli (500). Wo kɔma, wɔli-kɛ-den-siyaman bi a bolo duk! Mɔgɛ min bɛɛ ye Yorodan bɛ tele-bɔɛ wara la, ata fen-tigiyɛ kolo wonu bɛɛtɛ ko.

Yaburi 107:38

Allata duwɛ yigira mɔgɛ kɛnu ma. Wonu yirita bui! Kasara ma sigi anuna ninkinu na tun.

Yaburi 112:3

A kebilɛ si ma-a-la. Ale fanan bolo ti kolonya mumɛ!

Yaburi 18:35

E, Mari, i wara n nakanan. I wara n dɛnbɛ woletɔ n bara ma tɔgɔlamɛ la.

Hɛnkilimaya-Kumɛnu 10:22

Marita duwɛ, wo le kelen pe si mɔgɛ ma nɔnfulu-tigi la, ado mɔgɔ ti ke fen sala wo kuma a nyɛrɛta sɛnbɛ la.

Hɛnkilimaya-Kumɛnu 22:4

Ni i ya Mari gbiliya, i ni i nyɛrɛ famayigi a ye. Wo si a ma, i ni nɔnfuli anubɛ gbiliyɛ anubɛ simayɛ sɔrɔn.

Matiyu 6:33

Wo ni Allala mansayɛ anubɛ ata telenbagayɛ fɔlɔn nyini. Wo kɔma, ale ni na to fan kɛ bɛɛ dila wo ma.

Luka 12:45

Kɔnɔ ni wɔli-kɛlɛ ya a fɔ a nyɛrɛ ma ko, ‘N tigi sa nala fɔlɔn,’ wo kɔma, a ni wuli wɔli-kɛla-keimɛ anubɛ a musumɛnu gbesila ka fen dɔn ka a min koikoi ha a hɛnkili ni tinya.

1 Timoti 4:8

Tonyɛ le kɛ la, ado i ni la a la ka a bira gben, ko ka i fɛrɛ ramaga, wo si koe do nyinya. Kɔnɔ ka i ramaga Allata wɔli-kɛ-tinɛ, wo si ko nyinya nya bɛɛ ma. A si i dɛnbɛ duninya kɛ rɔ anubɛ lakira fanan.