Ko-Dabirɛnu 24:32 - ALLALA KUMƐ

³² Anu ke bɔn la, anu ya dunɛnu bɔ nyomɛnu kɔ tɛma. Leban ya dɔn-fan di nyomɛ wonu ma. Wo kɔma, a ya sundan wo kin-maku-yi labɔ.

Ko-Dabirɛnu 24:32 ပူးပေါင်းရင်းမြစ်များ

Ko-Dabirɛnu 18:4

N ni na yi la wo ye alako wo ni wo kiannu maku. Wo ni wo sulen kɔlɔma-ninɛ kɛ la.

Ko-Dabirɛnu 19:2

Lɔti ya a fɔ anu ye ko, “N tiginu, n bi wo madiyala. Wo yandi, wo ni yiya n barɛ bi. Wo si wo kian maku ka ki nyɔ. Wo wa wo lasɔ sɔgɔma, ni wo ye tala kan min, wo si ta nyɔ.” Anu ko, “Ade, ma si ki luyi tɛma barɛ rɔ.”

Ko-Dabirɛnu 24:33

Anu nara ale Iburayimala wɔli-kɛlɛ wo fandɛ la tumɛ min, a ya a fɔ ko, “N ti fenfen dɔn kaka fɔ n ba ban n na-kunya rakaranna.” Leban ko, “Awa, ale le wo la. I dantɛgɛ.”

Ko-Dabirɛnu 29:13

Leban ya a berinnɛ Yakoba wara-koe lamɔɛn tumɛ min, a burimatoe tara a labɛn ka a kɔndɔn ka a ramɔnsɔn. Anu tara bɔn la. Koe min bɛɛ ara ma nun, Yakoba ya wo fɔ a berin Leban ye.

Ko-Dabirɛnu 43:24

Wɔli-kɛlɛ wo ya anu nadon Yusufula bɔn la. A ya kin-maku-yi di anu ma. A ya anuna sofɛlɛnu de-nyini fanan.

Luka 7:44

Wo kɔma, Yisa ya a yɛ lamunun musi wo la ka a fɔ Saimon ye ko, “I ma musi kɛ yen? N bara na ila bɔn la, i ma n kin-maku-yi di n ma kɔnɔ ale ara n kian maku a ya-yi la ka a mafiran a kun-sigi la.

1 Timoti 5:10

Ni mɔgɛnu bi musi wo matɔgɔla ala kɛwɔli-nyimɛnuna ko la, anu ni a tɔgɛ sɛbɛ. A ni ma musi la min bara ala dannu makolo a kin na ka sundannu yiya a warɛ. A ni famayigiya-wɔlɛ kɛ a ta-nyɔgɛ dɛnkɛninya-mɔgɛnu ye ka mɔgɔ-tɔrɔnɛnu fanan dɛnbɛ. A ni a nyɛrɛ di kɛwɔli-nyimɛ-sufa-bɛɛ ma.

Kɛlɛ-Kurugbɛnu 19:21

A ya anu bi ka ta anu na a warɛ bɔn la. A ya anuna sofɛlɛ wonu de-nyini ka yi di ala sundannu ma. Anu ya anu kiannu maku ka fen-dɔn kɛ.

1 Samuwɛli 25:41

Abigɛli ya a laburun a ma wɔli-kɛlɛ wonu kɔrɔ. A ya a fɔ anu ye ko, “Ala wɔli-kɛlɛ le nde la. N tabɛnnɛ de ka ala wɔli-kɛlɛnu kian maku.”