Ko-Dabirɛnu 23:19 - ALLALA KUMƐ

¹⁹ Wo kɔma, Iburayima ya ala musi Sira togon faran wo la min bi Makipela tɛngbɛnya rɔ Hiburɔn soe telen tɔ Kenan nyamanɛ rɔ Mamireta kɔlɔmanu bi kan min.

Ko-Dabirɛnu 23:19 ပူးပေါင်းရင်းမြစ်များ

Ko-Dabirɛnu 23:18

soe tarɛ dɛ la nyɔ Hɛti mɔgɔ-ba wonu yala.

Ko-Dabirɛnu 23:20

Wo le ya a ma, faran wonubɛ dugi min bi ala foolɛ rɔ Hɛtinuna nyamanɛ rɔ, wonu mara Iburayimata kaburu-soe la.

Ko-Dabirɛnu 3:19

I ti i beli-fan sɔrɔn ni i ma wusi tirindi. I si to wusi tirindila ha i ni sɛgi bɔnkɛ rɔ tun bawo i bɔra bɔnkɛ le tɔ, ado i ye sɛgila bɔnkɛ le tɔ tun.”

Ko-Dabirɛnu 37:14

Woletɔ a fa ya a fɔ a ye ko, “Ta i kɔrɔnu anubɛ kolo-fannu mafɛlɛn. Ni a yogoma sa nyɔ, i ni na wo fɔ n ye.” Woletɔ Yusufu bɔra Hiburɔn lɛɛ rɔ ka ta a kɔrɔnu nyini ha Sɛkɛm soe dafɛ.

Ko-Dabirɛnu 47:30

Kɔnɔ ni n fagara Iyipiti nyamanɛ rɔ tumɛ min, i ni n furi bi ka ta a la Kenan nyamanɛ rɔ. I ni n togon n benbanuna dugi rɔ.” Yusufu ko, “N si a ma iko i wara a fɔ nya min.”

Ko-Dabirɛnu 50:25

Kɔnɔ yanni n ni faga tumɛ min, wo ni wo keli n ye ko ni wo ti ta n kolenu na Kenan nyamanɛ rɔ. Woletɔ wo kana sika, Alla si wo kandan yati!”

Yobu 30:23

I wara saya gbɛrɛn n ma, mɔgɛ bɛɛ ta tinɛ, kɔni.

Makawandili Kumɛnu 12:5

I si kilan kan-tina-layan-bɛnu na. Hali ka tagama, a si gbɛlɛya i kuma. I kunyɛ si gbɛ iko bandan-fere. I si bandan i nyɛrɛ kɔrɔ. Musu-ko-miriya ti na i burɔ. Ma dama ye a labanna sayɛ le ma. Min ba ta, anu ni to dila wo kɔma.

Makawandili Kumɛnu 12:7

Ma fɛrɛ si sɛgi bɔnkɛ rɔ. Ma niyi wo si sɛgi Alla ma a bɔra kan min.

Makawandili Kumɛnu 6:3

Hali mɔgɔ wa den kɛmɛ sɔrɔn, a ni kɔrɔya kɔbɔkɔbɔ, ni a ma a bolo-fen-diya bɔ, ado a ma togon a kilɛ fɛ, hali dan min suyi si bɔ a na burɔ, wo fisa ale ko.