Ko-Dabirɛnu 23:16 - ALLALA KUMƐ

¹⁶ Iburayima sɔnta wo ma. Ɛfirɔn ya wodi-gbɛ minna ko fɔ mɔgɔ-ba wonu yala, Iburayima ya wodi-gbɛ-gbu kɛmɛ nani (400) wo suman a ye iko yilanu si fan suman nya min.

Ko-Dabirɛnu 23:16 ပူးပေါင်းရင်းမြစ်များ

Ko-Dabirɛnu 23:15

“N tigi, i wɔlɔ matɔlɔ nde le la. Nna dugi wo sɔnkɛ le wodi-gbɛ-gbu kɛmɛ nani na. Kɔnɔ hali wo, n ya a di i ma le. A da ma wo la. Ta ila furi togon nyɔ.”

Ko-Dabirɛnu 43:21

Ma ban mala dɔn-fen sanna, ma ya mala dunɛnu bi ka ta. Ma kira kan min, ma ya mala bɔrɛnu nafulen nyɔ. Ma bɛɛsi tɛrɛnara wodinu na mala bɔrɛnu tɔ. Fenfen ma bɔ mala dɔn-fen-sɔnkɛ wonu na. Ma ma a lɔn ni min ya wodi wonu sa mala bɔrɛnu tɔ. Woletɔ ma ya wodi min yen mala bɔrɛnu tɔ, ma ara na wo la ma bolo tun. Ma ara na wodi-gbɛrɛkɛ la ma bolo fanan alako ma ni dɔn-fan do sɔrɔn tun.”

Ko-Dabirɛnu 49:29

Wo kɔma, Yakoba ya a fɔ ala dannu ye ko, “N sa mɛla fagala tun ka ta n benbanu taran lakira. Kɔnɔ ni n fagara tumɛ min, n benba Iburayima ya dugi min san Hɛti kɛ Ɛfirɔn ma Makipela tɛngbɛnya rɔ Mamireta kɔlɔmanu tele bɔɛ Kenan nyamanɛ rɔ, wo ni ta n togon n benbanu fɛ faran wo la. Mala kaburu-soe le nyɔ la.

2 Samuwɛli 14:26

A si a kunyɛ tɛgɛ min kɛ san la iko kelen, a kun-sigi si gbiri ha ka yanya a kuma. A kun-sigi madɛnnɛ wonubɛ yi kalon-talɛla gbiliyɛ rakɛn de!

2 Samuwɛli 24:24

Kɔnɔ Mansa Dawuda ya a fɔ a ye ko, “Fɔ n ba anu san i ma le serr, bawo ni n ma wusi tirindi fan minna ko la, n ti wo di nta Mari Alla ma.” A ya gbere-kole wonubɛ sara-ninki wonu san wodi-gbɛ-gbu bi-loli la.

Yobu 28:15

Mɔgɔ ti ko-kɔrɔ-lɔn san sɛnɛ la. Mɔgɔ ti hɛnkilimayɛ san wodi-gbɛ la.

Bɔ-Koe-Iyipiti 30:13

Wo ye minnu mala wo niyi-kunka-fan la, wo le kɛnu na. Wo ni wodi-gbɛ wo mɔlɔn tɛgɛ a kilɛ fɛ iko a di nde, Mari ye nya min. Mɔgɛ bɛɛ ni wodi-gbɛ kɛ bɔ minna gbiliyɛ manɛ iko wodi-mɛlɛn kelan.

Yɛrɛmaya 32:10

N ya kɛdi wo gba yɛlɛman dugi wola ko la ka n tɔgɛ sɛbɛ a kɔrɔ ka nta mandan sa a ma sereyɛnu yala. Wo kɔma, n ya wodi-gbɛ wo suman ka a gbiliyɛ lɔn.

Yɛrɛmaya 32:9

N ya wodi-gbɛ-gbu tan-ni-wɔrɔnfila bɔ ka dugi wo san a ma.

Isikiyɛli 45:12

“Wo wa fenna gbiliyɛ suman, wo dɔgɔmani mogan gbiliyɛ si bɛn a bɛnmata kelen ma. A bɛnmatɛ gbiliyɛ fanan bi-wɔrɔ si bɛn a kinama kelen ma. A kinamɛ-nya tanta gbiliyɛ anubɛ yi kalɔn kelanla gbiliyɛ rakɛn de!

Sakaraya 11:12

Nde, Sakaraya ya a fɔ anu ye ko, “Ni n sara-sɔgɛ ye wo la, wo ni n sara. Ni n sara-sɔgɔ sa wo la, awa, tana ma.” Wo le ya a ma, anu ya n sara wodi-gbɛ-gbu bi-sawa pe la.

Matiyu 7:12

“Alla ya tɔn min di Nɛbi Musa ma anubɛ nɛbinuta karan, wo kɔrɛ le kɛ la ko, ‘Wo ye a fɛ, mɔgɛ donu ni min ma wo ye, wole fanan ni wo ma anu ye.’

Kɛwɔlɛnu 7:16

Mɔgɛ wonu tara anu furinu na ha Sɛkɛm soe burɔ. Anu ya anu togon kanbɛ wo rɔ Iburayima ya min san Hemorila dannu ma.

Romu 13:8

Mɔgɔna-yili kana to i la fɔ yili kelen pe, wo le ka ma nyɔgɔn keni. Min ba a ta-nyɔgɛ keni, wo ara tɔn-kitabu bɛɛ kanbali.

Filipai 4:8

Ala ban, n na-kelen-nyɔgɛnu, tonyɛ ye koe min bɛɛ la wo, tantolɛ ye min tɔ wo, koe min bɛɛ telennɛ wo, koe min bɛɛ sɛnima wo, koe min bɛɛ kin wo, koe min bɛɛ bɛnnɛ wo, koe min bɛɛ kɛndɛ wo, gbiliyɛ ye min bɛɛ rɔ wo, wo ni wo hɛnkili to wonu denu ma tolon!

1 Tɛsalonaika 4:6

Nba, koe kɛnu tɔ, mɔgɔ-wo-mɔgɔ kana ko-yogomɛ ma a na-kelen-nyɔgɛ la, ni wo ma, ka baga a ma. Ma ara a fɔ wo ye nun ka a lagbɛlɛya wo kuma gben! Minnu bi ko-yogoma-su wonu kɛla, Mari si wonu tɔrɔ.