Ko-Dabirɛnu 22:9 - ALLALA KUMƐ

⁹ Anu ke nyɔ, Iburayima ya saraka-mintan-tinɛ sɔ kɔnkɛ wo kuma ka sɔgɛ ladɛn wo kuma. Wo kɔma, a ya ala den Isiyaka kiri ka wo sa sɔgɛ wo kuma nyɔ rɔ.

Ko-Dabirɛnu 22:9 ပူးပေါင်းရင်းမြစ်များ

Ko-Dabirɛnu 12:7

Mari bɔra gbɛ rɔ Burama ye, a ko, “N bi nyamanɛ min dila i sibolenu ma, wo le kɛ la.” Woletɔ Burama ya saraka-mintan-tinɛ sɔ Mari ye nyɔ.

Ko-Dabirɛnu 12:8

Wo kɔma, a bɔra nyɔ ka ta Bɛtɛli soe tele-bɔɛ wara la kɔnkɛnu siya kan min. Anu ya anu daga makɛ Bɛtɛli soe anubɛ Eyai soe tɛma. A ya saraka-mintan-tinɛ do fanan sɔ Mari ye nyɔ. A ya baraka bira a ye ka a bato.

Ko-Dabirɛnu 13:18

Burama ya ala dagɛ wayan ka ta a daga makɛ Mamirela kɔlɔma-kuru-latankanɛ donu kɔrɔ minnu bi Hiburɔn soe dafɛ. A ya saraka-mintan-tinɛ do sɔ Mari ye nyɔ.

Ko-Dabirɛnu 22:10

Iburayima ya ala muri bi ka a layɛlɛ. A sɔgɛ ye a la ka ala dan wo faga

Ko-Dabirɛnu 22:8

Iburayima ya a yabi ko, “Nba, nna den, Alla si ma makoe nyinya ka sagɛ labɔ min si ma ala saraka-mintantɛ la.” Anu mɔgɔ filɛ bɛɛ tora tala anu nyɔgɔn fɛ.

Ko-Dabirɛnu 8:20

Nowa ya saraka-mintan-tinɛ sɔ Mari ye. A ya sogo-sɛnimɛ anubɛ kona-sɛnimɛ donu bi ka wonu mintan gburr, ka wonu ma sarakɛ la Mari ye nyɔ.

1 Mansɛnu 18:33

A ya sɔgɛ ladɛn saraka-mintan-tinɛ wo kuma. Wo kɔma, a ya turɛ wo boso ka wo ladɛn sɔgɛ wo kuma. A ko, “Wo ni bɔnku-daga nani lafa yi la ka wonu tawiya soge anubɛ sɔgɛ kɛ kuma.” Anu ya wo ma.

Yaburi 118:27

Mari le Alla la. A nyimayanɛ ma ma. Tin-yanbɛnu ni taran wo bolo la ladiyɛ kuma. Wo ni saraka-mintan-tinɛ lafoo tin-yanbɛ ye wo bolo la.

Matiyu 27:2

Anu ya a kiri yɔlɔkɛ la ka ta a don Romu kun-tigi Pailɛti bolo.

Maraka 15:1

Tiriyante wo rɔ, subaga-dɛ ma, saraka-masɔla-wɛnu anubɛ Yahudiya-kɛmɔgɛnu anubɛ tɔn-karan-mɔgɛnu anubɛ mɔgɔ-ba-toe bɛɛ ya anu nyɔgɔn nadɛn ka sɔn Yisa faga-koe ma. Anu ya Yisa kiri ka ta a don Pailɛti bolo.

Kɛwɔlɛnu 8:32

A ye min karanna nun Allata kitabu rɔ, wo le kɛ la. A sɛbɛnɛ ko, “A madenɛ iko anu bi nala saga-dan min mala sarakɛ la. A radenɛ don iko anu bi nala sagɛ min siyi matɛgɛla. Hali da fa kelan, a ma tɛgɛ.

Kalesiya 3:13

Nba, Kirasiti sɔnta mala dankɛ bila min kɛ, a ya ma hɔrɔya mala dankɛ wo ma min sɛbɛnɛ tɔn-kitabu rɔ. A sɛbɛnɛ Allala kitabu rɔ ko, “Mɔgɔ-wo-mɔgɔ furi dunnɛ kɔlɔma la, wo tigi ye Marita dankɛ kɔrɔ”

Ɛfɛsa 5:2

Wo ni wo nyɔgɔn keni iko Kirasiti ya wo keni nya min. A ara a nyɛrɛ niyi ma sarakɛ la malela ko la iko sarakɛ min sumɛ si a diya don Alla rɔ.

Hiburunu 9:28

Kirasiti fanan mara sarakɛ la wo nya na le iko kelen pe. A ya mɔgɔ siyamanta hakɛ dunɛ bi anu ye. A wa na a fila nyɔgɛ rɔ, a sa nala hakɛla ko la tun. Minnu bi gbaranna a na-koe la, a si wonu denu kisi.

Yemesi 2:21

Ma benba Iburayima telenta Alla ye kilɛ nyuman fɛ? Wo kɛra ala kɛwɔlɛnu fɛ wo tumɛ a ya ala den Isiyaka bɔ sarakayɛ la saraka-bɔ-tinɛ kuma.

1 Pita 2:24

Male ya hakɛ min bɛɛ kɛ, Kirasiti nyɛrɛ ya wo dunɛ bi a nyɛrɛ-fɛrɛ-bɔnkɛ rɔ kɔlɔma ma alako ma ni hakɛ boloka ka ko-telennɛ kɛ. Ala bosa-gbɛ le ya a ma, ma ara kɛndɛyɛ sɔrɔn.