Ko-Dabirɛnu 22:1 - ALLALA KUMƐ

¹ Wati tenbinɛ, Alla ya Iburayima kele alako a ni a kɔrɔbɔ. A ya a fɔ a ye ko, “Iburayima.” Iburayima ya a labira, a ko, “O-o.”

Ko-Dabirɛnu 22:1 ပူးပေါင်းရင်းမြစ်များ

Ko-Dabirɛnu 15:1

Kɛlɛ kɛnu kanɛ a la, Mari ya a yiraka Burama la. A ya Mari kuman-kan lamɔɛn ko, “Burama, i kana kilan. Nde si i latanka ka i barayi boi!”

Ko-Dabirɛnu 21:11

Kumɛ wo ma diya Iburayima ye mumɛ bawo den filɛ wo bɛɛ rakɛn a ye.

Ko-Dabirɛnu 22:11

kɔnɔ Mari ya a felen melika la. A ya a rakele san-kole rɔ iko fila, a ko, “Iburayima, Iburayima.” Iburayima ko, “O-o, n bi yan.”

Ko-Dabirɛnu 22:7

Isiyaka ya a fa rakele. A fa ya a labira. Isiyaka ko, “N fa, tɛ anubɛ sɔgɛ ye ma bolo saraka-mintantɛla ko la kɔnɔ saga-dan wo ye mintɔ?”

Ko-Dabirɛnu 37:13

Yakoba ya a fɔ Yusufu ye ko, “I kɔrɔnu bi kolo-fannu de-nyinina Sɛkɛm dafɛ. A sɔgɛ ye n na, n ni i sɔ anu bara.” Yusufu ya a fɔ a fa ye ko, “Awa, ale le wo la. N si ta.”

Ko-Dabirɛnu 46:2

Alla ya ko-rayirɛ kɛ Yakoba ye suyi rɔ ka a rakele. Yakoba ya a labira.

2 Samuwɛli 24:1

Mari fonde bɔra Isirɛla mɔgɛnu ma tun, woletɔ a ya a ma, Mansa Dawuda ya anu yakɔrɔ-mamɔ. Mari ya a fɔ Mansa Dawuda ye ko, “Ta Isirɛla nyamanita-mɔgɛnu anubɛ Yuda nyamanita-mɔgɛnu dan ka anu yatɛ lɔn.”

2 Ko-Kɔrɔta-Karan 32:31

Hali Babilɔn mɔgɔ-banu nara tumɛ min ka a manyinika tamasere wo ma min bara kɛ ala nyamanɛ rɔ, Alla ya a bɔ a fɛ alako a ni a lɔn a yisi ye nya min.

Yaburi 11:5

A ye mɔgɔ-nyimɛnu anubɛ karagbɛlɛnu fɛsɛfɛsɛla nya-kun-kelen. Wunduyogoyɛ di minnu ye, wonu fenfen ma di a ye.

Bɔ-Koe-Iyipiti 16:4

Mari ya a fɔ Musa ye ko, “N si dɔn-fan do layigi wo ma ka bɔ san-kole rɔ. Mɔgɛnu si dɔn-fan min ban tele kelan kɔrɔ, anu ni wo le dɔrɔn bi tele-wo-tele. N si anu kɔrɔbɔ kɛ rɔ ni anu si n kuman-kan latɔnbagaya, ka, ni anu ti a latɔnbagaya.

Bɔ-Koe-Iyipiti 3:4

Mari ya a yen min kɛ ko ale Musa ara ta ko ragbɛ tinɛ nyɔ, Alla ya a kan nabɔ a ma ka bɔ kɔlɔma wo rɔ. A ko, “Musa, Musa.” Musa ko, “Yon bi n takelela?”

Hɛnkilimaya-Kumɛnu 17:3

Sɛnɛ anubɛ wodi-gbɛ kɔrɔ si bɔ tɛ rɔ kɔnɔ Mari le si mɔgɔ yisi kɔrɔbɔ.

Aiseya 6:8

Wo kɔma, n ya Mari kan lamɔɛn ko, “N si yon sɔ? Yon si ma mala kilayɛ la?” Nde ya a fɔ ko, “Nde sɔ, n si ta le!”

1 Kɔrɛnti 10:13

Kɔrɔbɔlɛ wa kɛ wo ma tumɛ min, wo ni wo yili to kɛ ko ko kɔrɔbɔlɔ-su wo duruta kɛla mɔgɔ-gbɛrɛnu fanan na. Alla ti nyina ala lanyiri-kirinɛ ko. A ti sɔn kɔrɔbɔlɛ su-wo-su ni ke wo ma, wo ti min nɔ. Kɔnɔ kɔrɔbɔlɛ wa kɛ wo ma tumɛ min, a si kilɛ yira wo la alako wo si a nɔ nya min.

Tɔn-Fɔɛ-Fila-Nyɔgɛ 13:3

wo kana wo tole masɔ a la. Ko-sufa wonu si ma wo kɔrɔbɔ-koe le la wota Mari Alla bolo ka a lɔn ni wo ya ale Alla keni wo yisi bɛɛ la.

Tɔn-Fɔɛ-Fila-Nyɔgɛ 8:16

Wo ye wula-da-rakolɔn tumɛ min, a ya ata biredi di wo ma nyɔ, hali wo benbanu ma min dɔn fɔlɔ nun. Mari ya gbɛlɛyɛ lana wo kuma ka wo kɔrɔbɔ. Wo dama wa tenbi wo kuma tumɛ min, a si ata duwɛ layigi wo kuma worɔ ka wo makoenu nyinya.

Tɔn-Fɔɛ-Fila-Nyɔgɛ 8:2

Wo ni wo miri de Mari sɔra wo yarɔ wula-da-rakolɔn kɛ rɔ san bi-nanɛ kɔrɔ. Mari ya yakɔrɔ-mamɔɛ lana wo kuma ka wo mafɛlɛn ka a lɔn ni wo ye nya min, ni wo si ala tɔnnu bira le.

Hiburunu 11:17

Alla ya Iburayima kɔrɔbɔ tumɛ min, dɛnkɛninyɛ le fɛ, Iburayima ya ala dan Isiyaka ma sarakɛ la. Alla ya lanyiri kiri Iburayima ye kɔnɔ hali wo, a rabɛnnɛ hali ka ala dan ma sarakɛ la.

Yemesi 2:21

Ma benba Iburayima telenta Alla ye kilɛ nyuman fɛ? Wo kɛra ala kɛwɔlɛnu fɛ wo tumɛ a ya ala den Isiyaka bɔ sarakayɛ la saraka-bɔ-tinɛ kuma.

1 Pita 1:7

Kɔrɔbɔlɛ wonu kɛ-kunyɛ le ka wola dɛnkɛninyɛ mayira ko tonyɛ le. Hali sɛnɛ min ti ke tinyala, a boe si bɔ a bɛrɛ ya la tɛ la. Wola dɛnkɛninyɛ fanan bi wo nya na le min tenbira sɛnɛ la pirr! Fɔ wola dɛnkɛninyɛ fanan kɔrɔ ni bɔ alako a si kun wo rɔ nya min. Yisa Kirasiti wa bɔ gbɛ rɔ tele min tɔ, wole si tantolɛ anubɛ gbiliyɛ anubɛ bonyɛ sɔrɔn worɔ.

Kɛlɛ-Kurugbɛnu 2:22

Mari ko tun, “N si anuna kuma-birɛ mafɛlɛn sibolo-gbɛrɛnu fɛ ni wole Isirɛla mɔgɛnu bi n fɛ iko wo benbanu bi n fɛ nya min nun.”

1 Samuwɛli 3:4

Mari ya Samuwɛli takele. Samuwɛli ya a labira, a ko, “O-o.”