Ko-Dabirɛnu 21:31 - ALLALA KUMƐ

³¹ Woletɔ kan tinɛ wo tɔgɛ sara ko Biri-Siba kamasɔrɔn anu mɔgɔ filɛ bɛɛsi ya anu keli Alla yala nyɔ.

Ko-Dabirɛnu 21:31 ပူးပေါင်းရင်းမြစ်များ

Ko-Dabirɛnu 21:14

Woletɔ Iburayima ya a lasɔ subaga dɛ ma ka a fandɛ anubɛ yi-gbolo-bɔrɛ don Hega bolo. Wo ya yi-bɔrɛ dun a kɛɛ la. Iburayima ya Hega anubɛ ala dan Sumanyila lata anu kun fɛ. Anu tara ka to yilan-yilanna Biri-Siba wulɛ rɔ.

Ko-Dabirɛnu 21:32

Anu ban lanyiri kirila anu nyɔgɔn tɛma, mansɛ wo anubɛ ala kɛlɛ-kurugbɛ Fikoli ya anu nasɔ ka sɛgi anu barɛ Kirari soe burɔ Filisitinu bi kan min.

Ko-Dabirɛnu 26:23

Wo kɔma, Isiyaka bɔra nyɔ ka ta Biri-Siba soe burɔ.

Ko-Dabirɛnu 26:31

Sɔgɔma subaga, anu ya anu nasɔ ka lanyiri kiri ka anu nyɔgɔn nasɛ. Isiyaka ya anu kɔndɔn. Anu farata diyanayɛ rɔ.

Ko-Dabirɛnu 26:33

A ya kɔlɔn wo tɔgɔ sa Biri-Siba. Wo kɔrɛ le, “Lanyiri-Kɔlɔn.” Woletɔ ha bi, soe wo tɔgɛ le Biri-Siba.

Ko-Dabirɛnu 46:1

Yakoba wulita ka a bolo-fannu bi ka ta. A kera Biri-Siba soe burɔ tumɛ min, a ya sarakɛnu bɔ a fa Isiyakata Alla ye nyɔ.

2 Samuwɛli 17:11

Nde, Husayi si min fɔ wo ye worɔ, i ni kilayɛ lata Isirɛla tonko nanɛ bɛɛ rɔ ko anu ni anu kundɛn kan-tina-kelen. Wo si a ma, ma ni siyaya iko ba-kɛnkɛn. Ma wa wuli tala kɛlɛ rɔ, ile Abasalɔm nyɛrɛ-nyɛrɛ si sɔ ma yarɔ.

2 Samuwɛli 24:7

Wo kɔma, anu bɔra nyɔ ka ta Taya soe burɔ, tarɛ mininɛ min ma dugula wara la. Wo kɔma, anu bɔra nyɔ ka ta soe wonu burɔ minnu bi Hefanu anubɛ Kenannu bolo nun. Anu tara a laban Biri-Siba soe ma min bi Yuda nyamanɛ dugula wara la.

1 Mansɛnu 19:3

Nɛbi Ilaya kilanta dɔgɔma-ma-de! A ya a buri. Anubɛ ala wɔli-kɛlɛ tara Biri-Siba soe burɔ Yuda nyamanɛ rɔ. Anu ke nyɔ, a ya ala wɔli-kɛlɛ wo to nyɔ.

1 Mansɛnu 4:25

Ata wati rɔ, Yuda mɔgɛnu anubɛ Isirɛla mɔgɛnu tora yisi-kimɛ rɔ. Ala nyamanita-mɔgɛ bɛɛsi tora sewɛ rɔ ala mansaya-wati bɛɛ kɔrɔ. Dɔn-fen ma dasa ala nyamanita-mɔgɛ wo do-wo-do ma.

Nihɛmaya 11:27

anubɛ Hesa-Suwali anubɛ Biri-Siba soenu tɔ anubɛ nyɔ-dafɛ-so-mɛsɛnu tɔ.

Emɔsi 5:5

Mari ko wo kana ta Kiligali a bato tinɛ tun iko wo duruta a mala nya min nun fɔlɔfɔlɔ bawo nyɔ si ma don-dɛ la wo ye ka don yɔɔnyɛ rɔ. Wo kana ta Bɛtɛli soe fanan tɔ min tɔgɔ-kɔrɛ le ‘Marita Bɔn’ bawo nyɔ si ma nyinɛnuna bɔn la. Hali wo ma ta Biri-Siba ka Mari bato wula-yan la.

Yasowa 15:28

Hesa-Suwali, Biri-Siba, Bisiyɔtiya,

Kɛlɛ-Kurugbɛnu 20:1

Isirɛla bɔnsɔn tan-ni-kelan bɛɛsi ya anu kundɛn ka a dabira Dan soe ma kan tɔ, ha ka ke Biri-Siba soe ma dugu la, hali minnu bi Kaliyadi nyamanɛ rɔ tele-bɔɛ wara la. Anu damasi ya anu kundɛn Mari yakɔrɔ Misipa soe burɔ.