Ko-Dabirɛnu 21:23 - ALLALA KUMƐ

²³ Woletɔ i keli Alla yala ko ni i ti mabɛ nna dannu yanfa anubɛ n mamanɛnu. Kɔnɔ iko n bara ko-nyimɛ kɛ i ye nya min, i yandi, i ni a kɛ mabɛ nna dannu ye wo nya na le. Fananta i ye nyamanɛ kɛ rɔ, i ni to a fɛ-birala a kilɛ fɛ.”

Ko-Dabirɛnu 21:23 ပူးပေါင်းရင်းမြစ်များ

Ko-Dabirɛnu 20:14

Mansɛ wo ya Iburayimala musi Sira lasɛgi a ma. A ya yɔɔnnu anubɛ kolo-fannu di a ma fanan wo wati rɔ.

Ko-Dabirɛnu 21:24

Iburayima ya a fɔ a ye ko, “A ye mabɛ Alla tɛma.”

Ko-Dabirɛnu 24:3

ka i keli n ye Mari Alla yala min ya san-kole anubɛ dugu-kole dan, ni i si na Kenan dunmusi do nyini nna dan ye ma siginɛ minnu tɛma yan kaka.

Ko-Dabirɛnu 26:28

Anu ya a fɔ ko, “Ma ara a lɔn serr, ko Mari ye i fɛ. Woletɔ ma ni lanyiri kiri ma nyɔgɔn tɛma ko

Ko-Dabirɛnu 31:44

woletɔ ma ni lanyiri kiri ma mɔgɔ filɛ tɛma. Ma ni kuri ladɛn anu nyɔgɔn kuma yan. Kuru-ladɛnnɛ wo si ma sereyɛ la mabɛ ile tɛma.”

Ko-Dabirɛnu 31:53

Alamɛ i benba Iburayima anubɛ n fa Nehorinuta Alla anubɛ wonu fanan fata Alla ya kiti tɛgɛ mabɛ ile tɛma.” Yakoba ya a keli a berin ye a fa Isiyakata Alla yala.

Ko-Dabirɛnu 39:3

A tigi wo ya a yen ko Mari ye Yusufu fɛ koe bɛɛ rɔ bawo Yusufu wa a bole don fenfen tɔ, Mari si wo lasabati.

Ko-Dabirɛnu 47:31

A fa Yakoba ko, “Ni i ya a lɔn a ti tinya, na i keli n ye bɛrɛbɛrɛkɛ!” Yusufu ya a keli. Nba, Yakoba ya baraka bira Alla ye ala sa-fan kuma.

Yɛrɛmaya 4:2

Ni wo ya wo keli Mari kelan rɔ, wo kɔma ka lanyiri wo kanbali, sibole bɛɛ si duwɛ sɔrɔn wo lela ko la, ado anu si to ale Mari matɔgɔla ala ko-ladannɛnuna ko la.

2 Kɔrɛnti 1:23

Alla le n sere la. A ya n yisi lɔn! Ka a tɛgɛ wola kinikinɛ ma, n ya a latɛgɛ ko n kana na Kɔrɛnti soe burɔ nun alako n kana a lagbɛlɛya wo kuma.

Tɔn-Fɔɛ-Fila-Nyɔgɛ 6:13

Wo ni wola Mari Alla gbiliya ka ale kelen pe bato. Wo kana lanyiri kiri fenfen ye fɔ ale Alla kelen pe tɔgɛ rɔ.

Hiburunu 6:16

Kɔnɔ hadama-dan tenbi a kelila tumɛ min, a si a keli mɔgɛ do rɔ min kolo ale ko. Kelili wo si a ma, sɔsɔlɛ bɛɛ ni ban anubɛ mɔgɛnu tɛma worɔ.

Yasowa 2:12

Kaka, n bi a fɔla wo ye ko wo ni wo keli wola Mari rɔ ko n si la tamasere min na, wo ni wo yira n na. Wo ni mabɛ nna kebilɛ rabira iko n ya wo rabira nya min.

1 Samuwɛli 20:13

Kɔnɔ ni ila ko-diya sa a rɔ, ado ko-yogoma ma-sɔgɛ ye a la i wara la, ni n ti i lalɔn alako i ni i buri, alamɛ Mari ya n faga worɔ. Alamɛ Mari tora i fɛ iko a taranta n fa fɛ nya min nun.

1 Samuwɛli 20:17

Bawo Dawuda di Yonatan ye iko a nyɛrɛ, woletɔ a ya a ma, Dawuda ya lanyiri sufa wo kiri a ye.

1 Samuwɛli 20:42

Yonatan ya a fɔ Dawuda ye ko, “Alamɛ Alla tora i fɛ. Malebɛ ile sarata min ma ma nyɔgɔn tɛma kɛ la, Mari si wo latɔnbagaya ma mamanɛnu tɛma burubukai!” Dawuda tara a kun fɛ. Yonatan tara soe.

1 Samuwɛli 30:15

Dawuda ya keminɛ wo manyinika, a ko, “Minnu tara bui soe kɛnu ma, i ti mɔgɛ wonu yira n na?” Keminɛ wo ya a fɔ a ye ko, “N si a ma kɔnɔ fɔ i wa i keli n ye Alla la, ni i ti n faga, ni wo ma, ka n don nna kun-tigi bolo tun.”