Ko-Dabirɛnu 21:17 - ALLALA KUMƐ

¹⁷ Alla ya Sumanyila fanan di-kɛ-kan lamɔɛn. Allata melika kuman-kan bɔra san-kole rɔ ka Hega rakele ko, “Hega, i yisi tɔrɔnɛ i ma nfenna? I kana kilan kamasɔrɔn i ya ila dan to sanɛ kan min, Alla ye a di-kɛ-kan lamɔɛnna nyɔ.

Ko-Dabirɛnu 21:17 ပူးပေါင်းရင်းမြစ်များ

Ko-Dabirɛnu 15:1

Kɛlɛ kɛnu kanɛ a la, Mari ya a yiraka Burama la. A ya Mari kuman-kan lamɔɛn ko, “Burama, i kana kilan. Nde si i latanka ka i barayi boi!”

Ko-Dabirɛnu 16:11

I si den-kei sɔrɔn. I si a tɔgɔ sa Sumanyila kamasɔrɔn nde, Mari ara ila tɔrɔyɛ di-kɛ-kan namɔɛn. Sumanyila wo kɔrɛ le ko, ‘Alla si ko lamɔɛn.’

Ko-Dabirɛnu 16:7

Mari nara melikala muninyɛ rɔ ka Hega wo yen tenke dafɛ wulɛ rɔ, tenke min bi Sura wularɔ-kilɛ la, kɔni.

Ko-Dabirɛnu 16:8

Melika wo ya a fɔ a ye ko, “Ile Sirayila yɔɔn-musi, Hega, i bɔnɛ mintɔ? I ye tala mintɔ?” A ko, “N bi n burila n tigi Sirayi kɔrɔ.”

Ko-Dabirɛnu 16:9

Melika wo ya a fɔ a ye ko, “Sɛgi i tigi wara ka i nyɛrɛ lasɔnnaya a ye.”

Ko-Dabirɛnu 22:11

kɔnɔ Mari ya a felen melika la. A ya a rakele san-kole rɔ iko fila, a ko, “Iburayima, Iburayima.” Iburayima ko, “O-o, n bi yan.”

Ko-Dabirɛnu 24:7

San-Kole-Mari-Alla min ya n nabɔ n fala bɔn la ka n nabɔ n sɔrɔn-nyamanɛ rɔ fanan, wo le ya lanyiri kɛ kiri n ye gben, ko a si nyamanɛ kɛ di n bɔnsɔn ma. Alla si ata melika sɔ i yarɔ alako i si musi sɔrɔn nna dan ye nyɔ nya min.

Ko-Dabirɛnu 26:24

A ke nyɔ wo suyi rɔ, Mari bɔra a ye gbɛ rɔ. A ko, “I fa Iburayimata Alla le nde la. I kana kilan kamasɔrɔn n bi i fɛ. N si nta duwɛ layigi i kuma ka i bɔnsɔn lasiyaya nta wɔli-kɛlɛ Iburayimala ko la.”

Ko-Dabirɛnu 46:3

Alla ko, “Alla le nde la, i fata Alla, kɔni. I kana kilan ka ta Iyipiti nyamanɛ rɔ kamasɔrɔn n si i bɔnsɔn lasiyaya nyɔ.

2 Mansɛnu 13:23

Kɔnɔ hinɛ anubɛ kinikinɛ ye Mari rɔ. A ma sɔn Isirɛla mɔgɛnu nato-koe ma. A ya anu dɛnbɛ bawo a ara sarama-kan kiri Iburayima anubɛ ala den Isiyaka anubɛ wola den Yakoba ye nun, ado ha kaka, a ma nyina ala mɔgɛnu ko.

2 Mansɛnu 13:4

Wo kɔma, Mansa Yɛhowahasi ya a kan nabɔ Mari ma. Mari sɔnta ala kan-nabɔɛ ma bawo a ya Isirɛla mɔgɛnuna tɔrɔya-nya yen Siriya mansɛ bolo.

Yaburi 10:14

Kɔnɔ Alla, i ye yakɔrɔ-mamɔɛ anubɛ tɔrɔyɛ rayenna i kolan le la. I ye mɔgɛnu dɛnbɛna wati bɛɛ. Min ti ke a nyɛrɛ kumafunfanna, wo si a nyɛrɛ latenbi ile Mari ma. I ye bolo-kolɔnnu dɛnbɛna wati bɛɛ rɔ.

Yaburi 50:15

Tɔrɔyɛ wa na wo ma, ni wo ya n kele, n si wo dɛnbɛ, ado wo si n gbiliya.”

Yaburi 6:8

Wole ko-yogoma-kɛlɛnu, wo ni wo bɔ n fɛ bawo Mari ara n di-kɛ-kan lamɔɛn.

Yaburi 65:2

bawo i ye mala madiyalɛnu namɔɛnna. Bɛɛ si na i wara

Yaburi 91:15

A ko anu ba a rakele, a si a labira. Anu tenbi yakɔrɔ-mamɔɛ rɔ, a ye anu fɛ. A ko a si anu nakisi ka a ma, anu ni gbiliyɛ sɔrɔn.

Bɔ-Koe-Iyipiti 14:13

Musa ya a fɔ mɔgɛnu ye ko, “Wo kana kilan. Mari si na wo tanka nya min bi, wo ni wo sɔ ka wo ragbɛ. Wo si ma sereyɛ la wo ye. Wo ara Iyipiti kɛ minnu yen kɛ la, wo ti wonu yen kɛ kɔma tun.

Bɔ-Koe-Iyipiti 22:23

Ni wo ya anu tɔrɔ, anu di-kɛ-kan ni ke n ma,

Bɔ-Koe-Iyipiti 22:27

bawo wo kelan pe le ye a bolo. Ni wo sa nyɔ, a si nfen burun a ma? Ni burun-kura-tigi wo dira n dala tumɛ min, n si a di-kɛ-kan lamɔɛn kamasɔrɔn n si kinikini mɔgɔ-sufa wo ma.

Bɔ-Koe-Iyipiti 3:2

Mari nara melikala muninyɛ rɔ. A ya a sigi kɔlɔma-nɛ do rɔ iko ta-mɛlan. Musa ya a mafɛlɛn, tɛ ye kɔlɔma wo la kɔnɔ a sa a mintanna.

Bɔ-Koe-Iyipiti 3:7

Mari ya a fɔ ko, “Nta mɔgɛ minnu bi Iyipiti, n bara wonuna tɔrɔyɛ yen yati! Anuna wɔli-kunyɛnu bi min mala anu na, n bara wo lɔn ka anu di-kɛ-kannu namɔɛn. N bara anuna yisi-lafinyɛ lɔn.

Aiseya 22:1

Sarakanɛ kɛ nanɛ lɛɛla ko la min bi Yerusalɛm tɔgɔ fɛ. A tɔgɛ le Ko-Rayira-Lɛɛ. Nfen bi ma-tinɛ wo la? Wole so-burɔ-mɔgɛnu, wo ye nfen sewala wola bɔnnu kuma?

Aiseya 41:10

Wo kana kilan bawo a ye wo fɛ. Bawo wota Alla le ale la, wo kana kilan fenfen na. A si wo ragbɛlɛya ka wo dɛnbɛ. A si wo latanka ka wo kisi.

Matiyu 15:32

Yisa ya ala karan-dannu kele a wara ka a fɔ anu ye ko, “N bara kinikini mɔgɛ kɛnu ma bawo anu bara tele sawa kɛ n fɛ. Nba kaka, dɔn-fen sa anu bolo. A ma di n ye ka anu nata, ni n ma anu de-nyini fɔlɔn. Anu tenbi tala anu barɛ, tumado anu si kirɔn-a-la kilɛ la.”

Maraka 5:36

Anu ya min fɔ, Yisa ma a tole masɔ wo la fɔ ka a fɔ Yairasi ye ko, “I kana kilan. Dɛnkɛninya tun!”

Tɔn-Fɔɛ-Fila-Nyɔgɛ 26:7

Ma ya ma kan nabɔ ma benbanuta Alla ma ka di a dala. Mari Alla ya ma di-kɛ-kan lamɔɛn. A ya ma tɔrɔyanɛ yen.

Kɛlɛ-Kurugbɛnu 18:23

anu ya anu takele. Dan bɔnsɔn wonu ya anu tintan anu na ka Maika manyinika, anu ko, “Nfen mara i wara mɔgɔ-siyamɛ kɛnu nadɛn ma kan ma?”

1 Samuwɛli 11:5

Wo ya a taran, Mansa Sɔli anubɛ ala sara-ninkinu bi nala ka bɔ sɛnɛ rɔ. A ya nyinikalɛ sa, a ko, “Nfenna mɔgɛnu bi dila?” Anu ya kilayɛ wo lakɛ ale fanan ma.