Ko-Dabirɛnu 21:15 - ALLALA KUMƐ

¹⁵ Anuna yi banta gbolo-bɔrɛ wo rɔ tumɛ min, Hega ya ala dan wo to sani kɔlɔma-nɛ do kɔrɔ.

Ko-Dabirɛnu 21:15 ပူးပေါင်းရင်းမြစ်များ

Ko-Dabirɛnu 21:14

Woletɔ Iburayima ya a lasɔ subaga dɛ ma ka a fandɛ anubɛ yi-gbolo-bɔrɛ don Hega bolo. Wo ya yi-bɔrɛ dun a kɛɛ la. Iburayima ya Hega anubɛ ala dan Sumanyila lata anu kun fɛ. Anu tara ka to yilan-yilanna Biri-Siba wulɛ rɔ.

Ko-Dabirɛnu 21:16

A tara a sigi wula-yan la kamasɔrɔn a ko, “N kana nna dan kɛ yen fagala.” A tora dila nyɔ dan wola ko la biribiri!

1 Mansɛnu 17:12

Musi wo fanan ya a fɔ a ye ko, “A ye mabɛ ita Mari Alla-nimɛ tɛma, biredi-wo-biredi sa n bolo. Min bi n bolo nyɔ kaka, fɔ dɛgɛ-munke bolo-nya kelen anubɛ tulu pɛtɛpɛtɛ-ni! Wo ye n bolo bɔnku-daga-nɛnu tɔ. N nara sɔgɔ kɛ nyini tinɛ le alako n ni ta dɛgɛ-munku-nɛ wo ladan mabɛ nna dan ye. Mala dɔn-fen-laban le wo la. Ma wa ban a dɔnna tumɛ min, ma si sigi ka sayɛ makɔnɔ.”

2 Mansɛnu 3:9

Isirɛla mansa wo, Yuda mansa wo, Idɔm mansa wo, wonubɛ anuna kɛlɛ-dannu wulita. Tele wɔrɔnfila, anu bi tagama-kilɛ ma. Min-kɛ-yi banta anu bolo. Yi-wo-yi ma to anu bolo hali anuna soeenu mintɛ.

Yaburi 63:1

E, Alla, nta Alla le ile la n si min bato. N bi surula i nyinina. I sɔgɛ ye n sɔndɔmɛ la. I sɔgɛ ye n fɛrɛ mumɛ la iko dugu-gbalanɛ ye nyinina yi ma nya min.

Aiseya 44:12

Siyaki wo si nɛgɛ-kundi do bi ka a ladon tɛ rɔ. A si kundu-wɛ bi ka a ratugu a sɛnbɛ la alako a ra ni bɛn yɔnyɔn! A tenbi wɔlɛ wo kun na, kan-nagbalɛ anubɛ kɔnkɛ anubɛ bandan ye ale forongbanna.

Yɛrɛmaya 14:3

Mɔgɔ-banu ba anu kɔrɔ-wɔli-kɛlɛnu nata yi-bi-tinɛ, wonu ti yi-wo-yi taran yi-denkɛ rɔ. Anu ba sɛgi anuna yi-bi-fan wonu takolɔn la, anu si anu yakɔrɛ dogon miliyɛ bolo dɔgɔma-ma-de! Anu si anu kunyɛ layigi yarabiyi bolo.