Ko-Dabirɛnu 20:7 - ALLALA KUMƐ

⁷ I ni kei wola musi lasɛgi a ma kaka kamasɔrɔn nɛbi le ale la. A si madiyali kɛ i ye alako i ni beli. Kɔnɔ ni i ma Sira lasɛgi ala kei ma, i ni a lɔn serr, ko wobɛ ila mɔgɛnu si faga, yɔ!”

Ko-Dabirɛnu 20:7 ပူးပေါင်းရင်းမြစ်များ

Ko-Dabirɛnu 12:15

Iyipiti mansɛla mɔgɔ-banu ya Sirayi yen tumɛ min, anu ya a matɔgɔ ale mansɛ ye. Anu ya Sirayi bi ka ta a la mansɛ wara.

Ko-Dabirɛnu 12:17

Kɔnɔ Mari ya kiraya-fitina-wɛ layigi ale mansɛ anubɛ ala denbayɛ kuma Buramala musi Sirayila ko la.

Ko-Dabirɛnu 2:17

Kɔnɔ fɔ ‘Ko-Nyimɛ-anubɛ-Ko-Yoge-Lɔn-Kɔlɔma’ gbɔɛ, i kana wo dɔn kamasɔrɔn ni i ya wo dɔn, i si faga serr!”

Ko-Dabirɛnu 20:3

Kɔnɔ suyi do rɔ, Alla ya a fɔ ale mansɛ ye kiyo rɔ ko, “Ile si na faga. I wara mɔgɔna-musi bi.”

Ko-Dabirɛnu 20:8

Woletɔ mansɛ wo ya a lasɔ subaga ma ka ala mɔgɔ-banu kele ka koe kɛ bɛɛsi rakaran anu ye. Mɔgɛ wonu kilanta kati!

Ko-Dabirɛnu 23:6

“I wɔlɔ matɔlɔ ma la bawo ma ya a lɔn ko Allata-mɔgɔ-yabɔnɛ le ile la ma tɛma. Kanba-hakikɛ minnu bi ma bolo yan tɔ, i ya lakalan. I ni wo kelen bi ka ila furi togon nyɔ. Ma fenfen ti ma ban kanba-sinnɛ dila i ma.”

2 Samuwɛli 24:17

Mansa Dawuda ya ale niyi-bɔ-melika yen. A ya a fɔ Mari ye ko, “Ko-tinyanɛ ye nde le la. Nde le wara ko-yogomɛ ma. Mɔgɔ-makinikininɛ kɛnu bara nfen ko-yogoma ma? A bɛnnɛ tɔrɔyɛ kɛ ni sigi mabɛ nna denbayɛ le la.”

1 Mansɛnu 13:6

Mansa Yɛrabowami ya a fɔ Allata mɔgɛ wo ye ko, “Ita Mari Alla matara n ye alako n bole kɛ ni sɛgi a gbɛ rɔ!” Allata mɔgɛ wo ya Mari matara. Ale mansɛ bole kɛndɛyara a gbɛ rɔ.

2 Mansɛnu 5:11

Neyaman ya wo lamɔɛn tumɛ min, a yisi bɔra. A tara a ye. Ale Neyaman tamatoe, a ye a fɔla ko, “Nde ya a lɔn nun ko nɛbi kɛ ye bɔla le nun n bara ka ata Mari Alla madiya n ye ka a bole dun nna kirayɛ kɛ kuma alako n ni kɛndɛya.

1 Ko-Kɔrɔta-Karan 16:22

A ko anu kana na ko ma ata mɔgɔ-yabɔnɛnu na. A ko anu kana na ko-yogoma ma ala nɛbinu fanan na.

2 Ko-Kɔrɔta-Karan 30:18

Min sanɛ wo kuma, minnu nara ka bɔ Ifɛrɛm anubɛ Manasa anubɛ Isakari anubɛ Sɛbulɔn bɔnsɔnnu tɔ, wonu mɔgɔ-siyaman ma anu nyɛrɛ sɛninya iko tɔn ya a fɔ nya min. Anu ma Kanan-Ko-Ladiyɛ kɛ a kilɛ fɛ! Wo le ya a ma, Mansa Hɛsakaya ya matarali kɛ anu ye, a ko,

Yobu 34:19

Ka a fɔ kun-tigi le mɔgɛ la, Alla ti kawa wo ma. A ti lafisayalɛ kɛ fen-tiginu anubɛ bolo-kolɔnnu tɛma bawo ale le ya anu dama dan.

Yobu 42:8

Wo ni ta tura wɔrɔnfila anubɛ saga-yigi wɔrɔnfila la Yobu ma alako wo ni anu ma sarakɛ la wo nyɛrɛ ye. Yobu si madiyali kɛ wo ye. N si ata madiyalɛ lamɔɛn alako n kana wo layarabi iko a bɛnta, wo ni yarabi nya min. Wo ma tonya fɔ n bara-koe rɔ iko ale Yobu ya tonyɛ fɔ n bara-koe rɔ nya min.”

Yaburi 25:14

Ile Mari diyana-mɔgɛ le tɔn-biralɛnu na. I ye ita sarama-kan yirala anu na.

Bɔ-Koe-Iyipiti 18:17

Yɛtiro ya a fɔ Musa ye ko, “I ye wɔlila nya min, wo gbɛlɛ. Ni i wɔlita wo nya na, wo ma kin.

Bɔ-Koe-Iyipiti 4:16

A si ma ila kuma-lakelɛ la mɔgɛ wonu ma. A si ma i dɛ la. Ile si to nde, Alla gbɛ rɔ. N ba min fɔ ile Musa ye, i si wo latenbi Aruna ma.

Bɔ-Koe-Iyipiti 7:1

Mari ya a fɔ Musa ye ko, “N si ile ma mansɛ wo yala iko nde, Alla. I kɔrɔ-kei si ma ita nɛbi la.

Yɛrɛmaya 14:11

Mari ya a fɔ nde, Yɛrɛmaya ye ko n kana a matara tun wole, Yudala hɛrɛ-sɔrɔn-koe la.

Yɛrɛmaya 15:1

Wo kɔma, Mari ya a fɔ nde, Yɛrɛmaya ye ko hali Nɛbi Musa anubɛ Samuwɛli ya madiyali-kɛ wole, Yuda mɔgɛnu ye, a ko a ti kinikini wo ma. A ko wole ni wo masɛgi a la fasi! Wo ni wo mata pon!

Yɛrɛmaya 27:18

Ni nɛbi-bɛrɛ le anu denu na, ado ale Marita kumɛ le ye anu da rɔ, a ko anu ni ale Alla Sɛnbɛ-Bɛɛ-Tigi madiya alako Bato-Bon-miran-toenu wo, a bolon-miran-toenu wo, a Yerusalɛm fen-kolomɛ toenu wo, wo fenfen kana ta Babilɔn nyamanɛ rɔ.

Isikiyɛli 3:18

Ni n ya a fɔ ko karagbɛlɛ do ye nala fagala, ile ma sɔn tala wo makawandila alako a ni bɔ a sɔn-yogomɛ wo da la ka kisi, ni wo fagara ko-yogomɛ wo kun na, ile hadama-dan gbɛ le wo la, ado n si i bira wo yili la, yɔ!

Isikiyɛli 33:8

Ni n ya a fɔ ko karagbɛlɛ do ye nala fagala, ile ma sɔn tala wo makawandila alako a ni a bɔ a sɔn-yogomɛ wo kun na ka kisi, ni a fagara ko-yogomɛ wo kun na, ile Isikiyɛli, i gbɛ le wo la, ado n si i bira wo yili la, yɔ!

Saraka-Masɔlɛnuta Tɔnnu 6:4

Ni mɔgɛ ya hakɛ kɛ sufanu kɛ, wo bɔɛ gbɛ rɔ, a tenbi kensunya-fan wo lasɛgila a tigi ma tumɛ min, a si do sa wo kuma. Ni a ya a mɔlɔn lɔn, a bɛnta a ni loli-loli lasɛgi minna ko la, a si wo ma wɔrɔ-wɔrɔ la.

Saraka-Masɔlɛnuta Tɔnnu 6:7

Saraka-masɔlɛ si kolo-fan wo bi ka a di Mari ma saraka-bɔlɛ hakɛla ko la. Sarakɛ kɛ si a hakɛ yamatogon. Mari si a makoto worɔ.” (1) Saraka-Mintantɛnu

Kɛwɔlɛnu 8:24

Saimon ya a fɔ Pita anubɛ Yɔni ye wo rɔ ko, “Wo yandi, wo ni Mari madiya n ye ko i wara min bɛɛ fɔ kɛ la, wo fenfen kana na ma n na.”

1 Kɔrɛnti 14:4

Min bi kan-gbɛrɛ fɔla, wo ye a nyɛrɛ le dɔrɔn dɛnbɛna kɔnɔ min bi Allala kumɛ fɔla, wo ye chɔchi bɛɛ le dɛnbɛna.

Hiburunu 1:1

Fɔlɔ-nun, Alla kumara ma benbanu ye wati siyaman anubɛ nya-siyaman ma nɛbinu baraka rɔ

Hiburunu 13:4

Mɔgɛ bɛɛ ni furi gbiliya. Keinubɛ musinu ni telen anu nyɔgɔn ye dɛɛ, ado Alla si sɔn-yogoma-tiginu anubɛ yɛlannu kiti.

1 Yɔni 5:16

Min ba a na-kelen-nyɔgɛ yen hakɛ kɛla, min ti a ma, a ni foo habadan-nimayɛ la, a ni Alla madiya mɔgɛ wo ye. Alla si niyi di hakɛ-tigi wo ma. Minta hakɛ ti a ma, a ni foo habadan-nimayɛ la, n bi wonu denu ma. Kɔnɔ hakɛ do ye nyɔ min si a ma, a ni foo habadan-nimayɛ la. N ma a fɔ ko wo ni Alla madiya wola ko la.

1 Samuwɛli 12:19

Anu ya a fɔ Samuwɛli ye ko, “N fa, i yandi. Ita Mari Alla madiya ma ye alako ma kana na faga. Ma ara hakɛ do sa mala hakɛnu kuma tun bawo ma ya a manyinika mansa-sɔrɔn-koe ma.”

1 Samuwɛli 12:23

Kɔnɔ ni nde, Samuwɛli ya n ban Mari madiyala wo ye, wo si ma hakɛ la n bolo, ado Mari ni n tanka wo ma. Yanni n ni wo ma, n si wo karan tonyɛ anubɛ ko-latelennɛ ma.

1 Samuwɛli 7:5

Wo kɔma, Samuwɛli ya Isirɛla mɔgɛ bɛɛsi kele alako anu ni na a taran Misipa soe burɔ. A ya kilayɛ lata ko a si madiyali kɛ anu ye nyɔ.

1 Samuwɛli 7:8

Anu ya a fɔ Samuwɛli ye ko, “I ni to mata Mari Alla madiyala ma ye alako a ni ma kisi Filisitinu masibɛ ma.”